يــــــــــلا جـــــــــــامعـــــــــــه :)

[To Be Is To Do]

المشاركة الأصلية كتبت بواسطة حسن زيرو

النهاردة كان يوم جامعى صعب صحيت من النوم الساعة 7.30 وخرجت من بيتنا ومشيت لحد الموقف وركبت تاكسى عشان اروح جامعة المنصورة وطبعا انا متعود اروح بدرى يعنى عشان اقابل اصحابى هناك مه لازم يغلسوا عليا قبل ما اخش المحاضرات اول اما دخلت الجامعة لقيت واحد صاحبى بيسلم عليا وبيقولى ايه اخبارك قولتله الحمد لله وقعد يلك كتير وانا اصلا كنت زهقان قولتله المحاضرة هتبدا يالا عشان نلاقى مكان طبعا احنا بنعد فى الاخر فاشلين طبعا دخلنا المحاضرة وكانت محاضرة طويلة ممله واخر ربع ساعة الدكتور عمل كويز وطبعا كتير معرفش يحل حاجة دا الطبيعى ....وخرجنا من المحاضرة عشان نروح الكافتيريا نطلب اكل وبعدها كان عندنا محاضرة كيمياء طبعا محضرتهاش لان الدكتور بتاع الكيمياء محدش بيطيقه مش عارف ليه ومبيعرفش يوصل المعلومة وبنبقى قاعدين زى الموتى فى قلب المحاضرة وكان وراها علطول سكشن فيزياء ولان الوقت سرقنى دخلت متاخر وبسلم على صاحبى لقيت المعيد بيقولى برة يابشمهندس قولتله ليه هو انا عملت ايه قالى السكشن مش مكان للهزار احنا مش فى الشارع خرجت طبعا وكان منظرى وحش اوى وقعدت فى حديقة الكلية ازاكر شوية لحد ماطلع واحد زميلى قالى انهم خدوا الغياب حسيت الدنيا بتلف بيا يالهوى ليه كدة دا ايه اليوم دا وحضرت سكشن التفاضل والحمد لله فهمت معظم الشرح بس مش عارف المعيد كان عصبى ليه وخلصنا بدرى ومشينا وكان يوم مشئوم ................ايه دا ياعم كليه الهندسة .....فرحة ساعة ............وندم عمر.........السلام ختام

هههههههههههههه
عادى عادى يا عم كريم والله
كلها حاجات طبيعيه وبتحصل لينا كلنا
انا فى يوم راح عليا كل السكاشن
والله
معلش ان شاء الله الحال يبقى احسن بعد كده

ربنا يعينك