حرس السيسي في أوغندا

[محمد محمود بدر]

حرس السيسي في أوغندا ..


مقطع فيديو نشرته صحيفة ( أوغنديان ) الرسمية لدولة اوغندا .. المقطع بيظهر خناقة بين حرس السيسي وحرس موسفيني رئيس أوغندا ..

طب ايه حكايتها وايه قصة الزيارة اصلا ؟ ..


مقطع الفيديو بمقال مطول عالجريدة المذكورة



يوم الاحد اللي فات 18 / 12 / 2016 اعلن المتحدث الرسمي لرئاسة الجمهورية بشكل مفاجيء ان فيه زيارة للسيسي اليوم لدولة اوغندا بالوسط الافريقي .. برغم ان الزيارات الرئاسية للدول بيتم الاعلان عنها قبلها بأكتر من يوم .. والبيان قال ان الزيارة لبحث توطيد العلاقات السياسية والاقتصادية بين مصر واوغندا .. طب اشمعنا اوغندا ؟؟


زيارة مفاجئة دون اعلان مسبق

[محمد محمود بدر]

بعد ما رجع السيسي وسائل الاعلام المصري قالتلك ان السيسي بحث مع الرئيس الاوغندي ربط بحيرة فيكتوريا بالبحر المتوسط ملاحيا .. يعني السفن تطلع محملة من اوغندا ( لحمة وموز وفاكهة وبن وكاكاوا .. الخ ) وترجع لها محملة سلع معمرة من مصانع الجيش ..

سبب الزيارة الرسمي


اوغندا للي ميعرفهاش مشهورة عالميا باسم ( بلاد الموز ) كمعنى لفظي واستعارة مكنية .. لانها فعليا بلاد الموز من ايام ( عيدي امين ) ديكتاتورها السابق .. وهي من اكتر بلاد افريقيا في الانقلابات العسكرية وافقرهم كمان .. ورئيسها الحالي ( يوري موسفيني ) قاد انقلاب عسكري سنة 1986 .. يعني بيحكم أوغندا من 30 سنة بالتمام والكمال بالحديد والنار .. برغم ان كل كام سنة بتتعمل محاولة انقلاب مسلحة عليه ..

التعريف برئيس اوغندا الحالي


موسفيني من فترة قريبة عين ابنه / موهوزي قيادة الحرس الرئاسي تمهيدا لإعداده كرئيس للدولة بعون الله وتوفيقه .. وابنه طبعا عامل اجراءات قمة في الصرامة لحراسة ابوه اللي معظم ابناء دولته عايزينه متعلق هو وابنه .. واي غفلة ولو بسيطة هتكون الرصاصة الطايشة في منتصف جبهته هو وابنه على حد سواء ..


التعريف بالابن

[محمد محمود بدر]

السيسي طبعا معروف بتعيين عدد ضخم من الحرس المرافق له .. حتى ولو راح يخرج دفعة في اي كلية حربية .. الحرس عليه اقاويل كتير انه من القوات الخاصة او من شركات تأمين عالية التدريب او من الحرس الجمهوري .. لكن عموما الحرس شبه متأكد عليهم ميسبوش السيسي حتى ولو دخل اى حته .. وكلنا فاكرين فضيحتهم العالمية لوزير خارجية أمريكا ( جون كيري ) وسؤالهم له ( انت معاك موبايل بكاميرا ولا لأ ياعم الحاج ؟ ) ..

حرس السيسي وجون كيري


البروتوكلات الرئاسية في معظم دول العالم تحتم على الرئيس بالتخلي عن حرسه الخاص خصوصا في القاعات الرسمية والقصور الرئاسية .. أولا عشان الزحمة .. ثانيا لان مهمة التأمين بتقع على كاهل الحرس الرئاسي للدولة المستضيفة ..

