تجمع الصف الثاني الثانوي(اسئله واجوبه)

[white jasmine]

المشاركة الأصلية كتبت بواسطة mohamed dokdok

لا هو عامة انتم هنا عاقلين يعني بس بجد معظم البنات دلوقتي بتتكلم في الكورة و تحلل وهم مش فاهمين اي حاجة من كام يوم كانت فيه بنت بتسأل هو ازاي محمد صلاح بيلعب في روما والمنتخب مع بعض هي مش عيب انها تبقى مش عارفة و بتسأل لكن قاعدة عاملة في الاكونت الاهلي وقلوب ورمضان صبحي بناءً على ايه يعني ؟ البنات بتهتم اوي دلوقتي بتحليل اداء اللاعيبة بناءً على ستايل اللاعيبة يعني لا احمد الشيخ عامل شعره انهاردة حلو المفروض يلعب مكان رمضان عشان رمضان دقنه مش حلوة انهاردة
البنات قربت تكرهني في الحاجة الوحيدة اللي بتمتع الواحد بجد

لا والله انا مش مدمنة كورة
بس مبارايات زى الدورى الاوروبى بتفتح النفس يعنى الجماهير والاستاد ولما جول يجى بتحس انك قاعد معاهم فى قلب الاستاد
دى لعبة يا جماعة

[Mohamed Dokdok]

المشاركة الأصلية كتبت بواسطة mahmoud.khalifa

الفعل leave فعل ليس له مفعول ولا يحول من الاصل للمجهول
كله هيلف زي معملنا والاخر الحل هيصدم الجميع.

طب ايه قول طيب

[Norhan Mostafa]

المشاركة الأصلية كتبت بواسطة white jasmine

وانا بكره الاهلى
انا اسماعلاوية يعنى احنا اللى مأسيين الاهلى يا ماما
انتوا حظ وفلوس بس

انتي هتتخانقي معايا ولا ايه
انا ماليش ف الكوره دي لعبه شباب

[Hope Vs Despair]

لا مينفعش نقول المكان يُغادر بواسطة محمد هذا لا يجوز
والحل صادم للجميع

[Mohamed Dokdok]

يا عم متصدمنا يا عم

[white jasmine]

بصوا يا جماعة امتحان 6 ابتدائى 1951 والله بتوع 3 اعدادى ميعرفوا يحلوه

[Hope Vs Despair]

بصم يا جماعة اتصدمم بقا
ship هنا مش اسم هنا بمعنى يحمل شئ على سفينة
و leaves هنا مش فعل هنا بمعنى اوراق شجر فالحل كالاتي:
.Leaves are shipped everyday by the Japanese

[Norhan Mostafa]

المشاركة الأصلية كتبت بواسطة Mahmoud.Khalifa

ثانيا انا مش هسمح بأي اهانة للاهلي من اي شخص كان
اللهم بلغت اللهم فاشهد.

ايوه كده تماام

[white jasmine]

المشاركة الأصلية كتبت بواسطة mahmoud.khalifa

لا مينفعش نقول المكان يُغادر بواسطة محمد هذا لا يجوز
والحل صادم للجميع

يا اخ محمود لما تهوى أن تصدمنا ؟
ولى حق عند أين مسألة الفيزياء التى سبق و وعدتنى بإنزالها ؟

[white jasmine]

المشاركة الأصلية كتبت بواسطة mahmoud.khalifa

بصم يا جماعة اتصدمم بقا
ship هنا مش اسم هنا بمعنى يحمل شئ على سفينة
و leaves هنا مش فعل هنا بمعنى اوراق شجر فالحل كالاتي:
.leaves are shipped everyday by the japanese

انا مصدومة صدمة مرتضى منصور لما الاهلى غلب الزمالك

[Norhan Mostafa]

المشاركة الأصلية كتبت بواسطة mahmoud.khalifa

طيب بدام قاهرة ومبيهمناش
اولا النادي هو اللي بيعمل الفلوس مش الفلوس اللي بتجيله ☺.
ثانيا كرة القدم لا تخضع للحظ وانما تخضع للاجتهاد والافضل في الملعب اما الحظ فاعتقد انه قد خانك التعبير اكيد حضرتك تقصدي التوفيق.
ثالثا بطلوا حقد شوية النادي ده هو اللي بيطلع عمالقة مصر اما هييجي واحد يقولي معظم لاعيبتكم من الاسماعيلي هرد عليه واقوله محدش قالهم ييجم وكمان هم في انديتهم ملمعوش وبييجم الاهلي بيصبحم نجوم.
رابعا ايه اللي دخل جول رمضان في نيجريا بالاهلي ده ان دل على شئ فبيدل على مدى الحقد المدفون لدرجة اني بدام مقول جول مصر في نيجريا خصصت وقلت جول رمضان هو رمضان ده منين من اسرائيل!!!!
خامسا رمضان اللي مش عاجبكم ده عنده 18 سنة وحاليا بشهادة جميع المحللين الزملكاويين والاهلاويين هو نجم مصر الاول فجاه كده بقينا بنفهم احسن منهم.
سادسا بدام حضرتك بقا اسمعلاوية طيب بالتوفيق السنادي وتجيبم دوري وكاس وسوبر 😁 .
ثامنا انا زهقت من الكتابة كفاية كده .

كفايه كلام كوره يا خلق

[Mohamed Dokdok]

ده 1905 مش 1950 بس فظيع بصراحة

[white jasmine]

المشاركة الأصلية كتبت بواسطة mohamed dokdok

ده 1905 مش 1950 بس فظيع بصراحة

اة والله ايام مكان التعليم المصرى معترف بيه
مش رقم 149 ع العالم

[Mohamed Dokdok]

بس بحس ان منهج الرياضة بتاعنا مش عقيم زي باقي المواد بصراحة كويس يعني وفيه تفكير وعقل

[Norhan Mostafa]

المشاركة الأصلية كتبت بواسطة mohamed dokdok

بس بحس ان منهج الرياضة بتاعنا مش عقيم زي باقي المواد بصراحة كويس يعني وفيه تفكير وعقل

بصراحه الرياضه تحفه جدا