|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
||||
|
||||
![]() السلام عليكم ورحمة الله وبركاته الموضوع دا انا كاتبه حاجه كدا زي فضفضه يعني بدل ما اكلم نفسي من كتر الي بيحصل حواليا هو احنا ليه راضيين باللي بيحصل في البلد وليه الحكومه بتعامل الشعب كدا يوم السبت في البرنامج بتاع الطبعه الاولي بيقول ان المحافظ بتاع بني سويف رايح يشوف الموضوع بتاع طوابير العيش دا وقال يجرب يقف بيقول وقف ساعتين في الطابور ساعتين متحركش من مكانه يعني حتي مقربش من الشباك في الاخر الراجل زهق راح طلب من الحراسه بتاعته انهم يقتحموا المخبز ولما اقتحموه لقوا كمايات كبيره جدا جدا جدا من العيش تكفي الناس الي برا وزياده بس هما عايزين يفضلوا كدا عشان يزهقوا الناس ويمشوا كتير منهم ويوزعوا علي الي لسه واقفين وبعد كدا يبيعوا العيش في السوق السودا وبيقولوا ان المحافظ اتعصب ومسك الشومه واعد يضرب فيهم :D دا غير شكاير الدقيق الي بتتهرب وتتباع في السوق السودا ويحطوا بدالها بودرة سيراميك وحاجات كدا لا وفي مرسي مطروح ابتكروا حاجه جديده انهم يعبوا العجينه في شكاير:D دا غير ان العيش الفينوا الي كان بباريزه بقي بخمستاشر قرش وبعد كدا بقي بربع وبعد ذلك اصبح بقدره قادر بنص وعلي الدنيا السلام:D وازازة الزيت الي بقت بعشره جنيه والرز الي بقي باربعه جنيه والله يا جماعه انا حسيت اننا خلاص بنرجع لزمن الاقطاعيين وفي المرحله القادمه هتبقي في طبقتين في الشعب طبقة الفقراء والاغنياء ومفيش وسط والتعليم هيبقي للي يقدر يدفع وهيلغوا المجاني وزير الاقتصاد باين يطلع ويقول ان كل دي (غلوشه) علي المسيره الاقتصاديه الناميه :D طب هو دا انتقام ولا ايه ولو حد ملاحظ ايام بطولة افريقيا ومصر بتلعب واحنا كلنا مشدودشن لمصر ونلاقي مسيرة الغلاء بدات وطبعا الناس مشغوله في الي بيحصل ولما بدانا نفوق راح طلعلنا متش الاهلي والزمالك:D وكل شويه هيطلعوا حاجه يخدروا بيها الشعب والغريبه ان الشعب راضي وبرغم كدا بيضغطوا عليه اكتر يعني نقف في الطابور 3 ساعات واربعه علي رغيف العيش وفي الاخر يطلعلنا عيش غير ادمي ويبقي رغيف الفينوا بنص جنيه دا عشان تشبع برغيف يعني الكاتب بلال فضل بيحكي في مره علي راجل غريب شويه كان في حاره اسمها حارة سمكة الراجل دا كل يوم في وقت الغدا كدا يجي عند محل الجزاره ويقف قدام اللحمه ويفضل يدعيلها بالرحمه لحد لما الناس تتلم عليه يروح الجزار مديله حتة لحمه عشان ميفضحهوش والواحد خايف ان يجي اليوم اننا نقف قدام محل الكشري او المخبز ونترحم علي طبق الكشري او رغيف العيش ![]() رضينا بالهم والهم مش راضي بينا ![]() سلام
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
العلامات المرجعية |
أدوات الموضوع | ابحث في الموضوع |
انواع عرض الموضوع | |
|
|