كواليس ما وراء الحلل

[الرهينه]

المشاركة الأصلية كتبت بواسطة amola66

بجد موضوع جميل
واكتشفت فيه اني مش لوحدي اللي بعمل كوارس في المطبخ

تؤ لوحدك ايه بس .. مايهونش علينا نسيبك لوحدك طبعا :D

نورتى يا سكر وعايزين نشوف كواليسك بقى

المشاركة الأصلية كتبت بواسطة Sharp Nails

ياولاد انا نويت اطبخلكوا كل يوم فالموضوع دة
اصلى بصراحة عندى اكتئاب ومش لاقية حد اطلع فيه الكبت الى جوايا
الله يسمحهم ادونا الاجازة بدرى
المهم يعنى
كل يوم انا الى هطبخ
استعدوا بقى

الاجازة قربت تخلص وماشوفناش حاجة لسه

ايه رجعوا ف كلامهم ولغوا الاجازة ولا ايه؟ :P

المشاركة الأصلية كتبت بواسطة Taleba Me7tasa

احم احم
قريت الموضوع وشكل ردوده لذيذة وكلها حرايق

ولكن حضرني موقف
يا وهوي

في مرة من ذات المرات دخلت المطبخ انا واختى الصغير ة نعمل شاي
مع اني مبحبش الشاي

المهم سخنت مية ف البراد وباحط الشاي
(مكناش بنعمله كشري)
المفروض هو بيغلي .. طبيعي
يعني مجرد فقاقيع
لقيته بيعمل بالونات

نورا بصي كدة ..
لا لا تهيئات
اللهم اغزيك يا شيطان

حطينا ف الكبايات
لقيته لزج بمعني الكلمة
وماسك ف بعضه ولا الصابون
ولونه اخضر

مش شكل الشاي
ولا الريحة مش ريحة شاي نهائي

اتضح ف النهاية اني حطيت ملوخية ناشفة

مع ان هتقولولي الشاي بيتحط ف علب او ما شابه
لكن الملوخية ف الكيس
الله اعلم وقتها بقى كانت ظروف نظري ايه

بس عادي
نزلنا ضحك
وسكينا على دور الشاي

ههههههههه

يابنتى ولا تزعلى نفسك .. شاى ملوخية مش فارقة كتير ف الحالتين لا هتتاكل ولا هيتشرب :P

بس بجد انتى مصيبة ..

المشاركة الأصلية كتبت بواسطة اسيل رزق

اتضح ف النهاية اني حطيت ملوخية ناشفة

هههههههههههههههههههههههههههههههههههههههههههههههههه هههههههههههه

مسخرة

اها يا عاقلة يا كاملة انتى

المشاركة الأصلية كتبت بواسطة بنت الإسـلام

ههههههههههههههههههه
حلو الموضوع
احيلكم انا بقى قصتي
انا اصلا مش بعرف اعمل حاجة غير المكرونة واتعلمت الرز مؤخرا
والبيض طبععا والحاجات دي
من حوالي شهرين كده مش اكتر
اخواتي كان وراهم مذاكرة عشان امتحاناتهم قربت وانا اللي فاضة اللي فيهم
قولتلهم اقوم اعملكو العشا
كنت عاوزة اعمل بيض ببطاطس بموت فيه
هو محتاج تحمير بطاطس فعشان كده ماما مش وافقت
قولتلهم خلاص هسخنلكو العيش في لفرن واعملو انتو اي حاجة بقى
كنت بحب اوي اولع الفرن ده
جيت فتحت الجاز واتأخرت ثايتين كده ولا حاجة على مولعت عود الكبريت
الفرن مش تبع الاشعال
المهم بخط عود الكبريت
النار هبت في وشي وطيرتلي رموشي وحرقتلي شفايفي وعنيا طالتها النار طبعا من برة
وكل ده ومتشوهتش الحمد لله
وشي ورم شوية وروحت عند الدكتور وعادي رجعت طبيعي
ومن ساعتها وانا بكرهه اسم الفرن

يا شرابى

هو ده ساعة ماكنتى تعبانة ؟

هههههههه بس بجد انتى تحفة عشان تولعى الفرن تولعى ف نفسك معاه

بس الحمدلله انها خلصت على خير

المشاركة الأصلية كتبت بواسطة مروه

يالهوووووووووى
ايه اللى انتى عملتيه ده
ده انتى يابنتى مش تكرهى اسم الفرن بس
انا لو منك معتش ادخل المطبخ تانى خالص

مش كده

المشاركة الأصلية كتبت بواسطة مروه

انا بقى ما شاء الله عليا فى المطبخ
مدخلش غير لازم يحصل مصيبه
يعنى ربنا يكون فى عون ماما

هحكى لكم وانتم احكموا

فى يوم ماما كانت مشغوله اوى
قالت لى احمر بطاطس
ولعت البوتاجاز وحمرت البطاطس ( اللى نصها طبعا اتحرق يعنى الحمد لله ) وبدل ما اطفى على الزيت
طفيت على الرز وسبت الزيت والع
ومخدتش بالى خالص
والله وقتها كان ممكن اقل حاجه تحصل ان البيت كله يولع
بس الحمد لله ماما راحت المطبخ لقت الزيت والع
والمطبخ كله دخان ومش شايفه اصلا تطفى البوتاجاز بس الحمد لله يومها مكنش فيه اى اصابات
واخدت يومها طبعا كلام من اللى قلبكم يحبه

....................................
فيه حاجات تانيه بقى بسيطه يعنى
ممكن بدل السكر فى الشاى يبقى ملح
ايه يعنى اتلخبط انا كده ابقى غلطانه

..........................
ان شاء الله ليا عودات كتيره فى الموضوع ده
ومش هتصدقوا والله ان مطبخنا لسه سليم
بعد اللى بعمله فيه

ههههههههههه

يا لهويز

انتوا يا عيال نظركوا حصله ايه واحده تحط ملوخية بدل الشاى والتانية تطفى على الرز بدل الزيت :D

ولا طبعا انتى مش غلطانة يعنى انتى هتحطى ملح بدل السكر وكمان مش عاجبهم .. دول كده بيهزروا

وهنستناكى يا سكر ف كواليسك الجاية مش تتأخرى علينا بقى