وأخيراً .... سارة هتصلي إستخارة !!!

[الخروج من القمقم]

بسم الله الرحمن الرحيم

يارب اختار لي .. يارب اختار لي .. يــــــــاااااارب اختار لي
يارب رضّيــــــني

دي الكلمات اللي سارة رايحة جاية عمالة ترددهم في غرفتها قبل ما تدخل على العريس الجديد
لحد ما دخلت عليها بنت خالتها أسماء

أسماء: إيه اللي إنتِ عملاه في نفسكِ ده .. إيش حال أنه العريس الثالث عشر؟


سارة: بقولكِ إيه مش ناقصة قلق .. أنا أصلاً بتشاؤم من رقم 13 ده ومش مطمنة!!

أسماء: إيه الهبل اللي بتقوليه ده؟.. تتشاءمي من رقم ؟؟

سارة: هو كده!.. الرقمين بحس أنهم مخاصمين بعض وعشان كده حاسة أني والعريس ده مش هنتوافق!

أسماء: مش هنتوافق !!.... ربنا يهديكِ ،، يا حبيبتي ما تعرفيش أن في حديث عن النبي - صلى الله عليه وسلم - بيقول: " الطيرة شرك " ؟

سارة: يعني إيه طيرة؟

أسماء: الطيرة اللي هي التشاؤم بأي شئ لدرجة أنه يصدكِ عن فعل عمل كنتِ ناوياه ..

سارة: اااه .. أستغفر الله العظيم يارب .. طب أعمل إيه دلوقتي؟.. حاسة أن قلبي مقبوض


أسماء: صليتى استخارة ؟


سارة: آه


أسماء: أكيد ولا إيه؟


سارة: أيوة وأنا بصلي العصر النهاردة فضلت أدعي .. يارب اختار لي يارب اختار لي .. والدعاء اللي من الصبح عمالة أقوله لما دخلتي عليّ .. وبرضه قلت الدعاء إمبارح في صلاة العشا قبل ما أنام بس ماشوفتش لا رؤيا ولا حلم ولا أي حاجة

أسماء: هي دي صلاة الاستخارة اللي صلتيها ؟

سارة بكل ثقة وبراءة: آه

أسماء: الحمدلله الحمدلله كل اللي عملتيه ده غلط
وتعالي يا سارة أعلمكِ الاستخارة !!