موضوع للنقاش لمدرسى الانجليزى فقط

[صوت الحق]

اقتراح للمناقشه
نظرا لزيادة عدد المدرسين بهذا القسم وهذا شيء جميل جدا ولهذا سوف يكون هذا القسم أول قسم تجرى بيه الانتخابات ويكون قدوه لباقى الأقسام ويضرب بيه المثل فى كل شيئ.
لماذا يتم تعيين المشرفين؟
لابد من اجراء انتخابات للمشرفين علي كل قسم............... و يتم الاختيار عن طريق الكل ...............لماذا لا يتم احتساب نقاط لكل مدرس علي اساس المشاركات الفعليه و ليس الردود؟
ان تقدم المنتدي الي الأمام لابد من دعمه و بذل الجهد من اجل ذلك

علينا فتح باب الترشيح و يتقدم من يري في نفسه القدره علي الاشراف و بتحيد برنامج يلتزم بتنفيذه .............و اذا اخفق في تنفيذه يسحب منه الاشراف و يتولاة من يستحق.........................
أرجو تحديد المرحلة التى يريد المرشح لها الإعدادية أم الثانوية وسوف يظل هذا الموضوع لمدة أسبوع للتقدم للترشيح وتقديم البرنامج الخاص بيه

[Mr Hamza]

يشرفني أن اتقدم للترشيح للقسم الثانوي
الاسم: مستر حمزة
الاعمال المميزة: 1- منهج الصف الاول الثانوي الجديد كامل مع القصص القصيرة.
2- المشاركه في الغرف الصوتيه للمرحله الأولي و الثانيه.
3- المشاركه بالدروس في الغرفه الصوتيه للمرحله الاعداديه.
4- المشاركه بالكثير من الدروس في المنتديات التعليميه بجميع مراحلها.
5- المشاركه في قسم البرامج بأكثر من موضوع مع وضع الشروحات علي هذه المواضيع


البرنامج
1- انشاء قسم جديد لسجلات المدرس الأول و كل ما يهم المدرس الاول في هذه الناحيه
2- انشاء قسم لتحضير المناهج الدراسيه لكل الصفوف و كل المراحل
3- انشاء قسم للورش التعليميه و تزويده بكل ما يلزم من ملفات ورد و باور بوينت بهدف اعداد ماده للمدرسين يستخدمونها في اداراتهم التعليميه
4- المتابعه اليوميه و الدقيقه لكل الموضوعات في القسم و اعطاء كل ذي حق حقه
5- انشاء قسم ل sheets التعليميه و التي تستخدم في داخل الفصل

[مستر طارق فؤاد]

شيئ رائع يا أستاذ عصام .. و انا أول المؤيدين لمستر حمزة لجهده المعروف

[Mr Hamza]

انتخابات لاشراف علي قسم اللغه الانجليزيه.................. ادخل بسرعه و رشح نفسك

[استاذ بدوى الدجوى]

مبروك يا استاذ حمزة ......... الاستاذ طارق يؤيدك بنفسه

مبروك على الاشراف مقدما

وحتى تأخذ الانتخابات شكلا و لا تكن وحدك سأرشح نفسى حتى تجد من تفوز عليه

البرنامج

طبعا سينصب اهتمامى الاول على الطلاب
1- عمل مراجعات اسبوعية فى الغرفة الصوتية
2- تقسيم المدرسين الى فرق وتوزيع المهام عليهم
3- عمل صفحة لكل مجموعة للرد على اسئلة الطلاب
على ان يلتزم كل مدرس بمجموعته
4- مراجعة اعمال المدرسين والتى هى واجهة للبوابة
( كل الاعمال مشكورة على الرغم من ان الكثير منها ردئ )
5- العمل على حفظ حقوق الملكية الفكرية
6- العمل على استعادة روح الحب والتعاون والتى كانت سائدة
وضاعت بسبب من له مصلحة فى ذلك
7- التعامل بشدة مع كل من لا يتبع قوانين حجرة اللغة الانجليزية
وعدم ترك كل من تسول له نفسه بعمل ما يروق له خاصة الاعضاء الجدد
8- عمل مكتبات ثابتة خاصة بـ ( كتب القواعد - الادب الانجليزى - ...... الخ )
9- سحب صفة مدرس من المدرسين الذين يستغلون المنتدى فقط دون الافادة
10- بقية البنود ستكون للسادة المدرسين الافاضل واقتراحاتهم الدورية والتى ستكون
بانتظام وانا والحمد لله اعرف كيف اجعلها منظمة
واعرف كيف اجعل من حولى يحبون عملهم

اما بالنسبة للاعمال التى ستكون بمثابة نقاط للمرشح
ما علاقة هذا بذاك ؟
فانا ضد ذلك فلا توجد اعمال على المنتدى فى الوقت الحالى
وارى ان اقل الاعمال على المنتدى للمشرفين انفسهم ( بعضهم )
فسيكون هناك تناقض

يوجد فرق كبير بين مدرس مجتهد وادارى ناجح
والبوابة ليست مضطرة الى التسول لاعمال المدرسين
فلديها ما يكفيها من المدرسين
هذا لا يتم فهمه على اننى لن انزل باعمال فهذا ليس بالكلام ولى سمعتى فى ذلك

والله الموفق

[استاذ بدوى الدجوى]

ان شاء الله المرحلة الثانوية

[مستر محمد صلاح]

