رجاء خاص من معلمة زميلة محتاجة النصيحة
السلام عليكم
سؤالي للاساتذة والاخوة المعلمين انا مدرسة لغة انجليزية اشتغلت 7 سنين في تجاري وكنت بشتغل دروس لبعض الطلبة في مليات اداب وتربية في الفترة دي ونقلت ثانوي وشغالة اولي وتانية لو فكرت ادي دروس لتالتة ثانوي ممكن حد ينصحني ابدأ ازاي وامشي الحصة ازاي والوحدة تتقسم في كام حصة والمهارات زي المحادثة والترجمة والبرجراف بيكون ليها حصص ولا بنحل امتحانات في الاخر وخلاص وايه اللي يخليني متميزة فعلا والموضوع صعب ولا ايه انا بشهادة الطلبة بتوع اولي وتانية شرحي كويس وبيوصلهم بسهولةالحمد لله بس بسأل ايه الارتفاع المهول في اسعار دروس تالتة ثانوي ده هما بيعملوا ايه زيادة وبيقدموا ايه للطالب زيادة عن اللي بنعمله مع اولي وتانية ياريت حد يعرفني حاسة ان فيه حاجات كتير مش هعرفها غير بالتجربة وياريت اللي جربوا وخبرة في الموضوع يفيدوني وشكرا مقدما
|
24-01-2018, 11:58 AM
العرض الشجري
