خد الندى من اخوك الجعيدى

[فرسان الحق]

انا بعد ما نتهي التيرم الاول اكتشفت ان احسن حاجه علشان اقدر اطلع بتقدير في السنه
1-اني احضر كل المحاضرات و السكاشن
2-مفيش مانع اني اقف مع اصحابي و اصيع معاهم حبتين و لكن مش اكتر من ساعه علشان مضيعش وقتي
3-اطلع علي من الجامعه علي المكتبه اللي انا بشتري من عندها المذكرات(مذكرات المعيدين) لان المفروض و اللي اكتشفته في الاخر ان غلط كبير قوي اللي يذاكر من الكتاب لان بالتاكيد في الاخر هيصاب بالاحباط و غالبا مش هيفهم حاجه من الكتاب
4- اروح اخذ دوش و اتغدي و انام ساعتين اريح طبعا من تعب الجامعه اصحى اقفل الغرفه عليا و اقعد اذاكر
و ادى احسن طريقة مذاكره اكتشفتهاكاتى:
1- تقرا المذكره قراءه سريعه بحيث انك تاخذ نظره عامه عن المذكره و تحدد ايه المهم فيها
2- تبدا تذاكرها بتركيز و تعلى صوتك و تسمع نفسك و انت بتذاكر و تحاول تفهم نفسك
3-بعد ما تخلص تشوف لو انت عندك تمارين على الجزء ده تحلها و بعد ما تحلها تشوف الاجابه و تعرف انت غلطت فى ايه
4- ترجع تذاكر تانى المذكره
5-تاخذ ورقه و قلم و تكتب الحصيله بتاعتك من المذاكره (تلخيصك باسلوبك)
على فكره طريقة المذاكره دى لو حد اتبعها و ركز و هو بيذاكر ان مجبش جيد جدا على الاقل ابقى انا عيل
على فكره انا طبقت طريقة الماكره دى على مادة الاقتصاد عندى لكن مش قوى علشان الوقت ضيق عندى لكن الحمد بفضل الطريقه انا عندى امل قوى انى اجيب جيد فى امتحان الاقتصاد
و ربنا يوفقنى و يوفقكم فى امان الله