اقتباس:
المشاركة الأصلية كتبت بواسطة ell0rd
بصى حضرتك
انا قرأت المشكلة كلها وقرأت كل الحلول
وما شاء الله الناس كلها بتحاول تساعد ولكن للاسف مش مقتنع بولا فكرة من افكارهم
لسبب واحد ان الافكار دى افكار غير منطقية ولا تتناسب مع عقلنا ولا عادتنا وتقاليدنا
حضرتك انا هقولك وجهة نظرى فى المشكلة دى كلها
ربنا سبحانة وتعالى لما خلقنا خلقنا على الفطرة
واى حد فينا مهما كان جاحد او بعيد عن ربنا او مش بيصلى او او
لو شاف اى موقف مؤثر جامد وحد فكرة بربنا لازم هيرجع لرشدة ويعود الى اصلة وهو الفطرة
التى خلقنا الله عليها
هقولك طريقة نجحت كتير مع اشخاص اعرفهم جيداً
اولاً بما ان حضرتك اختة اذاً انتى ليكى تأثير قوى علية على الاقل فى الكلام
ولكن قبل ما تتكلمى معاة فى اى حاجة لازم تكونى مرتبة الكلام من قبل ما تكلمية
وتكونى فاهمة ومتأكدة من كل كلمة هتقوليها لة لانة بكل بساطة الشيطان هيخلية يتحول معاكى فى جدال
ويكون متوقع ان هو الصح وانكى الخطأ
والاستمرار فى المناقشة على علم وتمكن واقناع هو الى سوف ينجح اذاً فلابد وان تكونى مستعدة لهذا اللقاء
فى اول يوم وليكن غداً نزلى حلقة عن الصلاة للشيخ محمد حسين يعقوب لاننى من وجهة نظرى انة لة تأُير فى الحديث قوى على الشباب تحديداً اقوى من الشيخ محمد حسان
ربنا يجازيهم خير جميعاً
نزلى الحلقة دى فى وقت تكونى متأكدة انة هيرجع فية للبيت وهيقعد على الكمبيوتر واسمعيها اول ما يدخل
ولما يقرب منك اطلبى منة يجى يسمع معاكى الحلقة دى لان فية حاجات عاوزة تاخدى رأية فيها او فى حاجات مش فاهماها او اى حجة عشان يجى
ولما تقعدو حاولى تتأثرى بكلام الشيخ قوى وتظهرى الكلام دا عليكى وخلية يلاحظ كدة
وحاولى تسألية اية رأيك فى الحلقة لحد دلوقتى ؟
دا انا كان ليا واحدة صاحبتى بعيدة جداً عن ربنا وسبحان الله اول ما سمعت الحلقة دى قربت اوى من ربنا
هو هيفهم انك تقصدية لكن هيبدأ يخجل منك ومش هيعقب على كلامك
استمرى على هذا النظام اكتر من مرة
ولما الحلقة تخلص على طول خدية فى مكان اوضتك مثلاً انتى وهو بس
وابدأى كلمية بهدوء وبصوت واطى
انت لية مش بتصلى ؟
هو ربنا خلقنا لية ؟
وفكرية بالحلقة وبالكلام الى قالة الشيخ
وكلمية عن حاجات مؤثرة عشان تحرك قلبة
قولى لة انا كان ليا واحدة صاحبتى مش بتصلى وماتت وهى كدة ؟
ياترى دى هيكون موقفها اية ؟
ياترى هتقابل ربنا ازاى ؟
هتقول لربنا كنت مشغولة بأية ؟
بالدنيا !
يعنى اية كلمة دنيا لفظ دنيا
دا جاى من الدناوة من الاشياء الــ...
فاهمة عاوز اقولك اية ؟
وفى النهاية اطلبى منة انكم تقومو تصلو تهجد لو كنتم باليل
لو ركعتين لله
او العشا او او او
المهم تصلو وقولى لة صلى بينا جماعة واقرأ قرأن بصوت عالى
لو مش حافظ اعطية مصحف يقرأ منة
وحاولى تختارى صورة عن الصلاة عشان تأثر اكتر
وتانى يوم حاولى تعيدى الموضوع مع حلقة جديدة
وتالت يوم ان شاء الله هو الى هيعمل الموضوع دا معاكى وهو الى هينادى عليكى ويقولك تعالى اسمعى الحلقة دى
وجربى وعرفينى النتيجة
اتمنى اكون قدرت اساعدك بأى شئ
ربنا يكرمك
|
اولا شكرا اوى ع المشاركه
ثانيا فى حاجه كده انا عايزه اقولها
انا مقدرش اعمل كده لسبب انا مش بتعامل مع اخويا ده تماما تماما يعنى احنا عايشين فى بيت واحد اهوه بس ممكن يعدى ايام واسابيع على ما اتكلم معاه
انا بخاف منه جدا (مش خوف خوف يعنى لأ يعنى تقدر تقول ببعد عنه اوى لحد ما اخدت على كده لو اتكلمت معاه بحس انى مخنوقه ومتضايقه اوى بسبب الموضوع ده)
انا لما ابقى قاعده معاه فى البيت لوحدى ببقى خايفه اوى
انا مش بتعامل معاه خاااالص خالص
يا جماعه المشكله بقيت متعقده لدرجه مفيش حد يقدر يتخيلها
ومتقوليش حاولى تتكلمى معاه او تصاحبيه
لانى هقولك لأ مليوووون مره والله مش هقدر
09-09-2010, 01:10 AM
العرض الشجري
