انا بجد نفسيتى تحت الصفر....ياريت تساعدونى

[مجرد انسانة]

اختى ارق ملاك انا متفقة جدا جدا مع كلام بندق

وباكد حتة ان لازم يكون ليكى حد من البيت اخوكى والك والدتك اختك ده انتى محتاجاه ويمكن ده اللى خلاكى تحتاجى حد من بره او تدورى على حد من بره يكون معاكى وجنبك فى حياتك ويحس بكل كبيرة وصغيره عندك

مفيش حد هتلاقى فيه كل حاجة بتتمنيها ومش هتلاقى كتير زيك من ناحية الحساسية ومن ناحية انهم يدو لغيرهم كتير من غير مقابل

حاولى متثقيش فى اللى حواليكى بسرعه ومتديلهمش مساحة اكبر من حقهم لان الناس بطبيعتهم لما حد بيديلهم مساحة اكبر من حقهم بيتمردو عليه مش بقولك متثقيش نهائى فى حد بس تانى فى اختيارك وفى حكمك على اللى معاكى

ولما تثبتلك انها فعلا تستاهل ثقتك ابداى انتى كمان تديلها مساحة فى حياتك

وحاولى زى ما قولتلك تصلحى علاقاتك مع اسرتك لان ده مخليكى محتاجة لحد دايما ولو الحاجة دى اتصلحت هتبى لما بتحتاجى حد من برة هيكون احتياج طبيعى فى حاجات طبيعية

ولازم تقفى جنب نفسك فى ازماتك وتاقدرى تحليها بنفسك لان صدقينى مفيش حد هيشيل همومك عنك

مش كل الناس وحشين ومش كلهمن برضه حلوين بس احنا محتاجين نحسن الاختيار ونتانى فيه وندى القثقة للى فعلا يستاهلها

ودورى على قدوة ليكى فى حياتك لازم يكون ليكى قدوة وهدف متخليش هدفك الناس وبس لا خلى كمان هدفك مستقبلك فكرى فى اهدافك وشوفى نفسك تبقى ايه فى المستقبل اشغلى وقتك بحاجات مفيده خرجى طاقتك فى حاجة بتحبيها رياضة رسم موسيقى اى هواية بتحبيها وصدقينى هتلاقى الحياة =افضل بكير واهم بكتير من مجرد تفكير بس فى علاقات ناس وخليكى اجتماعية متتخليش عن ده دى ميزة كويسة فيكى بس تبقى اجتماعية فى حدود انك تحطى لكل انسانة المساحة اللى هى تستاهلها

انا قولتلك ده من خلال خبرتى المتواضعه فى الحياة ومن خلال التجارب اللى مريت بيها

وربنا يوفقك ان شاء الله

مع تحيات مجرد انسانة؛