دفعة ثانوية عامة 2016

[سوسوكاتى]

المشاركة الأصلية كتبت بواسطة mohamed_hamza

كفاية نص المنهج في الاحصا عسل اوي، هتنجح بيه اصلا لو واحد جاب اقل من درجة النجاح بكام درجة بيرفعوا الكام درجة دول وينجحوه.
الدين احفظ الاحاديث الي عندك كلها واقرأ قصص الصحابة اللي في الاخر دي، وباقي الورقة طلع علي جمعه اللي جواك.
الاقتصاد والتربية الوطنية نزل الكام ورقة دول واحفظهم مش كتير، ومش لازم تحفظهم كلهم بردو، ذاكر الكم اللي تحس انه ينجحك بس.
الاقتصاد. التربية الوطنية.



ايوا من دلوقتي، حتى لو مذاكرة قليلة جدا، بس مش ليلة الامتحان تكون فاتحهم لاول مرة يعني.



-النوم: الوقت اللي تحسي فيه انك عايزة تنامي خليه معاد نومك، عشان مش هتستوعبي بعده.
-الصحيان: نزلي تطبيق alarmy sleep if u can من يوم مانزلته وانا بصحى فمعاد محدد.
حبذا النوم من 10 ل 3 معاد ممتاز جدا دلوقتي.
بس على فكرة مش النوم بس اللي محتاج تنظيم، دا كل حاجة.
######
قاعدة لوشاتيليه بسيطة جدا، هي خاصة بالتفاعل المتزن، فيه 3 حاجات بتأثر على سرعة التفاعل المتزن دا: التركيز ودرجة الحرارة والضغط، لو زادت او قلت حاجة من التلاتة دول (مؤثر خارجي) التفاعل المتزن ميبقاش متزن ساعتها، هيختل توازنه، ودا مينفعش عشان هو لازم يتزن "من اسمه"، فعشان كدا التفاعل من نفسه هينشط في اتجاه معين عشان يلغي تأثير المؤثر دا عشان يرجع متزن من تاني زي ما كان.


*التركيز:
تأثير التركيز دا يعني اضافة مواد او سحبها من التفاعل (سواء متفاعلة او ناتجة).
مثلا ناخد التفاعل دا:
A + b ⇌ c
- لو اضفنا a او b هينشط في الاتجاه الطردي (اتجاه تكوين c)
-لو سحبنا منه a او b هينشط في الاتجاه العكسي (اتجاه تكوين a و b )

-لو اضفنا c هينشط في الاتجاه العكسي.
-لو سحبنا كمية من c هينشط في الاتجاه الطردي.


*الضغط:
2a + b ⇌ c
عدد مولات المتفاعلات هنا (3 مول) اكبر من عدد مولات النواتج (1 مول)
يعني حجم المتفاعلات اكبر من حجم النواتج..
تخيلي لو واحد ماسك سفنجة بإيده جامد، هيكون الضغط عليها كبير بس حجمها قليل، ولو سابها حجمها هيكبر ومش هيكون عليها ضغط، اذا الضغط بيتناسب عكسيا مع الحجم.
يعني في المثال ضغط المتفاعلات اقل من ضغط النواتج.
-يبقى عند زيادة الضغط يسير التفاعل في الاتجاه اللي فيه عدد مولات اقل (حجمه اقل) عشان يقلل التأثير دا ويتزن (في المثال دا هيسير في الاتجاه الطردي)
-وعند تقليل الضغط يسير التفاعل في الاتجاه الي فيه عدد مولات اكثر (حجمه اكبر) عشان يقلل التأثير دا ويتزن ( في المثال دا هيسير في الاتجاه العكسي).

-لو الاتنين عندهم نفس عدد المولات الضغط مش هيأثر مهما زاد او قل، لانه مش هيعرف يروح لانهي اتجاه فيهم.

-تقليل الحجم (او حجم الاناء) =زيادة الضغط
-زيادة الحجم (او حجم الاناء) =تقليل الضغط


*درجة الحرارة:
فيه نوعين من التفاعل يا اما طارد للحرارة (ينتج عنه حرارة) يا اما ماص للحرارة (بيحتاج حرارة).
في السؤال تعرفي الطارد من الماص كدا:
-الطارد: بتكون فيه Δh سالبة او heat في النواتج.
-الماص:بتكون فيه Δh موجبة او heat في المتفاعلات.
ممكن بدل ال heat دي يكتب j او kj او energy او كالوري وكلهم الغرض منهم واحد "كمية الطاقة الحرارية"

"التبريد في الطارد طردي" احفظي الجملة اللي كلها جرس موسيقي دي وهيا هتجيب الباقي، قصدي انك لما تعرفي ان التبريد في الطارد طردي، يبقى التسخين فيه اكيد عكسي، والماص تعكسي الكلام اللي في الطارد دا.

