#1
|
||||
|
||||
![]() بسم الله الرحمن الرحيم ![]() مرة واحدة البطن كبرت والعنين أصفرت والجسم سخن وأرتعش !!! أجرو يا ناس على الأطباء >>>> والأطباء تطلب تحاليل وأشاعات وتدى أدوية عمال على بطال ، والحالة زى ماهية ! يشوروا الشوارة ، روحوا لطبيب تانى شاطر. يقوم يطلب منك تحاليل واشاعات تانية عند معمل فلان .... لأنه مبيعترفش بمعمل علان .... ![]() ![]() الله ، إلحقوا!ا الحالة البراز بقة فيه دم يردو ويقولوا ( هنا بقى ننصحك بالحقن أو الربط) كده المريض محتاج دم (بلازما) أه ! آه ! إجرى على المتبرعين وبنوك الدم ( للحق الشعب المصرى أصيل فى المواقف دى) تقدرو ياجماعة الخير تحسبو التكلفة كام أفكرك عربية + كشف + روشتة + تحاليــــــــل + أشاعات + دم غير مهتسيب الى وراك والى قدامك شغلك وبيتك ومصالحك يجتمع الأطباء على إن الحالة متأخرة جدا لابد من الزرع نبدء نجرى ورى ثراب أسمه الزرع ( زرع الأعضاء) لازم يكون متبرع ( مش هيبيــــــــع ) ويكون من الأقارب حتى الدرجة الثالثة يبدء التسارع بين الزوجة والأولاد والأخوات الكل يقول أنا إلى أتبرع صاحب الحالة (المريض) يرفض خوفا على أعز الناس له وبالتصميم يتم الأختيار وتبدء رحلة تطابق الفصيلة والأنسجة ودى لوحدها علقة سخنة جدا ومرهقة مادياً ومعنوياً ولما تتم يقلك المتبرع لازم يقعد مع لجنة حقوق الأنسان ؟ طيب ليه علشان يفهموه إن كده غلط وحرام وفى النهاية ما يتمش التبرع وتقفل دائرة الأمل مرة أخرى إلحقووووو ياجماعة خبر جديد ( خير يارب خير يارب ) الصين بتزرع كبد كامل مش فص واحد وتبدء رحلة النصب ! لغاية منراسل الصين ! بتكلف كام العملية 80000 ألف دولار![]() أحجز بسرعة علشان الحالة متأخرة أوى – جرى بسرعة التذكرة بـ 4000 جنيه للفرد والتأشيرة طيرى ياطيارة على مطار بكين وصلنا بعد 17 ساعة طيران 13 مرة واحدة واستراحة نصف ساعة فى بانكوك وبعدين 4 ساعات ![]() وصلنا الحمد لله بكين العاصمة الصينية ولقينا المنسق منتظرنا بسيارته وركبنا ساعتين ونصف الى مدينة تانجين وصلنا الفندق وأحنا بنزل الشنط جه القىء الدموى بس مش زى الى شفناه فى مصر لا ده بشكل ثانى خالص ( علشان الضغط الجوى بتاع الطيارة ) !! وبسرعة وفى نفس السيارة جرىِ على المستشفى وسبنا شنطنا على الأرض من لبختنا ما أحنا بنلعب فى الثوانى الأخيرة قابلونا فى المستشفى وكأننا من كبار القوم فى مصر لما يدخلو زيارة المستشفى ( إحترام ونظام وسرعة وخوف على المريض) شوفو هكررها ( إحترام ونظام وسرعة وخوف على المريض) ومفيش إجرائات إداريه لا إسمه ولا عنوانه ولا ضامن ولا إدفع تحت الحساب ولا الحالة ايه ومن امتا ونحكى قصة أبو زيد وسيبين الحالة ونشاكل على المرافق والذى منه فجئة أصنصيل الطوارء بيتفتح نلاقى فيه طبيب هوه الى قال على الدور السادس ( طبعا منعرفش يعنى ايه الدور السادس) هو icu يعنى العناية المركزة بدأو بتعقيم المريض قبل الدخول فى غرفة مخصصة لذلك بالبخار والشفط . أصريت إنى أدخل مهو أنى عربى برضه وإذاى أسيب أخويا وصاحبى . بكل سعة صدر وافقوا بشرط إنى أكون جامد وأستحمل إلى هشوفوا وطبعا موافقون تم تعقيمى أيضا بنفس الغرفة وبدلت ملابسى ولبست طاقية وجونت وشراب كل دة يشبه البلاستك الخفيف أوى وكمامة علىالأنف والفم وكمان طبيب كشف عليا بجهاز الضغط ! ( الله على الناس دى وحبهم وأتقانهم لعملهم) بصيت شوفت صاحبى متركب له خراطيم كثيركلها فى الأخر داخلة كالونا وحدة فى الوريد وأجهزة فى إديه ورجليه أستغرق كل ده 15 دقيقة ولقيت الأطباء جابت الكراسى وقعدت والممرضات بتمسح وتغسل فى الدم فسألت قعتوا ليه قالو العلاج الى خدو هيستمر 10 ساعات ويقف النزيف وأثناء العشر ساعات هيفوق ويفتح عنيه بعد 3 ساعات وفعلا على الساعة حصل الى قالوا عاليه . الحمد لله رب العالمين. والفريق ده سلم الفريق الثانى الصبح وقالوا لى هنعمل اشاعات وتحاليل قلتلهم معايا أهه !؟! وقعدت أفكر فى الشيل والحط وهوه فى الحالة دى – وقلت يارب الساعة 9 قالوا إكتب إقرار بعمل الأشاعات والتحاليل ووقعت على الأقرار الساعة 9.10 لأيت عربية داخلة علينا فتحت درعتها لأتها أشعة متنقلة ماشية على عجل وطلعت دى ودخلت غرها وبعدين خدو عينة الدم ( كل ده فى الغرفة ) الساعة 12.35 طلعت النتيجة ‘إن فى تليف ودمور وتضخم فى الوريد البابى ( طبعا كل ده إحنا عارفينه الجديد إن فى مرض سرطانى 1.5 سم فى 3 سم وأخر 3فى 3.5 طب وبعدين قالوا هنجهزو للعملية بعد 10 أيام وحدثت مشاكل فى التنفس أخرتنا كمان 7 تيام ... يعنى بعد وصولنا بـ 17 يوم تمت العملية والحمد لله ده شىء مفرح وفرحنا الى فى البلد علما إن الأشاعات يوميا تقول إنه مات ويتصلوا يقولوا إمته هتشحن متخبيش علينا وهوه تمام ويكلم ولاده ومراته كمان إلى هنا أترككم الأن البروفوسير بان بعد 17 ساعة داخل غرفة العمليات ![]() ![]() دكتور قائد المرادى - المترجم ![]() دكتور عبدالعالم العامرى - مترجم
![]() دكتور سامى نائب مدير معهد الكبد بكفرالشيخ بعد العملية ![]()
__________________
اطلبوا العلم، فإن عجزتم فأحبوا أهله، فإن لم تحبوهم فلاتبغضوهم هيا بنا نتعلم الديمقراطية ![]() <!-- Facebook Badge START --><!-- Facebook Badge END -->
آخر تعديل بواسطة محمد حسن ضبعون ، 19-12-2011 الساعة 11:12 AM |
العلامات المرجعية |
أدوات الموضوع | |
انواع عرض الموضوع | |
|
|