رجاء محتاجه رآي كل حد منكم

[BaNZeR]

ينفع اني احاول اخرجها من جو الحزن باني اضحكها واقولها مواقف تضحكها !!
ولا كدا ابقي سخيفه !!

ولا اسيبها تعيط قدامي

العياط نوعاً ما مفيد للقلب ومريح للجسم
وهو في حالة زي دي واجب وصعب إننا منعملوش
لكن تضحكيها فده مش وقته خالص
على الاقل ليس قبل مرور 40 يوم على الواقعة مثلاً

برغم اني بوسيها بكلام كويس اووى والله انا لو مكانها كنت زماني بطلت حزن

بيتهيألك

لان بابابها كان مثال الاب المسلم وطمنتها بانه ارتاح من الدنيا وانها مش تبكي علي حد مات لانه بيبقي مع ربه وفي امان
وقولتلها ان واحد زي باباكي كان ملتزم وربى بناته صح ماشاءالله مش يتبكي عليه بعد موته عشان هو قابل ربنا باعمال صالحه
وانه مش محتاج منك بُكى عشان هو هيزعل لو شافك زعلانه وهو مش محتاج منك غير دعاء له وانك تبقي بنت صالحه زي ما سابك
وجيبت لها مصحف وادعيه عشان تقراها له

خطوات جميلة وواجبة

وبحاول اروحلها كل يوم
وبتصل بيها قبل ماا انام
وهو ينفع اخدها واخرجها م البيت شويه واجيبها عندي امشيها شويه في الشارع عشان تفك شويه عن روحها ولا مش وقته !!

كل حاجة تحاول تهديها وتنسيها أكيد مفيدة
خاصة وإنك بتقولي على وشك امتحانات
يعني لازم تفهم إنه والدها مش حيكون سعيد لو هي مأدتش واجبها تجاه امتحاناتها
ولازم هي ترضيه في مكانه
رحمه الله عليه


أعانكي وأعانها الله