كل واحد يدخل يقول رأيه بجد على الجامعة المفتوحة

[ahmedal3mda]

المشاركة الأصلية كتبت بواسطة eng--zako

بس يا برنس انا مكون فكر ف دماغي تجاه التعليم المفتوح و استحالة اغيره

المهم انا عارف اني ف مصر و الدول المتقدمة برة مفهاش تنسيق عارف كل ده
بس اللي يزعلني ان يطبق علي الناس قانون و تيجي الناس تلف من حولين القانون
ده اللي يضايق اي حد و بعدين اذا كنت معتبر نفسك حالة خاصة و تستاهل تعد جنب 94/100 و انت احسن منو
خلاص يبقي مبروك عليك مهما كانت درجتك المهم كنت بتسألني عن الغش و كدة
المهم انا جايب 92.8/100 علمي رياضة و الحمد لله فنون جميلة عمارة كلية هندسية و الدراسة خمس سنوات و تبع نقابة المهندسين و اعلي من الحاسبات
المهم انا عارف اني قصرت جامد السنتين اللي فاتو و لعبت بردو ماشي لكني بجد تعبت و زهقت من الدروس
يمكن الدروس عندكو تختلف احنا ف دمنهور المادة 3 حصص ف الاسبوع و امتحانا و تسميعات و درسين رياضة و فزيا
و ارف ما علينا
بالنسبة للغش مكنش في عندنا للأسف في لجتنا و عموما حتي يوم المستوي الرفيعسمعت ان كان في غش لوز في اخر نص ساعة ف اللجنة لكني مشيت بعد اول نص ساعة و جيبت الحمد لله ف المستوي عربي 6.5/10 ماشي و الحمد لله فرقت معايا درجة و نص عالهندسة
المهم انا مش بتمنظر و لا حاجة لكن انا متنرفز
عموما مبروك عليك اعلام او الكلية المفتوحة اللي دخلتها و ربنا يباركلكو ادعيلنا بس ما يفتحوش طب و هندسة
عشان لو اتفتح فيها تعليم مفتوح هنضايق جدا و لا اقولك ساعتها هنرتاح
لأننا هنبقي عارفين ان المذاكرة ملهاش لازمة و نخشو كلنا تعليم مفتوح
بس بردو بحب اقولك ان هناك فرق كبير بين التعليم المفتوح و العادي و اسأل حد ف شئون طلبة متسألش دكتور لأن الدكتور اكتر واحد مستفيد من التعليم المفتوح مميزت و مرتبات و كادر و ساعات اللهم لا حسد
ماشي يا برنس
و البكالوريوس بتاعك هيتعلم عليه و يتكتب برنامج التعليم المفتوح
انا اسف ده رأيي
لكن زي ما قولت لحضرتك لو شايف ان مستواك احسن من الي جايب 93 و 94 ف الميا خش كليته و انفش ريشك عليه و انا اول واحد ححترمك بغض النظر عن المجموع و المذاكرة

مش مشكلتنا انك تغيير فكرك عن التعليم المفتوح سبق وقولت ان كل واحد دخل مقتنع بالتعليم المفتوح جدا وحاسس انهافرصة عظيم يجب استغلالها غير ان الموضوع موضوع قدرات على فكرة انا متحسبليش خمسين فى المية من مادة فكان زمانى داخل اعلام عن طريق التنسيق ودة اللى قولتة فى المقابلة الشخصية لماسألونى عاوز تخش اعلام لية وعلى فكرة الكليات الهندسة والكلام دة ماتنفعش تعليم مفتوح لانها كليات عملية فأطمن بس ممكن لو حصل تعديل لنظام التعليم المفتوح لان الحكومة لم تعد قادرة على انشاء جامعات اخرى واخيرا مشكلة الحوار جاية من الطلاب اللى فى التسعينات ومتضايقين اوى علشان التعليم المفتوح