اولمبياد 2016

[الاولى ان شاء الله]

السلام عليكم
هل فى هذا العام 2016 اولمبياد فى الامتحانات مثل امتحان 2008 فى الفيزياء
انا سمعت انها بتكون كل 4 سنين بتكون المواد العلميه و الرياضيات اسئلتها تخاطب فقط المستويات العليا فى التفكير
ولو كان فى ... هنكون عارفين خلال السنه ولا هنتفاجى فى الامتحانات
المستر فى الدرس بيدربنا على اسئله تعجيزيه ...ومش بجيب درجات رغم اجتهادى فى المذاكره وتفوقى فى السنوات الماضيه
ارجو الرد على اسئلتى..لانى فى حاله من الخوف والتوتر

[Bahaa Said]

شكرا جزيلا

[*تائبة فى رحاب الله*]

بصى يا جميل ، بما انك كتبت الموضوع هنا يبقى انت عندك هدف ، انك تدخلى الكلية وان شاء الله السنة الجاية نرحب بكى هنا ثقى فى الله )
حكاية الالومبياد سنة 2012 مكنش فى ولا حاجة وكان امتحاناتهم سهلة جدا والتنسيق كان مرتفع جدا اللى جاب 99 ملحقش طب ،،
وسنة 2008 كانت سنة فلتة كدة وبردة فى ناس حلت وقفلت الفيزياء وباقى المواد
ولو الاوليمبياد جت السنة دى اللى هيمشي عليكى هيمشي على غيرك
فانتِ ركزى فى مذاكرتك واعملى اللى عليكى وخلااص ده المطلوب منك
انما تفكرى هتيجى ولا لا ، انت كدة بتضيعى وقت وبتشتتى نفسك " ولعل ما تخشاه ليس بكائن !
* انما كون المدرس بيعطيكم أسئلة تعجيزية :
- لو المدرس كله طريقة شرحه كدة وكل الاسئلة بيرعبكم منها وركزوا الامتحان هييجى نيلة والخ
سيبى المدرس ده اريح لكى يا بنتى وافضل
- لو هو بيعطى مثلا مسألة او اتنين فى كل فصل صعبة وبيتدرج فى الاسئلة ، وبيركز ع الاسئلة الصعبة فهو ده المطلوب ،
* القصد انه مش يعيشكم جو رعب وضغط ولا بردة يبين لكم ان الدنيا سهلة ويرخى معاكم ، الوسط حلو
- امتحان الفيزيا 80% نظرى و 20% مسائل ، الموضوع مش صعب ولا خيالى !

* موضوع انك متجيبيش درجات او متعرفيش تحلى مسائل احنا لسة شهر 8 مخلصش اصلا !!
لحقتى تقيمى نفسك ! ، يا اختى الحبيبة انا فضلت لحد شهر 12 مبعرفش احل ولا مسألة مقاومات ، وكنت زيك دايما الاولى وترتيب وبلا بلا
وطلبة تانيين - مع احترامى لهم طبعا ربنا يوفقهم - كانوا بيجيبوا ترتيب اقل وماشاء الله مكنش فيه مسألة مبيحلوهاش
لدرجة انى وصلت انا تقريبا الوحيدة فى المجموعة اللى كنت بقعد اشغبط - حرفيا والله - فى الكشكول وقت المسائل لان مكنتش عارفة ايه ده اصلا !!
* انا كنت ثانوية 2014 وكان اول سنة نظام جديد فالمدرس مقالش لنا الكلام ده الا فى الاخر خالص وقال ركزوا واجتهدوا احتمال الامتحان ييجى صعب بس ربنا مبيضيعش تعب حد !
* الحمد لله النتيجة النهائية : بفضل الله انا الوحيدة اللى قفلت الفيزيا فى المدرسة واغلب الممتازين كانوا ناقصين نص درجة رغم ان هم حلوا الخمس اسئلة تمام ؟
* الشاهد فى الموضوع ان لسة بدرى اوووى اما تقيمى نفسك ممكن تبدأى تشوفى حصيلتك هناك فى شهر 2 او 3 !
* اعملى اللى عليكى " إنّا لا نُضِيعُ أجْرَ من أَحْسن عملا "
* دورى على فيديوهات مستر محمد عبد المعبود ونزلى المنهج واسمعيهم هتسهل لكى الفيزيا جدا واتخن مسألة هتحليها d:
* هاتى كذا كتاب وحلى :امتحان ، ماسي ، وسام " ميفضلش الوسام دلوقتى خليه فى شهر 12 او 11 "
* هتلاقى المدرسين هنا رافعين مذكرات نزليها ، انا كنت منزلاهم الوقت ده وطبعتهم وحليت أسئلة من كل اتجاه

---
اه صحيح لو كان فيه فى الغالب هيعرفوكم )
ربنا يوفقك


* لا حول ولا قوة الا بالله يا نهار أبيض
انت خلصتى ثانوية السنة دى ، عملتى ايه بقى
ماخدتش بالى من السنين
مش همسح التعليق D:
يارب تكونى حققتى حلمك

[*تائبة فى رحاب الله*]

http://thanwya.com/vb/showthread.php?t=521031
دى فيديوهات مستر محمد عبد المعبود كاملة ومرتبة وجودة عالية نزلى الجزء التانى منها واسمعيهم
وخلى معاكى ورقة وقلم واكتبى المسائل وراه والملاحظات ، هتلاحظى تحسن شديد
* للأسف الموقع اللى كنت منزله منه المذكرات اتقفل كان اسمه " روضة العلوم الطبيعية "
فدورى هنا بقى فى المنتدى كنت منزلة كيميا وانجليزى من هنا وكانت حاجات جميلة جدا ربنا يجزى المدرسين عنا كل خير وأكيد الفيزيا زيهم بإذن الله ،، والمذكرات لو كانت معايا كنت رفعتهالك
يعنى استغلى الفترة دى لحد العيد سلى نفسك دورى وظبطى نفسك مذكرات وفيديوهات وكدة وابدأى المعمعة بقى بعد العيد إن شاء الله D: D: