|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#46
29-08-2008, 11:54 AM
|
||||
|
||||
اقتباس:
ايه الانورا دى يا جميل والله انا شفت اسمك من هنا وقلت ادخل اشوف عامه انا هبقى انزل حلقه اوضح فيها معنى المدونه واعرفكو اكتر ع غاده عبد العال ومستنيه عودتك تانى يا جميل لا شكر ع واجب  |
|
#47
29-08-2008, 12:48 PM
|
||||
|
||||
|
والله موضوع جميل بجد
ومستنين الحلقات والتعليق في الاخر هههههههههه ع اساس اني مافيش تعليق دلوقت  او يمكن مش مركزه عشان اعلقبس اقدر اقولك البنت تقدر تثبت نفسها بنفسها مش لازم جواز كلام شعارات صح  بس فعلا لو بنت من جواها عاوزه تثبت نفسها حتثبت رغم انوف الاخرينبس عشان ده بجد سنه الله ورسوله وحاجه لازم منها بس اقدر اقولك كل واحده ليها نصيبها والمجتمع باصص للبنت الي مش اتجوزت دي نظريه وحشه بجد مع انها ممكن تكون احلي من الي اتجوزت وتعرف تشيل مسئوليه جامده كمان حاسه اني بقول اي كلام في اي كلام   اعذريني باه عشان مش نمت من امبارح  تقبلي مروري وليا مرور تاني هنا ان شاء الله 
__________________
 دين الحق سابقا |
|
#48
29-08-2008, 10:35 PM
|
||||
|
||||
|
اقتباس:
ان شاء الله النهارده بليل ابقى انزل حلقه تانيه ربنا يسهل وانتى كلامك مظبوط كل بنت تقدر تثبت نفسها ..........هو مش كلام شعارات بس كل واحده دايمه بدور ع عتريس العريس .......فعلا الجواز قسمه ونصيب .......مش بيجى بخطط او ترتيب اه انا بحس كده وبالرغم انها ممكن تكون ناجحه فى حياتها العلميه والمهنيه بس نظرتهم ليها كانها مصابه بقصور فى حياتها لا بالعس كلامك منظقى وواقعى اووى .........ههههههههههه عذراكى بتحصل كتير وبحس انى بكتب كلام عجيب وانا مش نايمه كويس طبعا مرور من اجمل المرورات ...ومستنياكى |
|
#49
30-08-2008, 11:27 PM
|
||||
|
||||
|
الى البنوتة الأهلوية
أولاً :- الف مبروك فوز الأهلى ثانياً :- لابد أن نتفق حول عدة أمور لفهم الموضوع واليوم نتكلم حول الأمر الأول هو أهمية الزواج او لماذ نتزوج ؟ هو سنة كونية فرضها الله سبحانة وتعالى على كل المخلوقات سواء كانت كائن حى او نبات او حتى جماد ولكن لماذ ؟ لأن الزواج من أيات الله الدالة على الوحدنية والتفرد........وهذا ما أعنلة الرسول الكريم فى حديثة الزواج من سنتى الى آخر الحديث .....ومن رغب عن سنتى فليس منى ولماذا أيضاً ؟ بالزواج يحفظ للكون الأستمرار وللنفس البشرية السكن والمودة والرحمة وكلها امور ضرورية ليتمكن الأنسان من القيام بما سيكلف بة من خالقة و هنا نجد الحلقة المفقودة وهى أجابة السؤال لماذا نتزوج ؟ وليس هناك أختلاف بين أجابة الذكر والأنثى هل للمتعة ؟ واجهه أجتماعية ؟ حاجة أقتصادية ؟ حفظ للنوع ؟ أستكمال لمتطابات الحياه ؟ كما يفعل الناس؟ تحقيقا لرغبة الأهل ؟ كل هذة الأجابات ليست الهدف الحقيقى للزواج وان أحتوى عليها ياسادة يأفاضل أن أهم تكاليف الأنسان من خالقة أمرين هامين ( عبادة الله و أعمار الكون ) مهما أختلفت العقيدة والأمرين لا يتمان ولا يمكن القيام بواجبهم دون زواج لأن من خلق و كلف أعلم بإحتياجات المكلف وهنا بيت القصيد ولله الأمر من قبل ومن بعد والى لقاء آخر مع دعواتى بإن يعد الله للأمة هداها ورشدها |
