#1
|
|||
|
|||
![]()
ده تعليق على خبر افراج الثوار عن فتاتين بعد ماضربوهم و احتجزوهم فده كان رد شاب مصرى محترم عجبنى كلامه فى اليوم السابع
لماذا أكره شباب الثورة؟؟ بواسطة: مهندس محمد بتاريخ: الأربعاء، 1 فبراير 2012 - 01:33 أنا عارف اني هتشتم وهيتقال عليا فلول وحزب وطني والكلام ده لكن اسمع قصتي ورأيي الأول واحكم بعد كده .. والله كل كلامي بصدق..: أنا شاب مهندس مصري 23 سنة بحب مصر وبرضه زيكوا بكره مبارك وأعترف ان المجلس العسكري له أخطاءه وبحب الثورة لكن برضه بكره الفوضي وبكره الاخوة العاطلين السياسيين (الناشطين السياسيين) خصوصا ..أسماء وعلاء .. وبكره الشباب اللى عاملين نفسهم ثورجية وكل واحد شايف نفسه تشي جيفارا بعد الثورة..كنتم كتااااكيت قبل الثورة وأول ما قلنا حرية بقيتو ثورجية .. ولا أنا غلطان؟... قبل ما تشتمني ...تعالي أقولك أسباب كرهي لشباب الثورة والنشطاء السياسيين : 1- ميدان التحرير علمهم الدكتاتورية وعدم سماع آراء الأخرين لأنهم تعودوا بعد كل اعتصام حاجة تتنفذ يعني من الاخر لوي دراع (سمعت أحد المسميين بالنشطاء السياسيين في اتصال هاتفي بأحد البرامج التلفزيونية يقول بالنص "الميدان يأمر ولا يؤمر" !!) 2- جرب تتناقش مع أي ناشط او ثورجي في الميدان هتلاقي سمة واحدة فيهم (صوت عالي جهوري - التشبث بالرأي دون أصلا فهم هذا الرأي وتوابعه - عدم تقبل أي مقترحات منك واذا لم يعجبه رأيك فأنت فلول وخائن للوطن - واذا اتزنق في اي وقت هيقولك جملة واحدة (دم الشهيييييييييييد) ) 3- لم يتفق هؤلاء الشباب أو يتحدوا في ائتلاف او حزب واحد ..لم يستطيعوا ايجاد متحدث رسمي لهم .. آرائهم مختلفة ومشتتة (أتذكر عندما طلب الجنزوري فور توليه مسئولية الحكومة مقابلة مجموعة من شباب الثورة تمثل الميدان ..كل ما يقابل مجموعة الباقيين يقولوا ..دول مش بيمثلونا كشباب ثورة في الميدان ) 4- بعدما طلب الشباب (الحرية والديموقراطية) وبدأنا نسير على نهج الديموقراطية بإنتخاب مجلس شعب واحتكمنا للصناديق التي أتت بالأخوة الإخوان والسلفيين طلعوا يشتموا فيهم ويقولوا ركبتوا الثورة..طيب مش كلنا اتفقنا عالانتخابات والصندوق يا ثورجي ..هي دي نتيجة الصندوق انت عايز ايه دلوقتي؟؟؟!! ( للعلم أنا لست من الإخوان ولا السلفيين ولا أنتمي سياسيا لأي حزب أو تيار) 5- كل النشطاء السياسيين يدعوا للتظاهر والاعتصام وبيشتموا في المجلس العسكري ويسخنوا الشباب..وما شاء الله عليهم ساعة الضرب وال*** لا أجدهم على الإطلاق ..مفيش أي خربوش في وشهم ولا طلق ناري ولا رصاص مطاطي ولا أي حاجة من دي تلطهم خااالص..بالعكس ده بيتشيكوا في اللبس أكتر وعمالين يهتموا بنفسهم أكتر وأكتر!!! 6- هؤلاء الشباب المسميين بشباب الثورة والناشطين السياسيين غير مفيدين اطلاقا لمصر ... لم نسمع أي واحد فيهم يفعل الآتي (تقديم إقتراح أو مشروع اقتصادي مفيد - الدعوة لمساندة أي مشروع قومي قائم أو سوف يقام بأي شكل (مثل مشروع الدكتور الجليل أحمد زويل) - يذهب لمناقشة المواطنيين الغاضبيين ومحاولة ايجاد حل عندما يتم قطع طريق - الذهاب الي مناطق الفتنة في القري ونشر الوعي بين المواطنيين - المشاركة في لجان شعبيه لتسهيل عمليات أسطوانات البوتجاز - تقديم إقتراحات لتطوير العملية التعليمية أو المناهج وكل واحد في مجاله أو تخصصه يقول رأيه ...الخ وغيرهااا من الأفكار.. رجاء أخير ..أرجوك مش كل ما أقولك نبني البلد ونهتم بمصر تقولي دم الشهييد....دلوقتي مش الشهيد ده كان نازل أيام الثورة عشان يحرر بلده ونفسه يضحي بنفسه من أجلهاا..والحمد لله ربنا قبل منه أمنيته وأعطاله هبة ومنحة وفضل الشهادة .. وهو دلوقتي شهيد..يعني في الجنه ان شاء الله .. يعني أحسن مننا كلنا .. أنت ليه كل ما أناقشك يا ثورجي تقولي دم الشهيد دم الشهيد ..يا عم ده راجل أحسن مني ومنك وفي منزله عالية عند ربنا ومش محتاج حاجة مننا...لما تتكلم معايا متأثرش على عاطفتي وتقولي دم الشهيد ..الشهيد على راسنا من فوق وهو اللي حررنا ..ربنا جزاه وهيدخله الجنه ان شاء الله واحنا نهتم ونبني بلدنا ونذكره بكل خير.. أنا قلت اللى عندي وانتوا احكموا .. http://www3.youm7.com/News.asp?NewsID=591576
__________________
ولست أبالى حين أ*** مسلماً على أى جنب كان فى الله مصرعى متخليش حد يضحك عليك فكر شوية |
العلامات المرجعية |
أدوات الموضوع | |
انواع عرض الموضوع | |
|
|