كلية التربية _جامعة طنطا _ دبلوم خاص _ شعبة تربية مقارنة

[ELBESTAWY]

السلام عليكم ورحمة الله وبركاته

أنا طبعا حزين جدا للى حصل فى المنتدى يا جماعة وخايف ان ده ممكن يؤثر بشكل سلبى فى علاقة الدكاترة بينا , ده من ناحية , ومن ناحية أخرى ذلك العملاق الضخم والصرح الشامخ الذى بدأناه مع الأستاذ الفاضل / جمعة عاشور سوف يضمحل تدريجيا الى ان تصبح التعاملات كلها من خلال الايميلات .

وبصراحة يا جماعة انا حاسس ان انا لما ادخل على المنتدى باحس ان انا فى الكلية , أحضر المحاضرات وأقوم بتدوينها وألتقى بالزملاء والأحباء ونتبادل التهانى والمشاركات بمناسبة وبدون مناسبة .

أنا لى رأى يا جماعة ان احنا نحاول نعتذر للدكتور أو الدكتورة اللى سببنا له مشكلة بشكل أو بآخر بحيث نتلاشى اى ضغينة لنا من قبل السادة الدكاترة , ثم نعود الى منتدانا بالشكل الذى عهدناه وبالشكل الذى بدأنا به , ولكن هذه المرة مع الحرص على عدم التعرض لأى أحد من السادة الدكاترة بما يثير غضبهم .

وشكرا لكم ...........

محمد البستاوى
مدرس لغة انجليزية بمطروح