واحد بليد.. دخل امتحان عربي ...

!سمسم! · #1 25-05-2006, 03:00 AM

واحد بليد.. دخل امتحان عربي ...

أعرب الجمل الآتيه :
1- ( سور الصين العظيم )
2- ( مرض جنون البقر )

اخينا تنح شويه ... وبعدين راح قايل ....

اجابة البتاعه الأولانيه ( سور الصين العظيم )

سور : هو البتاع اللي بينط من فوقه الحرامي عشان يخش البيوت ويسرق
الصين : نوع من انواع الادوات المنزليه ... بس نوع مفتخر ... الطقم بيوصل ل 100 جنيه في العتبه
العظ : لما بيخش عليك حيوان بيعمل كده ... واشهر حيوان معروف بالحاجه دي ... هو الكلب
يم : تقريبا والله أعلم ... بحر او حاجه كده
يعني الجمله كلها معناها -----
لما ينط حرامي من فوق سور ... عشان يسرق طقم صيني .... الكلب هايعضه .. في البحر

اجابة البتاعه التانيه ( مرض جنون البقر )

مر : دي الحاجه اللي طعمها بيجيب مراره في الحلق .... ويخليك تفصل دماغك قوام
ض : تقريبا حاجه زياده ... شوية حبر في الورقه ولا حاجه ... مالهاش لازمه من الاعراب
جن : اللهم احفظنا من العفاريت والجن والحركات دي يارب ... احنا ناقصين مزاوله
ون : دي اصلا انجليزي ... ومعناها ( رقم واحد ) ... لغات انا برضه
ألب : دي جبال موجوده في بلاد بره ... وجبال عاليه قوي ... بتاع 200 كيلوجرام فوق سطح برج الجزيره
قر : ليها معنين حسب الجمله ذات نفسها
المعنى الأولاني : الحسد والقر والكلام ده .... ودي مش راكبه على الحوار بتاعنا
التاني : اختصار لكلمة ( قرنفل ) ... على طريقه المعلم ( رضا ) .... ---> انا باقص الكلا .... الكلام يعني
ودي راكبه في الحوار ده ...
يبقى معنى الجمله دي ------
المراره لما تجيلك .. هات جني ( نمبر وان ) . عشان يطلع جبال الألب ... ويجيبلك قرنفلايه

خلصنا الامتحان بالصلا عالنبي

scull · #2 25-05-2006, 03:08 AM

شكراااااااااا يمان

انت شكلك تعبت في الموضوع

بس بجد ومن غير زعل الموضوع مش حلو

انت عارف كان هيبقي دمة خفيف لو معني الجملتين اللي في الاخر

دمهم خفيف شوية

!سمسم! · #3 25-05-2006, 03:11 AM

لا عادى ولا يهمك ديه وجهة نظر
والبناسبة للجملتين نحذفهم لو مش عجبينك

scull · #4 25-05-2006, 03:19 AM

لا يعم لية

ولا يهمك

وبعدين دة انا طلبت من يوري يروقلك عالمنجة في المقهي

يعني خلاص بقي

!سمسم! · #5 25-05-2006, 03:23 AM

شكرا يا scull

على المشركة