نداء عاجل إلى محافظين جمهورية مصر العربية والذين لم يتخذوا أى إجراءات للتعيين

[يوسف 27]

المشاركة الأصلية كتبت بواسطة شريف حسن .

يا جماعة ارجوكم بلاش القلق والتسرع

القرار كده كده صدر وتعيينكم كم 1 \ 8 سواء قدمت دلوقتى ولا فى شهر 8 حتى

شويه صبر انتوا استحملتوا كتيير خلاص يعنى

بالتوفيق ان شاء الله

أول حاجة عاوز أقولها يا أستاذ شريف أنى مش بلاقى عبارات او الفاظ اشكر بها او اقدر بها المجهود فوق الرائع الذى تقوم به وذلك يضطرنى الى السكوت وأقول فى نفسى أجره عند الله ووالله المنتدى بيك منور وأول ما أخدت إجازة أسبوع كانت إجازة صعبة علينا كلنا
ويعلم الله انى لا أجامل حضرتك
تانى حاجة والله احنا صبرنا كتييييير يا استاذ شريف واللى يضايق انه محدش وصله القرار
غير محافظات معينة ولسه لم يبدا احد فى تنفيذه
وانه ليه التاخير دا كله ومفروض القرار يتنفذ 1\8
يعنى اللى يضايق انك تحس ان المحافظين مش مهتمين او يعنى براحتهم
مفيش غير يعنى لما حد يعملهم مظاهرة غير لما يهتموا بيه
ليه طيب المفروض يقوموا بواجبهم
واللى يضايقك تانى لما تروح الادارة تسال والله تعامل من قبل بعض الموظفين بمنتهى عدم الاحترام والازدراء كإننا كائنات غريبة ليس لها أى حق على الرغم ان الموظفين دول احنا اللى بنعلم
اولادهم وانهم بيتقاضوا اجور عن عملهم هذا وتلاقى الواحد يرد عليك كده من غير نفس وبقرف
دا اذا رد اصلا
سامحنى على الاطالة