ملتقى طلاب صيدلة الاسكندرية

[emoo]

المشاركة الأصلية كتبت بواسطة لؤلؤة محمد

هو حضرتك يا د.احمد ويا د.ايمن حذفتوا المشاركات ليه ؟؟؟؟
كان ممكن تسيبوها وبعد كده نكتب كل حاجة فى مكانها
طاب هو انتوا متضايقين من حكاية الشات ولا الداعية اللى كتبت هنا؟؟؟؟
ويعنى احنا كده مش هنلتقى هنا الا فى الدراسة؟؟؟؟
ويعنى اى مشاركة متعجبكمش تحذفوها؟؟؟؟
وانا اسفه لو الكلام ده مينفعش يكتب هنا ولو حضرتكم عايزين تمسحوه امسحوه

يا دكاتره و الله نفسى تعرفو ان العمليه مش ان احنا عايزين نتحكم و خلاص
مش مسأله لو عايزين تمسحوه تمسحوه
و لا مسألة ان المشاركة تعجبنى و نحذفها ولا لا
الموضوع و الله مش موضوع رأى شخصى ليا او لغيرى
بصى يا دكتوره لؤلؤة
انا زى ما قلتلكو المشاركات مش محذوفه حذف نهائى و اى حد فيكو يطلب منها حاجه هبعتهاله بالنسبه يعنى للحاجات الحلوه اللى كانت فى موضوع الداعيه اللى انتو عملتوه حاجات بجد جميله

و اكدتلى كمان ان الناس هنا دماغها و تفكيرها كويس و مش بتحب تضيع وقت فى كلام فاضى

بس كل الحكايه ان هدف الموضوع محدد

الموضوع ملتقى طلاب صيدلة اسكندريه

و لو جينا بصينا فى الموضوع نفسه هنلاقى انه بيتكلم عن الدراسه او الكليه و صيدله و كده

يبقى من الافضل عشان الموضوع ميفقدش قيمته يفضل محتفظ بهدفه؟

ولا ايه؟
يعنى العمليه مش اى حاجه متعجبناش نحذفها احنا بجد مش كده خالص

الموضوع بجد فيه حاجات كويسه جدا ونا كنت بدخل فى اوقات الدراسه و الامتحانات بجد ربنا يجازيكو عن بعض خير و عن مساعدتكو لبعض

انا بجد استحرمت ان الموضوع ده يتحذف و للاسف الشات اللى كان فيه و البعد عن هدف الموضوع كان ممكن يعرضه للحذف

عشان كده حذفت الردود اللى كانت خارجه عن هدف الموضوع امبارح من بعد الامتحانات و بالله عليكو خلو الموضوع كده جميل

بالنسبه لموضوع الداعيه
طب ليه تنزلو حاجاتكو هنا خلو كل الناس اللى فى المنتدى يشوفها و يستفيد منها
دكتوره ساره قالت ان فى ناس كتير مش يعرفو باقى الاقسام
طيب نعرفهم احنا على باقى الاقسام عشان كلو يستفيد و كمان تندمجو انتو مع باقى المنتدى

و زى ما قلتلكو اى حاجه نزلت هنا بخصوص موضوع الداعيه موجود مش محذوفه حذف نهائى
بس انتو قولولى مين الدكاتره اللى نزلت مواضيع عن الداعيه هنا و ان شاء الله هتنزل فى موضوع الداعيه اللى فى الركن الدينى

فى موضوع كان نزل بس انا لقيته مرتبط بالفيزيا قلت مش مشكله ههههههههههههه

بالنسبه للشات طبعا يا دكاتره انا اما اجى ادور على حاجه كنت عايزها فى الموضوع خصوصا ان عدد الصفحات كتير 157

اكيد الرودو اللى فيها شات مش هتساعدنى على كده كمان الشات بعيد عن هدف الموضوع

ارجو يا دكاتره ميكونش حد اتضايق منى بس بجد الموضوع ده قيم و بيقرب منكو فى الدراسه و بتساعدو بعض فيه كويس عشان كده انا عايزه يفضل زى ما هو