-لو قال تفاعل "في اناء مغلق" يقصد انه تفاعل متزن (ينطبق عليه كلام لوشاتيليه)
######
الخلايا الكهربية دي انا اكتر واحد كنت بنساها، ملهاش طريقة بالنسبالي، كرريها وخلاص اي حاجة بتيجي بالتكرار... سمعيهم لنفسك كل ما تقرأيهم بس الخمسة مع بعض مش كل واحدة لوحدها، ومش تقلبي عليهم الا ما تسمعيهم كلهم مع بعض غيبا بدون اخطاء، اول مرة هتكون صعبة وهتاخد وقت، بس المرة الي بعدها ومع التكرار هيكونوا اسهل بكتير وهتحفظيهم.
######
الحديثة شوفي محمد عبد المعبود شرحه كويس فيها، وحلي عليها كتير.. الحاجة اللي مش تفهميها احفظيها زي ماهي وخلاص، انا فيه حاجات فيها مكنتش بفهمها بردو وتعبت في فهمها بس في الاخر حفظتها وخلاص والدنيا مشيت يعني.
ولو لسه مش فاهمة لوشاتيليه قولي السؤال اللي واقف قدامك فيه.



هما الاتنين يمشوا بس طالما جم مع بعض كدا فهختار provides عشان فعل afford دا الاستخدام الاشهر ليه مع can و could وبيكونوا منفيين غالبا، فلو جت جملة تانية زي دي وفيها can او could هنختار afford
(بس على فكرة اخر السنة مفيش الكلام دا، يا ابيض يا اسود، مفيش اختيار ينفع اوي واختيار ينفع نص ونص والشغل دا)


هتبقى had had علشان ندمان على حاجة حصلت في الماضي، ندمان انه ماكنش معاه فلوس في الماضي عشان يساعد الفقير.


Them watching و their watching الاتنين صح.


الجملة دي صح مفهاش غلطة، وممكن تكتبي في الاخر from بردو صح.


هتبقى might او would


he is هتبقى he was عشان تمشي مع حالة if التالتة.

ايه الكتاب الغريب العجيب اللي بتحلي منه دا؟؟
بلاش منه



من 5 الى 3 بس
عضلات الرئتين

جزاك الله خير يا دكتور تاعبينك معاناوالله ربنا يباركلك

[رفيقة الامل]

انا بحد حاسة انى ضعت خلاص بضيع وقت اكتر من الاول وبنام اكتر من الاول
ناس غير شغالة حل امتحانات
ساعة بقول هكمل ومش هستسبم ومع اول حاجة ارجع اضايق
اتخنقت وخلاص انا ضعت
نفسى ربنا ياخدنى عشان مكسفش اهلى او اضيع تعبهم احسن
مستهلش تعبهم معايا
مش عارفة انا ذاكرت ولا لا مش عارفة
حاسة ان كل حاجة اتمنيتها بتبعد عنى وبتضيع وانا واقفة اتفرح ومتنحة نفسى نطلع ونصرخ ومبكى باعلى صوت بس صعبان عليا انى اتعب اهلى معايا
انا والله بكتب الكلام ده وحابسه دموعى بالعافيه
مفيش اى حافز
يــــــــــــــــــــــــــــــــــــــــــــــارب رحمـــــــــــــــــــــــــــــــتـــــــــك

[ahmedtarea]

المشاركة الأصلية كتبت بواسطة ران نيتشان

هو مش اسمه بنزالدهيد ؟!!
3مول
والله اعلم

اها اسمه كدا بس انا عايز اوضع المجموعة عشان الاجابة
4 مول 3 للحلقة ومول عشان الرابطة المزدوجة الي في الفورميل
وحمض البنزويك بيحتاج 5 مول لتشبعه

[ElSayed Fekry]

المشاركة الأصلية كتبت بواسطة ahmedtarea

اها اسمه كدا بس انا عايز اوضع المجموعة عشان الاجابة
4 مول 3 للحلقة ومول عشان الرابطة المزدوجة الي في الفورميل
وحمض البنزويك بيحتاج 5 مول لتشبعه

ازاى خمسة فى البنزويك مش 3 فى البنزين ومول عشان الرابطة المزدوجة اللى فى الكربونيل

[aalaaabdelhamed]

المشاركة الأصلية كتبت بواسطة علا علي ٣٣٣

و جزاك مثله
معلش يا دكتور سؤال اخير الباب الخامس جيولوجيا مش بيثبت معايا خالص اعمل فيه اي ؟؟؟

