|
#31
07-08-2016, 11:31 AM
|
||||
|
||||
علم إسرائيل معروف مكانته عند كل مصري .. ولا مزايده ولكن قناه السويس الممر الملاحي الدولي الذي لاتسطيع أنت ( كمصر ) منع أي سفينه من العبور .. ماذا لو منعت هذا العلم كنوع من العداء المتأصل الذي لن يمحوه زمن ماذا لو أقامت إسرائيل الدنيا ولم تقعدها كنوع من أعمال العداء المضاد ضد مصر .. وقلت عدد السفن التي تمر بالقناه سؤال : ماهو رد الفعل لحضرتك ولغيرك .. ممن يستهينون بالتفريعه الجديده وماأنفق عليها والخسائر التي تكبدناها ولو أنفق هذا المبلغ علي البحث العلمي كنا إخترعنا لبان جديد وبسكويت وشيكولاته ومنشطات .. وحاجات تفتح النفس والله . .
__________________
 
|
|
#32
07-08-2016, 12:03 PM
|
|||
|
|||
|
اقتباس:
.[/quote] 184علم البعض يريدنا أن نعيش العمر كله غفير نظامى كأداة للضحك على شعوبهم بالقضية الفلسطينية وبمهاجمتنا دائما ومن يعترض على كلامى فليأتى لى بدولة عربية أو إسلامية ليس لها تطبيع مباشر أو غير مباشر مع إسرائيل أمريكا والدول الاستعمارية فى الغرب هم الداعم الحقيقى للدولة الصهيونية فكم دولة قاطعت دولة واحدة من هذه الدول لصالح القضية وليس لصالحها الخاص القضية الفلسطينية تفتت بيننا لأن الجميع فر وشاف مصالحه وعايزين مصر وحدها هى اللى تثبت كغفير نظامى وحارس أمن خاص لهم وبالمتاجرة على حساب بلد المواجهة التى قدمت الكثير والكثير ومن ينكر كل هذا حقير تقام احتفالات الشتائم والسباب على مصر إرضاءا وضحكا على شعوبهم اسألوا أطفال وصبية وشباب كل الدول االعربية والإسلامية ستجدوا أطفالا وشبابا فى هذه الدول لايعلمون شيئا عن القضية بينما ستجدوها ممزوجة بدماء الإنسان المصري الإخوان اللى أفزعهم تعليق علم اسرائيل على ممر ملاحى دولى يروحوا يسألوا سلطانهم التركى المبجل -- متى كانت القضية الفلسطينية همك ؟ أستاذ ورئيس قسم التطبيع فى العالم الإسلامى بقى (زعيم الأمه) دا زعيم أمهم يمكن شكرا جزيلا أستاذنا العزيز أشرف
__________________
الحمد لله
|
|
#33
07-08-2016, 12:16 PM
|
||||
|
||||
|
اقتباس:
جزيل الشكر والتقدير لحضرتك موضوع الدولار موضوع كبير لا ينفع الرد قيه هنا سوف نقوم بعمل موضوع خاص به لنتحاور فيه اقتباس:
وهذا بالضبط ما أشرت اليه بالنسبه الى العلم
تمت المتاجرة والمزايده على هذا الموضوع ولم يكن يضيرنا شئ أبدا اذا لم نضع العلم أو بالاحرى أى علم الموضوع ليس بروتوكوليا كان من الممكن تجاهله برمته لكن سوء الادارة من القائمين على الاحتفال وتركهم ثغرات صغيرة مثل هذه ليتاجر بها من يريد اما موضوع اللبان والبسكويت والشيكولاته كنتيجة لأننا نريد زيادة الانفاق على البحث العلمى والتعليم فهذا موضوع آخر
__________________
|
|
#34
07-08-2016, 12:53 PM
|
||||
|
||||
|
اقتباس:
============================== جزيل الشكر والتقدير لحضرتك
__________________
|
|
#35
07-08-2016, 01:51 PM
|
||||
|
||||
|
