العروسة الصينية.. هل تصبح الحل لأزمة الزواج في مصر؟

[نقاء الروح]

المشاركة الأصلية كتبت بواسطة silentman84

من الاخر... الفلوس هى لغه العصر وهو المفهوم الفكرى للامان والمستقبل من وجه نظركم وكل واحده عايزه تبقى كبيره على طول بمعنى ان الانسان مش بيتولد كبير يعنى بينزل من بطن امه مغمض عينه بعد كده بيفتحها...بيبتدى يتهته....يبتدى يتكلم كلام غير مفهوم....يحبى....يوقف ويقع......يمشى .....يتكلم ..... يعنى بيكبر وحده وحده ..مثال تانى ربنا خلق الكون فى 7 ايام..مع انى ربنا قبل مايقول للشىء كون فيكون بيكون لكن ربنا ليه حكمه فى كده انه يعلم الانسان الصبر...لكن مين عنده صبر فيكم يابنات اليومين دول... كل واحده فيكم باصه فوق ...الفقيره مثلا نفسها فى واحد غنى ويسلام لو جميله تستغل جمالها وتتعوج...كذلك متوسطه الحال ...اما الغنيه فبتدور على واحد اغنى منها وهكذا... وفى فئه كتيره منكم مش بيتجوزوا الا من سعودى او كويتى او اماراتى او مصرى كبير فى السن علشان تضمن انه معاه فلوس مش شاب لسه بيشق طريقه ... اما البنت العربيه مش بتتجوز الا من ابن بلادها .....اما احنا الشباب اه وبقولها احنا الملاك البرىء عارفه ليه لانى البنت هيا اللى بتسمح للشاب وبتديله الفرصه عارفه ليه لانى ماجاش خبط على الباب سمحتلوا انه يشوفها اكتر من مره وتخرج معاه بدون علم اهلها وده حرام شرعا وبتديله الفرصه انوا يكون على علاقه بيها وساعات بتوصل العلاقه زى المتجوزين يبقى الغلط من مين ...مين اللى سمح وعطى الفرصه ...وكلنا عارفين ان اجتمع رجل وامراءه الا وثالثهما الشيطان ....ليه تبقى عارفه كده وتعمل كده ... يعنى إن كان الشاب مش ملاك برىء انتى ممكن توقفيه لحد معين ومايتعداش حدوده لاكن انتو اللى بتسمحوا بكده لانى البنت بتبقى فاهمه كويس اللى قدامها ده عايز ايه بالظبط.... يعنى مثلا عرفتى شاب واعجبتم ببعض ...خلاص تعالى اتقدم .....مرضاش سيبك منه ...يبقى ده مش جاد وعايز يتسلى ...او بيكون شاب كويس فعلا و بيجى يتقدم بس بيترفض لظروف امكانياته ... اخر حاجه احب اقولها البنات المحترمه بقت تتعد على الصوابع ومن الصعب انك تلاقيها بسهوله وإن لاقتها اهلها حيساعدوك ويقفوا جنبك ولا ..لا يبقى الواحد يتجوز صينيه او يابانيه او انجليزيه او روسيه مسلمه لانهم بصراحه ماشين على نهج دينا ...دين اليسر....يسروا ولا تعسروا.....وبكده الواحد يستقر ويكون اسره مسلمه وكمان يحافظ على نفسه من الفتن ويحفظ فرجه ويغض بصره ليرضى الله عنه والرسول ويبتدى يعبد الله حق عباده ..لينعم بالخير ويشعر بالراحه النفسيه والبدنيه والفسيولوجيه.

سبحان الله اومال مين ال بيسافر لايطاليا و بيغرق هناك ؟
ولا هتقولي اصله ماشي ورا وحدة و هي ال قالتلو روح ؟!

يعني الاتنين همهم على الفلوس مش احنا بس
ده داء اصاب الجميع بلا تمييز ،،

اما بالنسبة لنقطة ان المصرية عملية و مش هتعرف تحب .. والخ لسة من ويومين سامعة انه واحدة كانت هتطلق من جوزها عشان بتقولوا عاملني بحب و سمعني كلام حلو ،
وهو بيقولها حب اي وبتاع ايه ، هو احنا فاضيين ؟
وياترى مشغول فايه ؟ فتجميع الفلوس
يعني عملي
و طبعا قيس على كدة كتير ،

تاني حاجة انت حطيت اللوم كله عالبنت في موضوع المعاكسات العلاقات ،
يعني طالما انتو الملاك البرئ ليه ما تحترموش نفسكو حتى لو كانت البنت مش محترمة ،
هتقولي هي ال عملت ده في نفسها ،
هقولك انتو مش بتفرقوا كله عندكم واحد محترمة مش محترمة الكل سيان ،

اما بالنسبة لنقطة رفض الشاب لقلة الامكانيات
انا بوافق حضرتك جزئيا ،
بس الاهالي مش بيصعبوا عالشاب من فراغ
ولكن لانه انتو السبب ،

يعني انا اعرف اتنين ،
وحدة اهلها سهلوا عالشاب جدا و ساعدوه و هي شايله شيل
وفالاخر عمل ايه ؟
موريها الويل ، حتى كرهها فانها اتجوزت اصلا ،
فتتوقع ديه تعمل ايه لما تجوز بناتها ؟!

التانية اهلها وروه العين الحمرا من البداية ،
محترمها و مش بيزعلها و حاجة كدة زي الافلام ،

فانا طبيعي كبنت هعمل ايه واهلي هيعملوا ايه؟

يعني السبب فده انتو وبردوا بتشتكوا ،

و لو جينا نتكلم عن المحترمات وانهم قليلين ،
هقولك بردوا الشباب المحترم بئا قليل كمان ،

يعني ديه حاجة على الاتنين ،

فالاخر انا مش مش معترضة على الجواز من صينية ، ان شالله يارب كورية ،
بس بلاش الصاق التهم عنوة بينا لانه مش احنا الوحشين بس ،

وكلنا فينا عيوب ،
لكن مشكلتنا كل واحد بيشوف نفسه احسن واحد وبيدور على عيوب التاني،
فالمفروض نتقبل عيوب بعض عشان محدش كامل ،

و بالنسبة للصينية مااعتقدش تتحمل مصري،
هتبلغ فرار من اول يوم مسكينة ،
و ما اعتقدش كمان انك هتلاقي الراحات ال ذكرتها
لان الصينية بشر و عيوبها للسما ،،

وربنا يعينا ،،