العروسة الصينية.. هل تصبح الحل لأزمة الزواج في مصر؟

[silentman84]

المشاركة الأصلية كتبت بواسطة نقاء الروح

سبحان الله اومال مين ال بيسافر لايطاليا و بيغرق هناك ؟
ولا هتقولي اصله ماشي ورا وحدة و هي ال قالتلو روح ؟!

يعني الاتنين همهم على الفلوس مش احنا بس
ده داء اصاب الجميع بلا تمييز ،،

اما بالنسبة نقطة ان المصرية عملية و مش هتعرف تحب .. والخ لسة من ويومين سامعة انه واحدة كانت هتطلق من جوزها عشان بتقولوا عاملني بحب و سمعني كلام حلو ،
وهو بيقولها حب اي وبتاع ايه ، هو احنا فاضيين ؟
وياترى مشغول فايه ؟ فتجميع الفلوس
يعني عملي
و طبعا قيس على كدة كتير ،

تاني حاجة انت حطيت اللوم كله عالبنت في موضوع المعاكسات العلاقات ،
يعني طالما انتو الملاك البرئ ليه ما تحترموش نفسكو حتى لو كانت البنت مش محترمة ،
هتقولي هي ال عملت ده في نفسها ،
هقولك انتو مش بتفرقوا كله عندكم واحد محترمة مش محترمة الكل سيان ،

اما بالنسبة لنقطة رفض الشاب لقلة الامكانيات
انا بوافق حضرتك جزئيا ،
بس الاهالي مش بيصعبوا عالشاب من فراغ
ولكن لانه انتو السبب ،

يعني انا اعرف اتنين ،
وحدة اهلها سهلوا عالشاب جدا و ساعدوه و هي شايله شيل
وفالاخر عمل ايه ؟
موريها الويل ، حتى كرهها فانها اتجوزت اصلا ،
فتتوقع ديه تعمل ايه لما تجوز بناتها ؟!

التانية اهلها وروه العين الحمرا من البداية ،
محترمها و مش بيزعلها و حاجة كدة زي الافلام ،

فانا طبيعي كبنت هعمل ايه واهلي هيعملوا ايه؟

يعني السبب فده انتو وبردوا بتشتكوا ،

و لو جينا نتكلم عن المحترمات وانهم قليلين ،
هقولك بردوا الشباب المحترم بئا قليل كمان ،

يعني ديه حاجة على الاتنين ،

فالاخر انا مش مش معترضة على الجواز من صينية ، ان شالله يارب كورية ،
بس بلاش الصاق التهم عنوة بينا لانه مش احنا الوحشين بس ،

وكلنا فينا عيوب ،
لكن مشكلتنا كل واحد بيشوف نفسه احسن واحد وبيدور على عيوب التاني،
فالمفروض نتقبل عيوب بعض عشان محدش كامل ،

و بالنسبة للصينية مااعتقدش تتحمل مصري،
هتبلغ فرار من اول يوم مسكينة ،
و ما اعتقدش كمان انك هتلاقي الراحات ال ذكرتها
لان الصينية بشر و عيوبها للسما ،،

وربنا يعينا ،،

ماهو بيسافر ليه ماسألتيش نفسك ايه السبب ....علشان يكون نفسه ويتجوز من البنت اللى نفسه فيها ......انتم اللى همكم على الفلوس مش الشاب ...ان كان على الشاب فبيرضى بقليله لكن انتم يابنات عايزين وعايزن وعايزين .....يبقى الشاب بيجرى ورا الفلوس لمين...ماهو ليكم.. يعنى فى الاول والاخر ليكم...
طب الراجل مش فاضى وبيعمل فلوس طب ماهو لمين مش ليكم ....سبحان الله ولاعجبكم كده ...ولا عجبكم كده .....اما البنت بقت عمليه فهى مش فاضيه يامشغوله فى الشغل لو بتشتغل ....يا فى الاكل والمطبخ ..يا فى البيبى ....يا عند ماما...يا بتتفرج على التلفيزيون..وهكذا
اه موضوع البنت اللى مش محترمه ...والملاك البرىء .....وليه احنا مش بحترم نفسنا لما بنلاقى البنت مش محترمه ....طبعا فى ظل الحرمان الجنسى وربنا محلله بالجواز ومافيش جواز والسبب انتوا عارفينه .....الواحد حيعمل ايه يعنى لما يشوف محزء وضيق ها........جربى كده تحبسى نفسك وماتكليش لمده يومين وبعد كده تشوفى الاكل قدامك حتعملى ايه ...حتنزلى على الاكل نزل وممكن تكلى صوابعك وانتى مش حاسه....الحرمان وحش اوى
موضوع رفض الشاب ....وموضوع صحباتك اللى حكيتى عنه وكله راجع عن البعد عن الدين وعن الله ....لانه مفروض يتقى الله ويحس على نفسه انى اهلها كويسين وساعدوه والواضح انى مافيش دين علشان كد بييحصل كده
اما الشباب المحترم قليل ....لا ...انا بقول كتير ....بس انتم ماتلبسوش ضيق وعريان ...وتلموا نفسكم شويه وماتدوش فرصه لحد كده ولا كده وانتم حتلاقونا محترمين .....لاكن تعملى ايه مع بنات الكافتريات ....محزء وضيق وعريان وشيشه وبلوتوث......الى اخره والعياذ بالله
بالنسبه اننا متساوين فى نسبه الشباب والبنات الى مش محترم ودى حاجه على الاتنين......انا بقول لا.... لانى انتم اكتر مننا فا بالتالى نسبه البنات اللى مش محترمه اكتر
اما عن العيوب فعيوبكم انتم اكتر
لا بقى الصينه زى الفل وعشره على عشره وعن تجربه كمان وربنا عوض صبرنا خير
اما عن موضوع الصينيه مش حتقدر تستحمل المصرى وتهرب منه فا بقولك برده لا.....لانى ليا اتنين اصدقاء متجوزين من صينيات ومنهم واحده حامل كمان ...احب اقولك انها سعيده بيه اوى وبتموت فيه وماطفشتش منه زى ماانتى بتقولى وحياتهم بسيطه جدا وسعداء وربنا يبارك لهم