حملة شهداء الفجر

[د.حاملة المسك]

السلام عليكم ورحمة الله وبركاته

طبعا كلنا عارفين فضل صلاة الفجر وان ركعتى الفجر خير من الدني ومافيها
ماشى كلنا عارفين الكلام ده بس مين مننا بقى هو اللى مواظب على اداء صلاة الفجر فى ميعادها

طيب انا مش جاية النهاردة عشان اكلمكم عن اهمية صلاة الفجر ولا كل الكلام اللى كلنا عارفينه

انا جاية اكلمكم النهاردة عن مشروع عملى

وهو مشروع شهداء الفجر
على فكرة ناس كتير اوى عاملين المشروع ده يعنى هى مش فكرتى ولا حاجة بس حبيت اننا برضة نساعد بعض على الطاعة فى المنتدى ده

فكرة المشروع :
اننا ان شاء الله هنصحى بعض لصلاة الفجر عن طريق اننا نرن لبعض على الموبايلات

ازاى ؟؟
دلوقتى ان شاء الله احنا عايزين 2 مشرفين للمشروع ده مشرفة للبنات ومشرف للولاد
اكيد انا عينت نفسى مشرفة البنات وعايزين حد متطوع يعين نفسه مشرف للولاد

المهم اللى عايز بقى يشترك فى المشروع :
يكتب هنا انه عايز يشترك
يقول عايز حد يصحيه ولا هو يصحى حد ؟؟
طبعا اللى مواظب على صلاة الفجر يشترك معانا عشان يصحى اللى عايز يصحى
ويبعت رقمه على الخاص ليا او لمشرف الولاد
طبعا مش محتاجة اقول ان البنات يبعتولى والولاد يبعتوا للمشرف اللى لسة هنقول عليه ان شاء الله

بس دى فكرة مبدئية للمشروع لحد ما نظبط
ها اية رايكم ؟؟
ومين عايز يشترك معانا ؟