اخبار ضم المدة والمنشور الخاص بها(متجدد)

[امير احمد جمال]

انا كنت فى منطقة المنصورة النهاردة وهحكي لكم الحصل معايه بالتفصيل
انا رحت التسويات لقيت 3كشوف فيهم حوالى 100اسم ومكتوب عليهم يرجى التوجه الى التسويات بخصوص ضم المدة على وجه السرعة وكان اسمى فى الكشف الثالث المهم دخلت على مكتب التسوييات فى راجل بجانب الباب قلتيله اسمى فى الكشوف شاورليه على الدوسهات فى المكتب ال قصاده وقلى دور على دوسيهك لسه بدور لقيت الموظف صاحب المكتب داخل ومش طايق نفسه انت بتعمل اه ياستاذ قلتيله بدور على الدوسيه بتاعى قلى بدور وخلاص انت اسمك فى الكشف رقم كام قلتيله 3قلى مع الاستاذ فلان ال فى المكتب ال بجانبه وهو مش هنا المهم سالت عليه قالولى ماجاش النهارده االمهم رحت للموظف تانى قلتيله على زميله مش موجود عمل هيصه وانا هعمل اه انا مراتى فى المستشفى وطلع عليه عفاريته قلتيله ياستاذ قل لى اه المطلوب عشان انا جاى من سفر قلى طلع دوسيهك طلعته قلى حات صورتين من صدر القرار والصفحة ال فيها اسمك وامضى العقود واختمها من وكيل الوزارة.عملت الورق ورحت ادتهوله
ماعلهش طولت عليكم سؤالى انا عايز اعرف هل الناس كانت ختمت العقود دى وهى بتقدم ودول مثلا ماتختموش لانى كنت مقدم بدرى اول ماقالو ولا دى الاجراءات الاخيرة لان بصراحة الموظف ده ماكنش عطيلى فرصة استفسر عن اى حاجة والاجراءات زى ماقلتيلكم حتى وانا بمضى من وكيل الوزارة الموظفة قالت لى اكتب على ختم المعهد تحت مسؤلية المعهد وعملته من السكرتارية وختمت من تحت