|
#50
31-08-2008, 01:53 AM
|
||||
|
||||
|
اقتباس:
والله بجد رد رائع وفتح باب مناقشه كبير انا ليا تعليق صغير لانى مش هكون اد حضرتك فى الرد هى المشكله فى الوقت الحالى ان فرص الزواج قلت جدااا ..والبنت اللى لسه متجوزتش بيتبصلها بنظره مش كويسه كانها عندها نقص الناس مش مستوعبه ان الشباب معدش عنده فرص حلوه عشان يروح يتقدم ضغوط الحياه كتير شبكه وشقه وفرح وعفش الاخ هيعمل ايه ولا ايه بقت فى ضغوط كتير اووى فالناس ترحم البنت يعنى ميجوش يقولولها انتى بايره ولا معنسه ولا الكلام العجيب ده لانه بيجرح بجد وبيعمل فجوه بين البنت دى والمجتمع ....وبتحس انها مضطهده مش من المجتع بس لا ده من اهلها كمان بجد منور الموضوع يا استاذ عزت ومستنين ردودك ....وشكرا |
|
#51
31-08-2008, 02:18 AM
|
||||
|
||||
|
الحلقه التالته الاول حلو العنوان كده زي ماكان انور وجدي بيقول في "أمير الإنتقام" ..أصل الموضوع كله أصلا تحس انه فيلم عربي ..بس اول موضوع ده كان فيلم هندي و كوميدي كمان واحدة صاحبتي كانت لسه متجوزة قريب و كنت لسه حاضرة فرحها من أسبوعين ..أتصلت بيا تطمن عليا يعني ..كنت لسه سامعه خبر ان واحده من أصحابنا جابت عريس لواحدة تانية صاحبتنا برضه ..و ده موضوع يضايق قوي على فكرة ..يعني تفضل الواحده تقول و اشمعنى يعني ماختارتنيش أنا و مش بعيد تقاطعها و ماتكلمهاش تاني أبدا أنا بأه مسكت صاحبتي اللي كانت طالباني في التليفون و قعدت أرصلها ,,شايفة الصحبات ؟..ماطلعش منك انت حاجه زي كده ..أمال مجوزينك ليه؟ مش عشان تشوفيلنا في اصحاب جوزك والا قرايبه حد ينفع ..و كل شوية صاحبتي دي تحاول تقاطعني و تسدني و انا ابدا منطلقه زي الصاروخ ..لحد ماراحت موقفاني بصرخه ..يابت اسكتي بأه جوزي بيسمع م السماعه التانية و عايز يتأكد انك كويسة و رقيقة عشان جايبلك عريس و في لحظه واحده انقلبت طريقة كلامي 180 درجه و بقيت أرق من أرق واحده تعرفوها ...انتي صدقتي دانا كنت بهزر معاكي..انتي عارفاني رقيقة طول عمري ..دانا أرق م البت اللي طالعه جديد دي اللي اسمها منى زكي ..و اسمع صوت جوزها يحاول يكتم ضحكة ع السماعة التانية و هي حساها بتجز على سنانها و هي بتقوللي عارفه عارفه هو انتي هتقوليلي المهم اتفقنا على معاد..و لما اقول اتفقنا على معاد يمكن تعدي ع الرجاله سهلة كده يعني ديتها ايه؟ هيستحمى و هيخلي أمه تغسله القميص و البنطلون و أخته تكويهومله و يشغل كل اللي خلفوه عشان طلعة أهله البهية ..لكن في بيت العروسة اللي هيا المفروض انا ..هيييصة ..غسيل للحيطان ..مسح للأرضية..تنضيف للسجاجيد ..تسييق للسلم..تلميع للكاسات ..