ساعدونى جزاكم الله

[EL-leader]

فى الاول احب ان اشكر زميلا الفاضل على اهتمامه وحرصه على افادة زملائنا
وارجو ان تتقبلو نصيحتى لكم اخوانى بما يتعلق بهذه السنة
انا اسمى ايمان سمير وكنت فى الصف الثالث الثانوى السنةالماضية والحمد لله ربنا وفقنى وجبت مجموع الى حد ما كويس
وهذا لايمنع ان وقعت فى بعض الاخطاء التى لو امتلكت الفرصة لا عادة التجربه مرة اخرى ماوقعت فيها ومن خلال هذا الموضوع الذى قدمه احد زملائى شعرت وكأنى امتلكتها وعلشان مااطولش عليكم انا هااقول على انا فاكرها دلوقتى

بسم الله الرحمن الرحيم
اولا هتكلم عن طريقة المذاكرة
بالنسبة للمواد الشرعية احنا لسه بدرى وف اول السنة
فاتكون مذكرة الشرعى فى اول مرة قراءة للدروس بحيث يكون عندك فكرة عنهم وبعد كده هتحدد الكمية الى هتذاكرها ومش هينفع انك تحفظ الدرس من اول مرة مجرد مذاكرة عابرة وبعد ماتخلص المنهج جيب مادة تانية وف نفس الوقت تستمر بمراجعة المادة ولو نصف ساعة يوميا وهكذا
وده بجد عن تجربة لانى كنت بارهق نفسى فى مذاكرة الدرس من اول مرة مذاكرة كأنى داخلة الامتحان وده كان صعب جدا وبعدها بفترة اراجعه ولا كانى ذاكرته
وكمان اعمل اسئلة ع الدروس ولو عملت الكتب بالوان على النقاط الاساسيه ورقمته هيكون اسهل كتير