فعلا الباب ده طويل عامل ازمة ليا بردو عايز يتظبط

[Mohamed_Hamza]

المشاركة الأصلية كتبت بواسطة ahmedtarea

اها اسمه كدا بس انا عايز اوضع المجموعة عشان الاجابة
4 مول 3 للحلقة ومول عشان الرابطة المزدوجة الي في الفورميل
وحمض البنزويك بيحتاج 5 مول لتشبعه

من قال هذا؟

المشاركة الأصلية كتبت بواسطة sayedfkry

ازاى خمسة فى البنزويك مش 3 فى البنزين ومول عشان الرابطة المزدوجة اللى فى الكربونيل

من قال هذا ايضا؟

[ahmedtarea]

المشاركة الأصلية كتبت بواسطة Mohamed_Hamza

من قال هذا؟



من قال هذا ايضا؟

Ch3cooh+2h2
المعادلة دي بتثبت ان cooh بيحتاج 2مول هيدروجين

[aalaaabdelhamed]

المشاركة الأصلية كتبت بواسطة ahmedtarea

ch3cooh+2h2
المعادلة دي بتثبت ان cooh بيحتاج 2مول هيدروجين

انا جيت احلها طلعت معايا 2مول ع اساس انه هيبقي فيه رابطتين مزودجتين بس في الحلقة و0 هتبقي بين رابطتين مش هنحسبها طب حضرتك حليتها ازاي ؟؟

[ahmedtarea]

المشاركة الأصلية كتبت بواسطة aalaaabdelhamed

انا جيت احلها طلعت معايا 2مول ع اساس انه هيبقي فيه رابطتين مزودجتين بس في الحلقة و0 هتبقي بين رابطتين مش هنحسبها طب حضرتك حليتها ازاي ؟؟

حلقة البنزين فيها 3 روابط .. و في cooh رابطة بس لما هتاخد مول هتتحول لمركب غير ثابت متصل بالكربون مجموعتين oh فيفقد ماء و ياخد كمان مول فيتحول لمركب ثابت
الدليل معادلة اختزال حمض الاستيك
Ch3cooh+2h2
حمض الاستيك واخد 2 مول هيدروجين

[Mohamed_Hamza]

انتوا عارفين يعني ايه غير مشبع اصلا؟
يعني فيه رابطة مزدوجة باي بين كربونة وكربونة ((فقط لا غير))، مش بين ذرة كربون وذرة اكسجين مثلا او بين اي حاجة تانية، يعني حمض الاسيتك اللي في المعادلة اللي انت جايبها دي يا احمد اللي حصله دا مش تشبع هو مشبع اصلا، عشان كل روابط ال (كربون-كربون) اللي فيه احادية، وبنفس الطريقة كل المركبات اللي انت قولتها دي (حمض الكربونيك، البنزالدهيد..الخ) دي غير مشبعة بسبب ال 3 روابط المزدوجة (كربون=كربون) اللي في حلقة البنزين فقط، اما المجموعات الوظيفية اللي عليها دي ملهاش علاقة عشان الروابط المزدوجة اللي فيها بين الكربون والاكسجين مش بين الكربون والكربون، فمش هنحسبها، وعلى فكرة هتطلع بعد التشبع زي ماهي بردو (مزدوجة) وروابط الكربون كربون اللي في الحلقة هي بس اللي هتتحول لسيجما..

عشان يحصل تشبع باختصار يعني c=c تتحول إلي c-c (فقط) يعني الاجابة هتكون 3 مولات هيدروجين في كل دول.

وحلقة البنزين يا آلاء دايما فيها 3 روابط باي مفيش حاجة اسمها اتنين في حلقة بنزين (عليكوا).

عشان تعرف المركب المشبع من الغير مشبع بتشوف لو فيه رابطة مزدوجة بين كربون و كربون في السلسلة ولا لا، لو فيه يبقى غير مشبع، لو مفيش يبقى مشبع (مش اي رابطة مزدوجة، خد بالك ياسيد فكري، لازم c=c وبسسسسس).

[ahmedtarea]

المشاركة الأصلية كتبت بواسطة mohamed_hamza

انتوا عارفين يعني ايه غير مشبع اصلا؟
يعني فيه رابطة مزدوجة باي بين كربونة وكربونة ((فقط لا غير))، مش بين ذرة كربون وذرة اكسجين مثلا او بين اي حاجة تانية، يعني حمض الاسيتك اللي في المعادلة اللي انت جايبها دي يا احمد اللي حصله دا مش تشبع هو مشبع اصلا، عشان كل روابط ال (كربون-كربون) اللي فيه احادية، وبنفس الطريقة كل المركبات اللي انت قولتها دي (حمض الكربونيك، البنزالدهيد..الخ) دي غير مشبعة بسبب ال 3 روابط المزدوجة (كربون=كربون) اللي في حلقة البنزين فقط، اما المجموعات الوظيفية اللي عليها دي ملهاش علاقة عشان الروابط المزدوجة اللي فيها بين الكربون والاكسجين مش بين الكربون والكربون، فمش هنحسبها، وعلى فكرة هتطلع بعد التشبع زي ماهي بردو (مزدوجة) وروابط الكربون كربون اللي في الحلقة هي بس اللي هتتحول لسيجما..

عشان يحصل تشبع باختصار يعني c=c تتحول إلي c-c (فقط) يعني الاجابة هتكون 3 مولات هيدروجين في كل دول.

وحلقة البنزين يا آلاء دايما فيها 3 روابط باي مفيش حاجة اسمها اتنين في حلقة بنزين (عليكوا).

عشان تعرف المركب المشبع من الغير مشبع بتشوف لو فيه رابطة مزدوجة بين كربون و كربون في السلسلة ولا لا، لو فيه يبقى غير مشبع، لو مفيش يبقى مشبع (مش اي رابطة مزدوجة، خد بالك ياسيد فكري، لازم c=c وبسسسسس).

ماشي ما اختلفناش هتكون بين سي و سي ... شوفت معادلة تحويل اسيتالدهيد للاسيتك شوفت كحول الفاينيل مركب غير ثابت ..دي نفس الفكرة بالظبط

[Mohamed_Hamza]

المشاركة الأصلية كتبت بواسطة ahmedtarea

ماشي ما اختلفناش هتكون بين سي و سي ... شوفت معادلة تحويل اسيتالدهيد للاسيتك شوفت كحول الفاينيل مركب غير ثابت ..دي نفس الفكرة بالظبط

ايه علاقة دا بالتشبع دا حاجة تانية خالص، ماتلخبطش نفسك عد ال c=c وخلاص

[Mohamed_Hamza]

رفيقة الامل،
عارفها الاحاسيس دي آخرها هتدخلي الامتحان تحليه صح كله، فمش تضيعي وقتك فيها عشان دي كلها احاسيس كدابة وشيطان مش اكتر، ثانيا هما يومين تلاتة وهتنسيها وهتذاكري، فانسيها من دلوقتي احسنلك واكسبي اليومين تلاتة دول.
والله لتلاقيها اعبط من امتحان الدرس او امتحان شهر
القلق في الوقت دا طبيعي بردو فحاولي تتعايشي معاه، كله قلقان بس مش كله بيقول، وكويس انك بتقولي والله، الواحد لما يحكي مشكلته بيهدى شوية.

[ahmedtarea]

المشاركة الأصلية كتبت بواسطة mohamed_hamza

ايه علاقة دا بالتشبع دا حاجة تانية خالص، ماتلخبطش نفسك عد ال c=c وخلاص

امتحان تجريبي قديم والله 5 الاستاذ عملها وبين سي و سي فعلا واثبتها بس طويلة واسماء الخطوات مش علينا وقال احفظوها عشان لو ليجت ودا صعب

[Duke Tefa]

المشاركة الأصلية كتبت بواسطة رفيقة الامل

انا بحد حاسة انى ضعت خلاص بضيع وقت اكتر من الاول وبنام اكتر من الاول
ناس غير شغالة حل امتحانات
ساعة بقول هكمل ومش هستسبم ومع اول حاجة ارجع اضايق
اتخنقت وخلاص انا ضعت
نفسى ربنا ياخدنى عشان مكسفش اهلى او اضيع تعبهم احسن
مستهلش تعبهم معايا
مش عارفة انا ذاكرت ولا لا مش عارفة
حاسة ان كل حاجة اتمنيتها بتبعد عنى وبتضيع وانا واقفة اتفرح ومتنحة نفسى نطلع ونصرخ ومبكى باعلى صوت بس صعبان عليا انى اتعب اهلى معايا
انا والله بكتب الكلام ده وحابسه دموعى بالعافيه
مفيش اى حافز
يــــــــــــــــــــــــــــــــــــــــــــــارب رحمـــــــــــــــــــــــــــــــتـــــــــك

بلاش تحبطي نفسك يا أمل
حاولي تحلي امتحانات من دلوقتي انا لما عملت كدا ارتحت نفسياً لاني حل الامتحانات بيديلك حافز
ومش تنسي انك انتي اسمك أمل