كى لا ننسى .. أكاذيب العلمانيين و إفتراءاتهم

[علوة حامد]

كى لا ننسى .. أكاذيب العلمانيين و إفتراءاتهم
-------------------------------------------------
أكاذيب قبل الثورة :
........................
1- الإخوان جماعة محظورة بحكم القانون ..... طب يا جماعة هاتولنا حكم المحكمة اللى حلت الجماعة ...... شششششششش صمت مطبق

2 - الإسلاميين لو مسكوا الحكم هيجبروا الستات على الحجاب و هيضربوا الناس فى الشوارع (ليه مش عارف) و هيخشوا فى حرب مع إسرائيل و أمريكا و أحنا مش أدهم.... طبعا احنا عارفين إن دلوقتى بيتقال عكس كده تماما
.................................
أكاذيب أثناء الثورة :
..........................
3- الإخوان ركبوا الثورة و الدليل إن اللى كان محبوس فى السجن دون أى محاكمة و لا نيلة كان سيادة الرئيس و عصام العريان و الكتاتنى و أخرون و بالصدفة كلهم من الإخوان أما المعارضين الأشاوس اللى النظام كان بيتجمل بهم فكانوا خارج السجن

4- الإخوان قعدوا اتفاضوا لوحدهم مع عمر سليمان ..... رغم إن الناس كها شافت إن كل الأحزاب و الكثير من القوى و الرموز الثورية جلس على نفس المائدة بما فيهم 6 إبريل

5- الإخوان فتحوا السجون و هربوا المساجين عشان يشيعوا الفوضى ..... الغريبة إن الإخوان نفسهم كانوا جوا السجون

6- الإخوان هم اللى دبروا موقعة الجمل عشان اللى هى اتقتل فيها إخوان برده ..... رغم سذاجة الطرح بس فى ناس بتصدق
......................................
أكاذيب بخصوص مجلس الشعب :
.............................................
7- الإخوان بيكسبوا بالزيت و السكر ..... نظرة واحدة على الفائزين فى كل الإنتخابات الخاصة بالنقابات و خاصة الطب و الهندسة و الصيدلة توضح مدى الكذب الفاحش الذى ينتهجه الإعلام

8- الدكتور الكتاتنى رئيس مجلس الشعب جاب عربية بى إم دبليو جديدة بالشئ الفلانى و الحقيقة إنها عربية الحكومة اللى كان بيركبها قبله على السلمى و فتحى سرور قبليهم الإتنين

9- الدكتور الكتاتنى و الدكتور أحمد فهمى قرروا يستثنوا نفسهم من الحد الأقصى للأجور و الحقيقة إن الدكتور الكتاتنى قال و أنا أولكم

10- مجلس الشعب بيناقش مضاجعة الوداع للزوجة المتوفاة ...... بجانب إنه كذب صراح فهو وقاحة و قلة أدب لا مثيل لها من كلاب العلمانية

11- النائب محمد الكردى بيقول إن تعلم اللغة الإنجليزية مؤامرة .... بغض النظر عن حرية التعبير و كل أصنام العجوة اللى العلمانيين بيعبدوها بس فى مشكلة بسيطة ... إن د.أحمد زويل شخصيا بعد هذه الواقعة بأقل من شهرين حذر الدول العربية جميعا تحذيرا شديد اللهجة من التعليم الأجنبى و المدارس الدولية .... و قبل هذه الواقعة بما يزيد عن عشر سنوات كان للكاتب العلمانى الشهير أحمد عبدالمعطى حجازى سلسلة مقالات بالأهرام و لقاءات تليفويزنية تطالب بتعريب المناهج و عدم تدريس اللغة الإنجليزية قبل الثانوى.... بس طبعا الكلام ده يبقى مقبول من د. زويل و الشاعر أحمد عبدالمعطى و لكن مدعاة للسخرية من محمد الكردى

12- مجلس الشعب يناقش سن زواج الفتاة ..... كالعادة كذب

13- الأخوان المسلمين عندهم ميليشيات و هيحتلوا البلد

14- الإخوان إختاروا توفيق عكاشة و مصطفى بكرى فى اللجنة التأسيسية لوضع الدستور .... بجانب الكذب تتجلى الحمورية فى أبهى صورها

15- الإخوان لو وصلوا للرئاسة هيمنعوا الستات من إنها تشتغل ..... محصلش و كدب كالعادة
.................................................
أكاذيب أثناء الإنتخابات الرئاسية :
...........................................
16- الإخوان هيمنعوا الستات من الشغل لو كسبوا ..... كذب

17- الدكتور مرسى كشفه 300 جنيه و بيموت العيانين ..... المشكلة البسيطة إن الدكتور مرسى مهندس

18- الدكتور مرسى عنده صرع ..... كذب

19- الإخوان طبعوا بطايق جاهزة متعلم عليها مرسي عمال المطابع كانوا بهايم مشافوهاش و القضاة كان عميان ملاحظوهاش و المندوبين و المراقبين بتوع المنافسين كانوا مركبين أرايل و بقرون و مخدوش بالهم و الناخبين انبسطوا لما لقوا الحكومة معلمالهم و كل الناخبين بالصدفة اللى اتعلملهم كانوا هينتخبوا مرسى مش شفيق ..... بس طبعا فى هبل و جهلة كتييييييير صدقت الكلام ده

20- الفريق شفيق كسب ب50.5% و مرسى 50% .... عبط واضح

21- الدكتور مرسى بياخد بدلات مش عارف كام ميت الف .... كذب

22- الدكتور مرسى بيعمل حمام سباحة جديد فى قصر الإتحادية لمراته ...... بجانب الكذب و الحمورية نجد العته فمراته مرحتش القصر أصلا إلا مرتين و لسه قاعدة فى شقة التجمع الخامس

23- الدكتور مرسى بياخد مش عارف أد إيه بدل سفر هو و اللى معاه .... كذب

24- ولاد الدكتور مرسى بيتعلموا ركوب خيل فى القصر الجمهورى ..... كذب

25- خيرت الشاطر عنده مكتب فى القصر الجمهورى ..... كذب و عبط

26- ياسر على يقول النهضة ليست مجرد مشروع إقتصادى بل هى مشروع فكرى كذلك .... فيتحول هذا التصريح بقدر قادر إلى النهضة مشروع فكرى
.................................................. ...........
27- لم يكتف إعلامنا الكذاب الأشر بأكاذيبه فى مصر بل تخطاها للشقيقة تونس بسبب سيطرة الإسلاميين هناك أيضا فنجد من يومين الخبر الكاذب الذى فرح به كل بنى علمان و هو الخاص بالإنقلاب العسكرى فى تونس و لكم بفضل الله نقبهم طلع على شونة
..................................................
هذا جزء يسير من سيل من الأكاذيب لا تستطيع ذاكرتى المتواضعة أن تسعها كلها ...... بصراحة سحرة فرعون ده وصف مهذب جدا .....
فكفار قريش كان عندهم شرف و مروءة أكتر ميت مرة عن إعلام هذا الزمان.