**تعليق على تصريحات الرئيس عن زيادة دخل قناة السويس**
فى الأسبوع الأول من مايو الرئيس السيسي قال في كلمته بالنص ما يلي: "قناة السويس .. التوسعة دي كلها على بعضها الأموال اتدبرت من المصريين، والمصريين اللي اشتغلوا فيها، وكلها خلصت في سنة" "برضه سمعت حد بيقول إيرادات القناة قلت، لأ طبعاً، ولما أقولكم لا طبعا يبقى ده كلام مسئول .. وإلا يبقى مفيش .. لأ طبعاً .. وزادت، وإحنا بنتكلم في سنة مش حاجة تانية" - بعد أيام فقط من الكلام ده شفنا خبرين غريبين جداً: الأول: هيئة قناة السويس أصدرت بيان يعلن تخفيض الرسوم بنسبة ٣٠% على سفن الحاويات القادمة من ميناء نيويورك والموانيء جنوبه، ونكتشف إن القرار ده ساري منذ ٧ مارس الماضي، ومحدش يعرف أي حاجة عنه، وهيستمر٣ شهور قابلة للتجديد! - المصدر والتاني: خبر عن سعي الهيئة للحصول على قرض بقيمة ٦٠٠ مليون يورو، "لتمويل التزامات مستحقة عليها" بدون أي إيضاحات أخرى. - المصدر **** نرجع لتصريحات الرئيس اللي بتؤكد بوضوح ٣ معلومات: ١- إيرادات القناة زادت. ٢- تمويل القناة "كلها على بعضها" مصدره المصريين. ٣- المصريين فقط اللي اشتغلوا فيها. ونؤكد على إن كلامنا هنا فقط عن مشروع التفريعة أو "قناة السويس الجديدة"، وليس عن مشروع "محور قناة السويس" المتعلق بمشاريع تنموية ولوجستية بالمنطقة، وهي الفكرة المطروحة منذ حكومة الجنزوري سنة ١٩٩٦، ثم حكومة نظيف ٢٠٠٥، ولا أحد يختلف على إنها عظيمة من حيث المبدأ، المهم التفاصيل) **** يتبع1
__________________
آخر تعديل بواسطة محمد محمود بدر ، 07-08-2016 الساعة 02:06 PM
|
|
#36
07-08-2016, 02:06 PM
|
||||
|
||||
|
تابع 1 البنك المركزي نشر تقريره الرسمي عن الأداء الاقتصادي بالنصف الأول من العام المالي الحالي، ورسمياً أعلن إن إيرادات مصر من قناة السويس تراجعت بقيمة ٢١٠ مليون دولار بالمقارنة بنفس الفترة (يوليو – ديسمبر) السنة اللي فاتت.المصدر - في الأول إيه هو المشروع بالظبط؟ المشروع عبارة عن قناة موازية لجزء من المجرى الحالي لقناة السويس، اللي طوله ١٩٢ كيلومترا، ويبلغ طول التفريعة الموازية الجديدة ٣٥ كيلو متر تم شقها بتقنية الحفر الجاف، بالإضافة إلى ٣٧ كيلو متر يتم بها تعميق مجرى القناة الحالية "التكريك"، ليكون إجمالي طول المشروع ٧٢ كيلو متر، والغرض هو السماح "بازدواج الملاحة" يعني السفن تعبر في الاتجاهين بنفس الوقت. - هل دي أول مرة تحصل؟ لا، بالفعل كانت قناة السويس تسمح بازدواج الملاحة في ٨٠.٥ كيلو من مسارها، لإنها اتعمل فيها ٦ تفريعات بعهود عبدالناصر والسادات، أكبرها تفريعة بورسعيد بطول ٤٠.١ كيلو متر، وبالمشروع الجديد زادت مسافة الازدواج إلى ١١٥.٨ كيلو ده فيديو من حفل افتتاح تفريعة بورسعيد سنة ١٩٨٠: المصدر **** - إيه الوعود التي اتقدمت؟ اتقالت وعود كتير جدًا بإن المشروع هيدخل فلوس ضخمة للبلد، وصلت لتداول رقم ١٠٠ مليار دولار سنوياً، وكان أكثر الأرقام عقلانية هي تصريحات رئيس الهيئة اللي قال إن الارتفاع التدريجي لعائد القناة سيصل لـ١٣.