مسلم مسيحي كلنا عايشين هنا

عبد الحى بدر · #1 11-01-2011, 06:23 PM

مسلم مسيحي كلنا
احنا هنا بنعيش سوا
على أرضنا وف مصرنا
بنروح نعزي ف بعضنا
والفرح يبقى فرَحْنَا
مين اللي نفسه يبث فينا
الفرقة دي ويهدنا
نفسه يمزق توب جميل
نفسه يشتت شملنا
دا مش كلام أنا جاي أقوله لوقتنا
أحلف بربي اللي خلق موسى وعيسى
وبعت نبينا محمدا
إن اللي حاصل دا غريب عن طبعنا
إن اللي فاعل دا خسيس مش مننا
أن اللي عامل دا أكيد دا خصمنا
مصر الهلال فوق المآذن و الصلاة
فيها الكنائس شاهدة
بتدق أجراسها يوماتي
وتدعي ناسها للصلا
واللي أباح سفك الدماء
وقتل نفوس الأبرياء
هنقوله مصرعظيمة
باولادها الأباة
مسلم مسيحي دول سوا
تبقى ويندحر البغاة
تبقى ويندحر الطغاة
--------
بقلم :الشيخ / أ/ عبد الحي بدر

1432 / ه
يناير 2011م

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري