لماذا يتباهى الشباب بتعدد العلاقات العاطفيه

[أحمد بلما]

البركة في الضياع اللي عايشين فيه من أفلام ومسلسلات تافهة لاتتناول سوى العلاقات القذرة الآثمة بين الرجل و المرأة تحت مسمي (الحب) وهو في الحقيقة ضياع و فشل لايرضي الله به ولكن الطريقة المعسولة اللي بتتقدم بيها العلاقات دي بتصور لينا كشباب ان ده الصح وبالتالي نتعود علي كده بسهولة وتبقي كلمة بحبك من الولد للبنت أو العكس عاملة زي(اللبانة) . ماتفارقش فم المتكلم بيها وحسبنا الله ونعم الوكيل

[basmala]

المشاركة الأصلية كتبت بواسطة باسم باشا

بتهيقلي انك عايشه في مدينه نصر او الزمالك كلامك غريب

لا ولا مدينه نصر ولا الزمالك ...بس الولاد كلها زى بعضها....كلكوا زى بعض ...ماعدا نسبه ضئيله جدا جدا

ولو لقيتوا حد مش زيكوا بتعتبروه معقد

[vampire1188]

المشاركة الأصلية كتبت بواسطة basmala

لا ولا مدينه نصر ولا الزمالك ...بس الولاد كلها زى بعضها....كلكوا زى بعض ...ماعدا نسبه ضئيله جدا جدا

ولو لقيتوا حد مش زيكوا بتعتبروه معقد

انتي على فكرة .. ردك دا غريب جدااااااااا .. شكلك كدا اتلسعتي من حد !!

وطبيعي اي ولد بيتلسع من بنت او العكس .. لازم يعمم النظرية ويقول ان الجنس المناظر كله زي بعضه !!

وانا واحد من الناس قولت كدا !! .. لكن بعد كدا اكتشفت ان الحياة اصناف والوان ..

وزي ماربنا قال ( و خلقناكم شعوباً وقبائل لتعارفوا ) .. شعوبا هنا مش بمعني الشعب المصري والشعب السوري والشعب المريخي !! .. شعوب هنا بمعني طائفة معينة من الناس ليهم اتجاه معين ومصالح مشتركة ورابطة معينة ..


اما عن تسقيط البناطيل .. فانا اساسا بستحقر اللي بيلبس النوع دا من البناطيل .. زيه زي اللي بيبلبس حظاظات وسلاسل !!

وبعدين طالما انتي قولتي كدا هاتيلي بقي بنت فيكوا مابتحطش ميكب !!

والكلام دا طبعا لو انتي في جامعة .. فن بتوع ثانوي ماعتقدش انهم بيعلموها !

في امكاني اني اعمم حكاية ان كل البنات بتحط ميكب .. وفي امكاني اني اعمم اني كل البنات بتحاول تبرز نفسها بلبسها .. وفي امكاني اعمم واقول ان البنات دماغهم طقت !!

لكن بالعكس .. مانعممش الصغيرة على الكبيرة .. ولا الكبيرة على الصغيرة !!

اما بالنسبة للموضوع الاساسي بقي .. اعتقد انه يتعلق بنفسية الشاب تجاه اللي بيشوفه وبيسمعه

واحد يبقي قاعد يتفرج على الستالايت.. يتلاقي كليب ظاهرله .. يقوم دايس على زرار التحوزيل بتاع الراديو يلاقي انا والنجوم وهواك على نجوم FM .. يطفي التليفزيون خالص .. يطلع يشم هوا في البلكونه يلاقي بنت الجيران في وشهم .. ييجي يفرج عن نفسه على الكمبيوتر ويقلب في المواقع يلاقي بنات بيكيني !!

يقفل الجهاز خاااااااالص .. يخش اوضتهم يلاقي اخوه بيكلم خطيبته في الموبايل للساعة 4 الفجر !! ..

يبقي بذمتكوا عايزينه يبقي ايه ؟!!.. مايفكرش يعني ايه حب .. ولا ان شا الله حتى يعرف بنت على الاقل !!

انا مش بحللها للشباب عشان ماحدش يفهمني غلط .. لكن هوا دا الواقع ..

اما تخشوا الجامعة هاتتفرجوا وهاتعرفوا وهاتشوفوا .. وهاتقولوا عندك حقك !!

[باسم باشا]

المشاركة الأصلية كتبت بواسطة basmala

لا ولا مدينه نصر ولا الزمالك ...بس الولاد كلها زى بعضها....كلكوا زى بعض ...ماعدا نسبه ضئيله جدا جدا

ولو لقيتوا حد مش زيكوا بتعتبروه معقد

لا طبعا احنا دلوقتي مش في السبعسنات ولا الستينات عشان تلاقي كل البنات بشعرها والكل الولاد بيمشو مع بنات انا مفيش حد من صحابي بيمشي مع بنات الا 4 الو 5 ال قليلين يعني


اكيد اغلب الي انت تعرفيهم من البنات بيمشو مع ولاد عشان كدا انت فكره ان كل الولاد بيمشو مع بنات


وتلاقي اغلب الي انت تعرفيهم دول متوزعين على 3 الو 4 ولاد