انا فاضى النهارده....

[ايمى الادهم]

بصراحه انا كنت منظمه انى هذاكر الاسبوع بتاع العيد دة بس مفتحتش ولا كتاب يعنى الخطه فشلت فشل ذريع
ولما سالت زمايلى قالولى نفس النظام فكبرت دماغى مش انا بس اللى كنت ناويه اذاكر ومذاكرتش
وبعدين المدرسين قالولنا متحاولوش تذاكرو قبل رابع يوم العيد عشان مش هتركزوا

اما بخصوص الجامعه فربنا يستر لان انا شايفه ان ثانوى اسهل بكتير على الاقل احنا علينا 40 فى الميه بس من المجهود وهو المذاكرة انما لازم 60 فى الميه اعتماد على المدرسين بس فى المراجعه بيبقى 75 تقريبا فى الميه على الطالب والباقى على المدرس
اما فى الجامعه فبيكون الميه فى الميه على الطالب
هو اه عندهم (الطلاب الجامعيين ) فترات راحه ومش بيذاكروا زينا طول الاسبوع ومقضينها هزار بس برده كفايه انهم مش بيعرفوا ايه اللى جاى فى الامتحان وايه اللى مش جاى قبل شهر واحد من الامتحان انما احنا نقدر نتوقع بسهوله ايه اللى ممكن ييجى وايه اللى نستبعده