٥ مليار دولار بحلول عام ٢٠٢٣. المصدر - في حين إن رئيس الجمهورية عبدالفتاح السيسي قال تصريح غريب جداً بعد ٩ أيام فقط من افتتاح القناة رسميًا، قال إن أرباح قناة السويس الجديدة غطت تكاليف حفرها! ده نص كلامه في الفيديو ده: المصدر "أنا باقولكم وأنا باتكلم دلوقتي .. إذا كان على ال ٢٠ مليار بتوع قناة السويس .. دلوقتي بفضل الله سبحانه وتعالى دخل القناة الزيادة من مرور السفن اللي زاد تقريبا من ٤٥ – ٤٧ سفينة في المتوسط وصل إلى ٦٠ – ٦٣ سفينة في المتوسط .. يعني إذا كان على العشرين مليار اللي احنا دفعناهم إحنا جبناهم .. أنا باقولكم صحيح كده .. مش المشاريع بتتحسب كده" بعض الناس قالوا دي زلة لسان، وهوا مكانش يقصد اللي اتفهم منه .. زلات اللسان وسوء الفهم أمور واردة لأي إنسان طبعا، لكن عشان ده تحديداً فيه مكتب إعلامي بالرئاسة وظيفته يصدر بيانات لو فيه حاجة غامضة، مش يسيبو الناس تختلف في تفسير المعنى الظاهر والمعني الخفي في تصريحات الرئيس! **** يتبع 2
__________________
|
|
#37
07-08-2016, 02:36 PM
|
||||
|
||||
|
تابع 2
- ما هي التكلفة المادية للمشروع؟ غموض كبير حول التكلفة الحقيقة للمشروع، مفيش وثائق معلنة، وعندنا تصريحات كتير متضاربة بين المسؤولين .. شفنا الرئيس السيسي بيقول إن التكلفة ٢٠ مليار جنيه، لكن حسب الفريق مهاب مميش، رئيس هيئة قناة السويس، التكلفة وصلت لـ ٣ مليارات و٢٠٠ مليون دولار -المصدر -، يعني ٢٥ مليار جنيه (بسعر الدولار وقتها اللي كان ٧.٨٣ جنيه)، وعندنا كمان تصريح وزير الاستثمار إن تكلفة حفر القناة ٣٠ مليار جنيه! المصدر غريب جداً إنه يبقى الفروق في الأرقام الرسمية بالمليارات كإنها شوية فكة! **** ما هي التكلفة اللي اتدفعت بالدولار؟ هل اشتركت شركات أجنبية؟ محدش يعرف رقم دقيق وكامل للتكلفة الدولارية، لكن المعلن هو اشتراك شركات أجنبية بالتكريك حصلت لوحدها على ١.٥ مليار دولار، وهي مكونة من تحالف بقيادة شركة الجرافات الوطنية الإماراتية (nmdc) ويضم شركتي "فان أورد" و " بوسكالس" الهولنديتين وشركتي "جان دو نيل" و"دريدجينج انترناشيونال" البلجيكيتين ، حصلوا كل شركة على ٣٧٥مليون دولار. - المصدر **** - منين جبنا الفلوس؟ - فلوس المشروع جت من خلال إصدار شهادات استثمار للمصريين ، ودي جمعت ٦٤ مليار جنيه (٨.٥ مليار دولار)، عبر بيع شهادات استثمار قناة السويس بفائدة ١٢%، يعني الدولة ستسدد الفلوس بتكلفة ٧١.٦ مليار جنيه. هل فلوس المصريين دي وحدها كانت كافية؟ - لأ، لأننا كما قلنا كان فيه جزء بالدولار، وكمان هيئة قناة السويس رسمياً اقترضت خلال سنة الحفر ١.٤مليار دولار من ٨ بنوك حكومية وعربية (الأهلي ومصر والتجاري الدولي والعربي الأفريقي والقاهرة والإمارات دبي الوطني والمشرق والعربي)، لدفع التزامات الشركات الأجنبية العاملة في مشروع القناة الجديدة.- المصدر **** - هل نتيجة المشروع تمثل جذب فعال لرحلات سفن النقل؟ - المشروع أدى لتقليل زمن انتظار السفن عبور القناة، انخفض انتظار "القافلة الشمالية" من٨ -١١ ساعة إلى ٣ ساعات، وانخفض انتظار "القافلة الجنوبية" من ١٨ إلى ١١ ساعة. - لكن ده لا يمثل إلا عامل هامشي جداً في رحلات الناقلات، لأن إجمالي وقت الرحلة قد يستغرق شهر أو شهرين. مثلاً ده كلام يورس مول العضو المنتدب لخط سنغافوري يملك ٥٠% من حركة التجارة بين آسيا وأفريقيا، لما سألوه في ٢٠١٤ عن فكرة المشروع: المصدر - “الخطوط الملاحية العالمية لا تهتم بزيادة سرعة سفنها أو الوقت الذى ستوفره القناة الجديدة، بقدر ما تهتم بالخدمات اللوجستية، وخدمات القيمة المضافة المقدمة إلى السفينة وطاقمها، التى يمكن أن تكون موجودة بطول شريط القناة .. لا توجد مشكلة على الإطلاق لدى الخطوط الملاحية العالمية فى انتظار عبور سفنها فى قافلتى الشمال والجنوب بقناة السويس." **** يتبع 3
__________________
|
|
#38
07-08-2016, 02:44 PM
|
||||
|
||||
|
تابع 3
وإيه النتيجة اللي اتحققت من المشروع؟ - إيرادات القناة بدل ما تزيد أصبحت في انخفاض مستمر للأسف. - سنة ٢٠١٥ الإيرادات السنوية انخفضت بنحو ٢٩٠ مليون دولار، من حوالي إجمالي ٥.٤٦٥ مليار دولار سنة ٢٠١٤، إلى ٥.١٧٥ مليار دولار سنة ٢٠١٥ - المصدر وواضح ان التناقص ده مستمر، زي ما شفنا في أول كلامنا تقرير البنك المركزي عن نصف العام المالي الحالي. **** - ليه الإيرادات انخفضت ؟ - لأن بمنتهى البساطة، إيرادات القناة مرتبطة بمرور سفن التجارة منها، ومرور السفن مرتبط بحركة التجارة العالمية، وفي الوقت الحالي لأسباب معقدة كتير العالم يمر بحالة "ركود اقتصادي" بدأت منذ الأزمة المالية العالمية في ٢٠٠٨، وده أثر على حركة التجارة، وبالتالي مفيش بضاعة أكتر بتتنقل، ولا فيه سفن أكتر هتعدي. - وزاد من التأثير السلبي علينا انخفاض قيمة "وحدات السحب الخاصة" اللي بيتحسب بيها دولياً رسوم القناة أمام الدولار، بالإضافة لانخفاض أسعار البترول، لأن تكلفة الوقود تمثل في المتوسط ٧٠% من تكلفة رحلة سفن البضائع، وهو ما يجعل السفن تختار الطريق الأقصر في وقت ارتفاع أسعار النفط، لكن في حالة انخفاض الأسعار بعض السفن القادمة من بعض المناطق قد تجد إن رسوم المرور في القناة أكتر من تكلفة الوقود الإضافية لو راحت بطريق أطول (رأس الرجاء الصالح). - في شهر فبراير الماضي، ظهر تقرير من مؤسسة «سي انتل» المتخصصة في تحليلات الملاحة، قال إنه منذ شهر أكتوبر من العام الماضي، أبحرت ١١٥ ناقلة بضائع عبر طريق رأس الرجاء الصالح بدلاً من القناة، ووفقًا للمؤسسة، فإن استخدام هذا الطريق طريق جنوب إفريقيا سيوفر ٢٣٥ ألف دولار لكل رحلة بحرية. (رسوم القناة على الناقلة العملاقة قد تصل حوالي نصف مليون دولار). - وحسب تقرير سي إنتل مُتوقع ان الوضع ده سيتزايد، وإنه "إذا أرادت القناتان تغيير اقتصاد اختيارات المسارات، يجب على قناة بنما تقليل الرسوم بنسبة ٣٠% تقريبًا، وقناة السويس بنسبة ٥٠% تقريبًا".- المصدر .. هل ممكن نربط ده بالخبر اللي بدأنا بيه بتخفيض الرسوم 30% لخطوط ملاحية معينة؟ طبعا الكلام ده بيرد على بعض الأفكار اللي ناس قالتها إنه يلا بينا نزود رسوم مرور القناة.. الزيادة الكبيرة تعني ان السفن ببساطة مش هتعدي من عندك. اللواء مهاب مميش رئيس هيئة القناة نفسه اعترف بالكلام اللي بنقوله، بعد ما البعض قعدوا يشككوا في تلك الأخبار في الأول. هنا اللواء مميش بيتكلم عن انخفاض الإيرادات بسبب حركة التجارة العالمية -المصدر -، وهنا قال إن انخفاض أسعار البترول دفع بعض السفن لأخذ مسارات بديلة عن السويس . المصدر **** يتبع 4
__________________
|
|
#39
07-08-2016, 03:00 PM
|
||||
|
||||
|
تابع 4
- هل اللي حصل ده مفاجأة ولا كان معروف قبل المشروع؟ خبراء كتير داخل وخارج مصر حذروا من انخفاض جدوى المشروع اقتصادياً بسبب الأسباب المذكورة، وهنعرض عدد قليل جداً. - هنا مثلاً ممدوح الولي نقيب الصحفيين الأسبق بيقول إن قدرة القناة ٧٨ سفينة يومياً بينما يمر بها بالسنوات الخمس الماضية متوسط ٤٦ - ٤٨ سفينة وبالتالي لم يكن هناك احتياج ملح لهذا المشروع، وكانت هناك مشاريع أخرى قومية تحتاج أهمية أولى. -المصدر - ، وكلام شبيه هنلاقيه هنا في مقال د.حازم حسني أستاذ العلوم السياسية -المصدر ، أو هنا من الخبير الاقتصادي عمر الشنيطي. المصدر - وبالخارج مثلاً وكالة "موديز" أحد أهم جهات التصنيف الائتماني في العالم، قالت إن مساعي الحكومة المصرية بزيادة إيرادات قناة السويس من ٥.٤ مليارات دولار إلى ١٣.٢ مليار دولار في ٢٠٢٣ (يعني زيادة حوالي ٢٤٠%) "تقوم على افتراضات بتعافٍ حاد في نمو التجارة العالمية، وهو أمر غير مرجح الحدوث" ، وقالت إن ده يتطلب نمو التجارة العالمية كل سنة في الفترة بين ٢٠١٦ إلى ٢٠٢٣ بنسبة ١٠%، بينما الوضع الحالي ٣% فقط. **** هل المشروع أثر على أزمة الدولار الموجودة في مصر؟ - طبعاً .. زي ما شفنا على الأقل اتصرف ١.٥ مليار دولار لشركات التكريك، وحتى لو مفيش مصاريف تاني لا نعرفها، فالرقم ده في حد ذاته ضخم جداً إذا كان احتياطي النقد الأجنبي لمصر كله حوالي ١٥ - ١٦ مليار. - محافظ البنك المركزي المستقيل، هشام رامز، قال في تصريحات تلفزيونية إن من أسباب أزمة الدولار إنه "تم استخدامه في غير محلة .. إحنا جبنا حفارات من كل حتة في العالم وكلفتنا مبلغ كبير عشان نقدر نعمل هذا العمل الممتاز اللي اتعمل انه تم حفر القناة في سنة”. المصدر - وغير الدولار، الوضع الاقتصادي كله تأثر .. تكلفة حفر القناة دي - سواء كانت ٢٠ أو ٣٠ مليار الله أعلم! - كان ممكن تبني كام مصنع؟ كام مدرسة وكام مستشفى؟ تزرع كام فدان؟ توفر كام فرصة عمل للشباب؟ **** طيب عرفنا إنه حصل غلط، مين السبب؟ قبل ما نسأل "مين"، الأهم نسأل "ليه"؟ - ليه محدش سمع كل الخبراء من الداخل والخارج اللي قالوا آرائهم الاقتصادية عن الموضوع؟ - ليه كان أي حد يفكر يقول رأي مختلف يتشتم ويتخون، ويتقال عليه إخوان و إرهاب و خاين، لدرجة ان أغلب منتقدي المشروع خافوا وبقى بيتكلموا في جلسات خاصة فقط؟ - وليه الإعلام كان بيختار فقط الضيوف اللي هيطبلوا للمشروع؟ - طيب حتى قولولنا ليه تم اختصار فترة المشروع من ٥ سنين إلى سنة واحدة مما رفع التكاليف؟ - إيه الفخر والفشخرة في إنه يتقال إننا استخدمنا ٧٠% من كـراكات العالم في المشروع لإنهاءه في عام واحد رغم انه غير عاجل؟ مهو كـراكات العالم دي مجاتش ببلاش، دي فلوسنا بالدولار في عز الأزمة. - الأسلوب ده في إدارة الدولة بشكل عام غلط تماماً، مش دور النظام الحاكم - أي نظام - انه يصدر قرارات كبيرة كده بشكل منفرد تماماً بدون ما يسأل لا ممثلي الشعب، ولا عدد كبير من الخبراء اللي مش تبعهم بس ويقولوا اللي يرضيهم، وأكيد مش دور السلطة ومؤيديها التشكيك و التخوين في أي معارض أو ناقد. للأسف ده اتكرر كذا مرة، وجهاز الكفتة خير مثال. - أما بخصوص مين المسئول؟ - فبوضوح شديد المسئول زي أي دولة هو صاحب القرار السياسي الرئيس عبدالفتاح السيسي، وأصحاب القرار الفني رئيس هيئة قناة السويس، ووزراء المجموعة الاقتصادية .. دول مفروض يتسئلوا ويتحاسبوا كويس جداً على الوعود اللي اتقالت وثبت انها أوهام، ونفهم منهم علناً ليه ده حصل؟ ما مصدرهم في الأرقام اللي قالوها؟ ..الخ. - ده دور مجلس الشعب في جلسة استجواب علنية .. ولو نواب البرلمان، ممثلي الشعب معملوش واجبهم، بكرة الشعب بنفسه يعمله، وادينا موجودين.. انتهى
__________________
|
|
#40
07-08-2016, 07:49 PM
|
|||
|
|||
|
موضوع رائع اخي الكريم
__________________
كفي بالله سندا وكفي به هاديا وحبيبا وكفي به معطيا وكفي بالله عن كل شئ
|
|
#41
07-08-2016, 08:20 PM
|
|||
|
|||
|
نعم نعم..أويد كلام الريس عبد الفتاح لما قال
التشكيك في الانجازات مش كويس لذا وجب الحذف تماشيا مع الكلام الرياسي
|
|
#42
08-08-2016, 12:37 AM
|
||||
|
||||
موضوع رائع يتّسم بالنقد البنّاء والذي يدل على خوف وحرص كاتبه على بلده والصالح العام فيا ليت الكثير يتعلّم هذا السلوك ويطبّقه عمليًا في جميع مجالات الحياة بكل أنواعها وظروفها وأن لا يكون النقد من أجل النقد وحسب! ولكن نقد يعود من ورائه المنفعة والخير للجميع حفظ اللهُ مصرَ وخالص الشكر والتحية والتقدير لأستاذنا الفاضل أ/ محمد بدر
__________________
|
|
#43
08-08-2016, 11:30 AM
|
||||
|
||||
|
اقتباس:
شكرا على المرور العطر أستاذنا
__________________
|
|
#44
08-08-2016, 11:36 AM
|
||||
|
||||
|
اقتباس:
شكرا على المرور
لكن من الواضح ان حضرتك لم تقرأ الموضوع
__________________
|
|
#45
08-08-2016, 11:40 AM
|
||||
|
||||
|
اقتباس:
شكرا على المرور أستاذنا الكبير مستر حاتم
__________________
|
 |
| العلامات المرجعية |
| الكلمات الدلالية (Tags) |
| ملخص, التفريعة, الجمل, الجديدة, السيسى, الضائع, ترعة, عام, قناة السويس |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:53 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
