ممكن

[mfahmy]

ممكن الى دخل هندسه العاشر من رمصان يولى ايه الاوراق المطلوبه للتقديم ومش لزم يكون فى هندسه العاشر بس يولى ايه الوراق المطلوبه وشكرا مقدمه للى هيرود ولى مش هيرود

[vampire1188]

الاوراق المطلوبة تقريبا زيها زي اي كلية

بتطلب الاتي :

1 1- شهادة الميلاد .. سواء الاصل او الجديدة .. ويستحسن الاصل عشان التلاكيك بتاعتهم !!

2 2- مش عارف .. يا 6 يا 8 صور.. خد 8 وخلاص .. واكتب في ضهر كل صورة اسمك عشان مايضيعوش ..

3- جواب التنسيق بتاعك .. وماترميهوش عشان دا اللي انتا هاتخش بيه الكلية اول السنة على بال مايطلعلك الكارنيه بتاعك

4- استمارة 2 جند عشان التاجيل بتاع الجيش .. وابقي اكتب اسمك على الاستمارة في المناطق بتاعة الاسم عشان ماتتقلبش فيها

5- استمارة النجاح بتاعة الثانوية العامة اللي انتا خدتها من المدرسة ..

اعتقد هيا دي الطلبات المعتادة يعني ..

[mfahmy]

ولله شكره جداا على اهتمامك بس لو مش هتيقق منين اجيب شهاده 2جند

[vampire1188]

هيا بص .. مش ضرورية اوي ..

بس اكيد ميه في الميه هاتحتاجها بعدين .. خاصة انك هندسة وخمس سنين

وعلى بال ماتتخرج هاتبقي وصلت لـ 21 سنة تقريبا .. فهاتحتاج تأجيل

وهيا دي بقي وظيفة الشهادة .. ان الجامعة من خلال الشهادة دي بتطالب بتأجيل تجنيدك لمدة معينة لحين انتهاء دراستك

الشهادة دي ياسيدي .. بتتجاب من اي مكتب بريد ..

انا اما جيبتها كانت ب 50 قرش .. ماعرفش ممكن تكون غليت بقي والله اعلم ..

اما لو فيه دمغات ورسوم.. فدي بقي بتبقي في الكلية .. وانتا كدا كدا مالكش دعوة

هيا ممكن تتطلب منك وممكن لأ .. بس اعمل حسابك وخدها معاك وخلاص

وربنا معاك ..

[mfahmy]

شكرا جدا على اهتمامك