#11
|
|||
|
|||
![]() موضوع جميل جدا و قصة رائعة و اهنيك على المجهود ما شاء الله,,
انا اول حاجة اظن ان العنوان "كن إيجابيا" احسن بكتير من "خد,, تعالى هنا" ![]() و بالنسبة للموضوع نفسه انا ليا رأي ممكن كتير يعتبره متشائم او مثبط بس للاسف زي مابيقولوا,, Truth Hurts يعني كلامك حلو جدا عن الايجابية و بدل الشكوى نقوم نعمل حاجة مفيدة بس للاسف الكلام ده هنا في ام الدنيا قليل التأثير,, بمعنى ان احنا وصلنا لدرجة رهيبة من زي مانتي ماقولتيها "ثقافة رمي الزبالة في الشارع" يعني هاضربلك مثال حصل معايا انا شخصيا,, انا الحمد لله عمري ما كنت بارمي زبالة في الشارع و دا انا اتعلمته من اخويا الكبير,, جيت مرة كان في ايدي كنز فاضية و كنت مع اصحابي الي رموا طبعا الكنز في الشارع "انا بصراحة ماتكلمتش و سبتهم يرمو و دا كمان سلبية برضه" قعدوا يقولولي ارميها و ريح دماغك ماحنا كلنا بنرمي,, المهم فضلت ماسكها لحد مالقيت سلة زبالة "نادرة" و لقيتها بعد عناء السلة كانت فاضية و حواليها ملياااااااان زبالة,, فنا رميت في السلة و فجاة لقيت واحد معرفهوش بيقولي "ايه.. ماترميها في الشارع انت احسن مننا ولا ايه ؟ انت فاكر نفسك ارقى ممنا عشان ترميها في السلة ؟ بطلوا "التكبر" و كل واحد فاكر نفسه احسن من الناس" مش هاكمل انا قولت ايه و بتاع عشان ده مش وقته ولا مكانه,, اظن مكانه هايبقا في موضوع اسمه "مافيش فايدة" شوفتي بقا عقلة الشعب دا عاملة ازاي,, ؟ يرموا الزبالة جنب السلة و لما يجي حد يرميها في السلة يضايقوا و يفتكروا انه بكده احسن امنهم,, الموضوع ده بينفخ في قربة مقطوعة اقسملك بالله الشوراع لما جماعة بيتطوعو و ينضفوها,, مش هاقولك تاني يوم,, لأ يومها بالليل الناس بترمي زبالة في نفس المكان و توسخوه "بقصد" او طبيعة سيئة,, الكلام الي انت قلتيه في الموضع ده جميل بس ياترى هاينفع ؟ انت بتتكلمي مع شعب تفكيره عشان مايحسش ان الناس احسن منهم,, مش بيعلى نفسه و يصلح من نفسه,, و لكن بيحاول يخلي الناس اسوأ و ينزل منهم عشان يبقوا زيه و مايحسش انهم افضل منهم,, ده كان الشارع بيتسفلت يوم الحد مثلا.. الاهالي بيحفروه تاني يوم الاتنين يعني التخريب و قلة الادب متأصلة في الشعب المصري,, انا مابقتش اضايق بس بقيت اتعامل مع الحياة بلا مبالاة عشان تيقنت من مواقف كتييييييرة مختلفة انه فعلا "ما فيش فايدة" و "الكوب كله فاضي" يارب ماكونش ضايقتكو بكلامي ال هو انا عارف فيه كمية تشاؤم كبيرة جدا,, ولكن هانهي الكلام فعلا بجملة الحقيقة دائما مؤلمة <_< ![]() |
العلامات المرجعية |
أدوات الموضوع | |
انواع عرض الموضوع | |
|
|