هو أنا كده في أمان ؟؟

[الاستاذ محمد سرور]

المشاركة الأصلية كتبت بواسطة -The-Ghost-

أنا جبت 93.4% والله أنا شاطر وأجيب أحسن من كده بكتييييير

بس الحمد لله قدر الله و ما شاء فعل
بس المهم دلوقتي هل أنا في أمان ؟؟
يعني هندسة لسه مبعدتش ؟؟ ولا إيه ؟؟
يا ريت حد من المدرسين الأفاضل يطمني

شوف باذن الله انت كدة كدة داخل هندسة
بس عايز اقولك حاجة انت ليه رابط بين 2 ث و3 ث
انا بشوف اللى بيعمل كدة معلش بيدمر نفسه

قولى ليه
انت دخلت امتحان وجبت فيه مثلا 45 من 50
وعندك امتحان تانى لسه هتدخله وبرده من 50 يعنى المفروض انك داخل تجيب الخمسين بغض النظر انت جبت كام قبل كدة

ودى نفس مشكلة الشعب المصر حتى فى الكورة
شكلك بتحب الكورة

احنا خرجنا من كاس العالم ليه ..علشان كنا بنحسبها اننا لازم نغلب الجزائر 3 - صفر بس
وفى النهاية ما جبناش غير 2 ما نفعوناش فى التأ هل

لكن لو كنا حسبناها اننا لازم نغلبهم دستة كنا جبنا ال 3 مستريح
ودة اللى حصل فى كاس افريفيا معاهم رزعناهم 4 وكان ممكن اكتر

سيبك من الكورة علشان ابوك لو شافك وانت بتقرأ الكلام دة ممكن يعلقك

المهم انت معاك 205 السنة الجاية ...بتوعك ومفيش معاك شريك فيهم صح
يبقى المطلوب منك تجيب 205 من 205 فى 3 بغض النظر انت جبت كام فى 2

وادينى مستنى لو نقصت درجة فى 3 وبالذات فى رياضة 2 هعلقك على باب القسم

حبيبى والله يا جوست