نومٰ گتير + عدم ترگيز = مش عارڤ اذاگر

[* Dr.Nour *]

أنا هاقول شوية حلول جربتها و كانت بتنفع :-

- الدعاء دايماً ندعي ربنا إنه يساعدنا و يعيننا على المذاكرة و التركيز و عدم النوم لفترات طويلة زيادة عن اللزوم و ربنا مش بيرد دعاءنا بالعكس بدل ما دة فيه خير يبقى أكيد ربنا هيستجيب إن شاء الله .

- الانتظام في مواعيد الصلاة طول اليوم هو ممكن نحسب إنها مالهاش علاقة بس لو انتظمنا على مواعيد الصلاة طول اليوم تلقائياً بنصحى مع آذان الفجر و نظبط المنبه برضو .

- لما نظبط المنبه أنا بصراحة بظبط أكتر من واحد و بحطهم بعيد شوية بحيث أضطر أقوم علشان أقفلهم فأفوق بس مايكونوش بعيد لدرجة إننا ما نسمعهمش يعني مسافة معقولة و ماتقدرش توصلهم من على السرير .

- الوضوء قبل النوم و قراءة قرآن و الحرص على الأذكار و النوم على الجانب الأيمن زي الرسول صلى الله عليه وسلم .

- إننا نحاول نكتب أهدافنا في ورقة و نعلقها جنبنا و نكتب جمل تحفزنا و وقت ما نقوم نقراها فنحس بإننا عايزين نذاكر .

- وقت ما نصحى و نحس إننا عايزين ننام تاني نفتكر إن على قد ما نتعب نفسنا على قد ما ربنا هيكرمنا آخر السنة إن شاء الله و إن محدش عمره ندم على لحظة تعب فيها لكن كتيييير ندموا على أوقات كسل و أوقات ضيعوها دة لازم نحطوا في دماغنا دايماً علشان نفتكره وقت ما نقوم .

- فيه حل تاني إن ممكن الواحد يتفق مع أصحابه إنهم يصحوا بدري و أول واحد يصحى يرن على التانيين .

أتمنى تكون حلول مفيدة .