إدخلوا إدعوا لأخوكم بتنجان بالشفاء .. صباعه واجعه

[dr.zomba]

بصي يا طنط مها انا هتكلم علي تلات نقط

النقطة الاولي : ان المبدأ غلط من الاول اننا نقسم القسم لتلات اقسام يعني هقولك حاجه دور المناسبات اللي بيتم فيها الافراح وكتب الكتاب والتعازي وكل المناسبات

هل هي مقسمة لمناطق يعني علي اليمين هناك دا للعزا وشمال افراح ؟ لا طبعا

يبقي التقسيم من الاول غلط ودا عيب من الادارة الموقرة

النقطة التانية : انا متفق معاكي ومش متفق معاكي

متفق معاكي لان في فعلا مواضيع هايفه (و نانسي وروبي ) ومتستاهلش اننا نعملها مواضيع

ومش متفق معاكي لان انا ملاحظ ان اغلب المواضيع اللي زي كدا ممكن تكون من اعضاء جداد ودا نوع من لفت الانظار لانهم عايزين يظهروا بسرعة شويه ومعذورين لان الهدف كويس بس الاسلوب مش اللي هو يعني
ودول محتاجين نصيحه اكتر من احتياجهم للهجوم

اما بقي بالنوسبة للبشوات القدام فادول هما اللي يتهاجموا لانهم قدوة والغلطة منهم بتبقي الضعف

يعني مش عيب خااااااااااااالص لما نعمل موضوع عشان ندعي لاخونا او اختنا بس مش علي كل حاجة يعني مثلا انا اتعورت امبارح في ايدي وكلمت واحد من الاعضاء وحكيتله هو برضو بسلامة نية عايز يعمل معايا واجب راح منزل موضوع وانا مطلبتش منه ( مع ان في غلط عندي لان الموضوع مكنش محتاج اني احكيله من الاساس )
كدا بقي في حاجتين سلبيتين ان الاعضاء الجداد بقوا عايزين يقلدوه ويجاملوا بعض زي ما العضو القديم بيعمل
و الحاجة التانيه ان ممكن واحد من الاعضاء يبص للموضوع بنظرة تانيه ويقول ايه المياعة دي يعني عشان اتعور لازم يعمل موضوع ويلزمنا اننا نوجب معاه

وفي النهاية ايه الاستفادة للعضو القديم ولا حاجه غير انه عمل واجب مع صاحبه غصب عنه وممكن يكون ضر صاحبه
وصلت؟

علي الله يكون حد فهم حاجه من النقطة دي لاني انا عن نفسيتي مش فاهم

النقطة الثالثة : زي النقطة الاولي عشان كدا مش هقولها

ملحوظة صغنططه عامه مش مقصود بيها حد معين :
عرض رأيك بتهريج حلو جدا وبيوصل اسرع للناس

بس بشرط ان ميوصلش لدرجة التهريج للتهريج( لانه ممكن يؤدي للضحك والعياذ بالله )

واســـــــــــــــــــــــــــــــــــف جدا علي الرغي الكتير اوي دا