مصدر

الحرس الرئاسي للسيسي ما رضيش يسمع الكلام .. او نقول جالهم تعليمات انهم ميسمعوش الكلام خصوصا وان اللواء / عباس كامل وسامح شكري وزير الخارجية كانوا ظاهرين بشكل واضح في نفس مقطع الفيديو .. فطبعا ده خلى الحرس الاوعندي يتعاملوا معاهم بعنف وظهروا بالصورة اللي احنا شفناها في الفيديو ..


مصدر


نيجي بقى لبنود الاهانات اللي حصلت ..


أول هام .. بعد محايلات تم السماح بدخول القاعة الرئاسية ومرافقة السيسي .. هل ده لكل الحرس ؟ .. لأ طبعا .. الاذن كان فقط للعقيد / محمد شعراوي قائد حرس السيسي .. لكن بعد اييييه ؟ .. طبقا للمصري اليوم لحديث مطابق للصحف الاوغندية .. ان كان شرط الحرس الاوغندي هو التسليم الكامل لاسلحة الحرس الرئاسي المصري ..


طبعا مشهد تخلي الحارس الشخصي عن سلاحه قدام جهة معادية ولسه عامل معاها خناقة بيبقى قمة في الخزي .. فما بالنا بحرس جمهوري لدولة بحجم مصر .. لكن مادام السيسي قال احنا بقينا شبه دولة يبقى ننسى بقى كلامه عن مصر ام الدنيا ولا هتستغربوا بعد كام سنة على حال مصر .. والصراحة احنا مزهولين مش مستغربين بس !!

مصدر

[محمد محمود بدر]

ثاني هام .. الفيديو المنشور عالميا للقاء اللي بيجمع الرئيسين .. الرئيس الاوغندي كان عمال يعدد بكل فخر هيبعت ايه لمصر من الحاجات اللي المصريين محتاجينها من الاكل زي اللحمة والخضار والفاكهة .. واكن مصر في مجاعة .. والسيسي جنبه عمال يضحك وقمة في الانبساط !

مصدر

ثالث هام هو انكار الفيديو .. اكتر من صحيفة وقناة وبرنامج انكروا حادث المشاجرة .. و( محمد الغيطي ) استضاف ( حسني صادق ) الخبير الاستراتيجي للشئون الافريقية .. واللي نفي صحة الفيديو .. وقال ان اللي فبركوه الاخوان بدقة عالية جدا .. لأنه وعلى حسب كلامه ( لا يعقل للحرس المصري أن يقوم بمثل هذه التصرفات " الصبيانية " ) .. ولما نعرف ان الخبر اتكلمت عنه الصحافة الاوغندية وانهم وبكل فخر اجبروا الحرس على ترك سلاحهم بعد الخناقة .. يبقى كدا اوغندا إخوان .. معروفة !

مصدر 1

مصدر 2

أخيرا .. الدولجي اللي عايز ينكر تراجع مكانة مصر في علاقتها الخارجية .. ويرفض انها دوليا بقت في احض الحضيض في الفترة الاخيرة .. نقوله ان ( بوتين ) بعد قــتل السفير بتاعه عالملأ .. طلع وقال دي ناس عايزة توقع بينا وبين تركيا .. ده كلامه عن مين ؟ .. عن قــتل اكبر شخصية سياسية روسية في تركيا .. واللي بيقوم بدور بوتين نفسه خارج دولته ..


فنخبط ايد على ايد في شوية السياح الروس الغلابة اللي ماتوا في تفجير الطيارة الروسية .. ولحد دلوقتي ( بوتين ) قاطع السياحة الروسية عن مصر واللي كانت المورد الاول والعدد الاكبر للسياحة في مصر بنسبة 25 % طبقا للاحصاء المصري 2013 .. وكل اتصال للسيسي ببوتين يقوله قريب نرجعلكم السياح ..
بس قدم المشيئة ياسيسي ..

زي اتصاله بيه امبارح طبقا لجريدة الاهرام !!