تنضيف للستاير و الشبابيك ..و بعد ده كله متوقع من العروسة بعد كل المجهود المقندل ده انها تتزوق و نخش عليهم حلوة و بتبرق ..مفهومه بتبرق دي .. عموما البنات هيفهموا لأنهم عارفين موضوع بتبرق دي بتاخد مجهود أد ايه ... المهم جه المحروس هو و أهله ..هو دكتور على فكرة ..باضرب بطرف عيني كده لقيته لابس لبس ..يا سلاااام ..زي مايكون لم اللي ع الحبل كله و لبسه على بعضه ..و تقريبا كده ماعندهمش مرايا و شكل أمه و أخته عندهم عمى ألوان..البيه لابس قميص أصفر ..بنطلون أزرق ..بلوفر أخضر ..و فوق ده كله كرافته كده الصراحه مش عارفه أحدد بالظبط لونه إيه..لأ و استنوا ..جزمة بني لما اتجعص كده و حط رجل على رجل بصيت لقيت الشراب نبيتي ...آه و النعمة ..قلت في نفسي مش مشكله بيقولوا الراحل مايعيبوش الا جيبه ..و أهو يبقى عريس تكني كلر زي التلفيزيون الملون ..مشرق كده و مقبل على الحياة...هو صحيح ودانه مخاصمه راسه خالص و سنانه بيحبوا بعضهم جدا لدرجة انهم راكبين فوق بعضيهم ..بس خلقة ربنا يعني ..المهم العقل و الشخصية أول ما بابا دخل راح واقف ..حلو مؤدب يعني و انطلقت امه تعرفه زي مانكون في برنامج..الدكتور سامي ..علاج طبيعي ..قام هو مكمل التقديم و قايل ...و بقلد فنانين....إيه الهبل ده بأااااه ..هو احنا عاملين برنامج مواهب و الا ده جاي يعمل انترفيو في كبارية..بابا برقله كده و قاله آه أهلا و سهلا اتفضلوا و بص لماما بصه معناها إيه اللي انتوا جايبينه ده؟ أنا قاعده و ماسكه نفسي م الضحك و ده منطلق بيتكلم على صولاته و جولاته في عالم التقليد و احنا قاعدين نبص لبعض و امه شكلها منشكح أوي من كلامه ..و فجأة بص في الساعة و بص لبابا ..بابا خاف ليطلبني دلوقت و هيبقى موقف محرج أول مرة يتعرضله..لكن ده قاله ..عمي ممكن أسألك حضرتك سؤال و تجاوبني بصراحة؟..بابا قاله بخوف كده خير يا بني؟..قاله هو التلفزيون ده شغال ؟..بابا فوجئ كده و قالله آه يابني شغال ..فجأه الحليوة ده راح قايم و فاتح التلفزيون و قعد يقلب في القنوات لحد ما جاب قناه كانت بتزيع ماتش للزمالك..و احنا قاعدين مذهولين و مش قادرين نعمل حاجه و امه قاعده منشكحه زي ما هيا..و هوب و صوته علي ..شوت يا عم ..أيوة كده ..يااااه ..الحكم ده حمار .....واحنا قاعدين ..ماما حبت تحرجوا بالذوق كده و قالتله ..و الله يا دكتور انا مش عارفه انت ازاي بتابع الكورة دي اليومين دول ..ده حتى الزمالك بقاله مده مش كويس خالص الواد فجأة سكت و لف كده لماما بالتصوير البطئ..و عينيه احمرت لدرجة ان ماما كشت في مكانها ..و ده راح رافع الجعورة ..لاااااا ..بقولك ايييييه ..إلا الزمااالك ..اتكلمي براحتك على أي حد ..على امي على أبويا عليا أنا شخصيا لكن الزمالك لألألأ ..فاهمه ..قومي يا ماما ..أنا لا يمكن أدخل بيت الزمالك بيتهان فيه ....أكن احنا معديينلك البلاوي اللي انت لابسها و السخافات اللي عمال تقولها عشان تبقى أخرتها كده ؟....