وتيجي ازاى؟!.. شخابيط موبايل

[7arfoush]

السلام عليكم..
النهاردة اول يوم ليا في المنتدى للاسف بعد مانسيت الاكونت القديم بتاعي كان ايه
و الصراحة مكنتش عارف انزل ايه اول حاجة عالمنتدى.. فقلت انزل شخابيط كانت عالموبايل بتاعتي

وتيجي ازاى؟! (فبراير, 26)

و تيجي ازاى, وقلبي يقولي جيه وقته عشان ينساه
ويدفن من جديد حبه اللي عاش جواه

وتيجي ازاى, اعوز اوزنها و استحمل سنين جايه
بس الشوق بقى يزهق و بدأ الحال يفيض بيا

بقى متاخر اني اهرب واسيب حبي انا ورايا
و يمكن حبها عايش و لما انساها اظلمها كدا معايا
...
لا عارف انا انساها او الومها او ادفن تاني جوايا

نفسي تعرف ان انا دوام ملهوف, عليها بموت انا من الخوف
وبطمن.. انا لما اشوفها تعيش و مرتاحه
بشوفها بحس بالراحه, واقول اصبر كدا شوية..

يا ريت كله يقول رأيه بجد ولو وحش قول مش فارقه اصل الواحد وهوا فاضي بيرضى باي حاجة :]