كلنا فضلنا متسمرين مكاننا بابا يبص لماما و مش قادرين حتى يقوموا من مكانهم وانا الأول اتحرق دمي و بعدين وقعت ع الأرض من كتر الضحك..هم يبكي و هم يضحك الجميل بأه ان صاحبتي جايه تاني يوم تسألني على رأيي قولتلها لأ طبعا انتي بتستهبلي ..و حكيتلها ع اللي حصل..لقيتها بتقول طب و ايه يعني؟ عادي ماتبقيش بس تقوليله انك أهلاوية..و لما أصريت ع الرفض..صاحبتي دي قاطعتني و ما رفعتش عليا سماعة التليفون من يوميها ..إزاي يعني أرفض عريس لقطة زي ده؟ صحيح إزاي؟
آخر تعديل بواسطة COoL HEaRT ، 31-08-2008 الساعة 02:31 AM |
|
#52
31-08-2008, 02:42 AM
|
||||
|
||||
|
ههههههههههه الاول محدش يركب الكلام عليا دى غاده والله منا
وبجد ده كان ردى ع استاذ عزتان موضوع الجواز بقى صعب طبعا كلنا شوفنا العريس اللقطه ده .. المهم دى غاه عبدا لعال فى العاشره مساءا |
|
#53
31-08-2008, 10:20 PM
|
||||
|
||||
|
بجد جميل اوووووووووووى
ومستنيه باقى الحلقات السلام عليكم
__________________
اذا اردت ان تكون عظيما فابتسم عندما ينتظر الجميع بكاؤك |
|
#54
31-08-2008, 11:51 PM
|
||||
|
||||
|
السلام عليكم ورحمة الله وبركاتة
البنوتة الأهلوية بالأمس هنأتك على مكسب الأهلى 0/3 على أعتبار ان الحكم كان كفيف و اليوم أواسى عريس الغفلة وكل اخونا الزمالكوية على الهزيمة 3/0 نرجع لأصل الموضوع اولا ً:- أتفق معكى فى صعوبة الزواج فى هذة الأيام لكن تعالى نتعرف لماذا أصبح الزواج او وجود العريس صعب ثانيا ً :- قد لا يتفق معى الكثيرون عند البحث عن أسباب هذة المشكلة التى ترجع فى رأى الى سببين هامين السبب الأول البنات أنفسهم ويجب ان يتفهم الجميع ما أقول فكلامى ليس سطحى ( عندما يبدأ الشاب فى البحث عن زوجة وترشح لة الأسرة او صديق أحدى البنات فماذا نتوقع ان يرى فى طريقة الى بيت العروسة كوكتيل عجيب الشكل من البنات تختلط فية الأشكال والألوان والمحاسن والفتن ) هنا مكمن الخطورة لأن هذا الشاب يتخيل انة سوف يجد فى العروسة كل المميزات يعنى طويلة وقصيرة بيضاء وقمحية عيون خضراء وعسلية مسكين لأنة قليل الخبرة عايز نفس الكوكتيل الموجود فى الشارع ومسكينة البنت يا طويلة ياقصيرة شقراء او قمحية تعمل اية ؟ أقولكم تعملوا أية لحل المعادلة الصعبة دى تسمعوا كلام خالقكم ورسولكم وبعدين تختاروا الشاب الطائع لخالقكم ورسولكم غاض لبصرة حافظ لدينة مش شاغلة كوكتيل البنات فى الشارع\ فاهم بيتجوز لية يااااااااااااااااااااااااااااااااااارب تكونوا فاهمين عايز اقول اية يارب وفق الجميع الى ما تحب وترضى والى لقاء آخر تعديل بواسطة عزت نور الدين ، 31-08-2008 الساعة 11:59 PM |
|
#56
28-09-2008, 06:13 PM
|
||||
|
||||
|
اقتباس:
كنت فكرته راح وعامه اتنقل من العام يعنى راح بردو اقتباس:
اقتباس:
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:34 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