يا نهار أبيض .....إيه اللى عملتوا ده يا بدوى .....ضيعت مستقبلك ووقفت قدام حمزة ....أنا مستغرب والله على اللى بيحصل .......بس أنا هديك صوتى يا عم بدوى علشان أبقى أنا الوحيد اللى إديتك صوتى علشان أحافظ على منظرك فى المنتدى وماتزعلش يا مستر حمزة

[Sir/Mahmoud]

المشاركة الأصلية كتبت بواسطة استاذ بدوى الدجوى

مبروك يا استاذ حمزة ......... الاستاذ طارق يؤيدك بنفسه

مبروك على الاشراف مقدما

وحتى تأخذ الانتخابات شكلا و لا تكن وحدك سأرشح نفسى حتى تجد من تفوز عليه

البرنامج

طبعا سينصب اهتمامى الاول على الطلاب
1- عمل مراجعات اسبوعية فى الغرفة الصوتية
2- تقسيم المدرسين الى فرق وتوزيع المهام عليهم
3- عمل صفحة لكل مجموعة للرد على اسئلة الطلاب
على ان يلتزم كل مدرس بمجموعته
4- مراجعة اعمال المدرسين والتى هى واجهة للبوابة
( كل الاعمال مشكورة على الرغم من ان الكثير منها ردئ )
5- العمل على حفظ حقوق الملكية الفكرية
6- العمل على استعادة روح الحب والتعاون والتى كانت سائدة
وضاعت بسبب من له مصلحة فى ذلك
7- التعامل بشدة مع كل من لا يتبع قوانين حجرة اللغة الانجليزية
وعدم ترك كل من تسول له نفسه بعمل ما يروق له خاصة الاعضاء الجدد
8- عمل مكتبات ثابتة خاصة بـ ( كتب القواعد - الادب الانجليزى - ...... الخ )
9- سحب صفة مدرس من المدرسين الذين يستغلون المنتدى فقط دون الافادة
10- بقية البنود ستكون للسادة المدرسين الافاضل واقتراحاتهم الدورية والتى ستكون
بانتظام وانا والحمد لله اعرف كيف اجعلها منظمة
واعرف كيف اجعل من حولى يحبون عملهم

اما بالنسبة للاعمال التى ستكون بمثابة نقاط للمرشح
ما علاقة هذا بذاك ؟
فانا ضد ذلك فلا توجد اعمال على المنتدى فى الوقت الحالى
وارى ان اقل الاعمال على المنتدى للمشرفين انفسهم ( بعضهم )
فسيكون هناك تناقض

يوجد فرق كبير بين مدرس مجتهد وادارى ناجح
والبوابة ليست مضطرة الى التسول لاعمال المدرسين
فلديها ما يكفيها من المدرسين
هذا لا يتم فهمه على اننى لن انزل باعمال فهذا ليس بالكلام ولى سمعتى فى ذلك

والله الموفق

عاجبني اوي البرنامج ده استاذ بدوي
انا برشح حضرتك للاشراف
واتمني انك تسير علي البرنامج ده خطوه خطوه
انا عارف انك ادها
الي الامام دائما يا بطل

[galal_3000]

شكرا استاذ عصام على الفكره القائمه واخاف نكون فى انتخابات مثيله لمجلس الشعب مع احترامى لجميع اعضاؤه وان شاء الله هاكون مشارك كفرد له الحق فى الانتخاب وليس الاشراف لقله دخولى على النت فى الفتره الاخيره التى قد تطول الى عده اشهر ولكن اريد ان يعلم زملائى واخوانى اننى معهم قلبا وقالبا وسوف اجل اعطاء صوتى حتى يكتمل كل المتقدمين وبتحدد الشكل النهائى لبرنامج كل متقدم وشكرا على السماح لى بالمشاركه

[مستر محمد الشاذلي]

السلام عليكم ورحمة الله و بركاته
اولا:- احب اوجه شكر و تقدير الي صوت الحق الذي اتاح الفرصه لعمل انتخابات حره شريفه علي المشرف و انا سعيد ان ده كان اقتراحي و الحمد لله بيتعمل بيه رغم انوا مكنش كده بالظبط لاني كان نفسي يكون التصويت علي المشرفين القدامي و انا هنا يا صوت الحق عاوز اعرف حاجه هل لو حصل تقصير من المشرفين الجدد هما بس اللي هيتسحب منهم الاشراف و لا ايه منا لازم افهم و عشان كده المفروض الانتخابات دي تكون علي جديد و قديم و كل واحد يورينا شغله.
ثانيا:- الاستاذ حمزه :- اشهدك اني احبك في الله و اني هكون سعيد لو نجحت و لكن عاوز اوضح نقط او اسئل سؤال:-
هو المنتدي ده معمول للطالب و لا للمدرسين في المقام الاول؟
اكيد معمول للطالب:- طيب انا شايف ان برنامجك كلوا للمدرس طب و بعدين انا عاوز اعرف عتعمل ايه للطالب الغلبان.
ثالثا:- انا بايد مستر بدوي في كل اللي قاله و البرنامج بتاعوا برنامج جامد جدا و في مصلحة الطالب ثم المدرس
و عشان كده انا بقةل ( بدواي بدواي .......... اوو اوو ) و انا طبعا هديك صوتي يا بدوي و ده لسبب واد اهم من برنامجك الحلو جدا و السبب هو اني شايف انك قدها و قدود و هتقدر تعمل كده و خلي بالك انا هبقي ليك بالمرصاد لما تنجح و تبقي المشرف انشاء الله يعني لو منفزتش الكلام ده هيبقي فيه تصرف تاني و انت عارفني.
و في النهايه احب اقول (تنتخبوا مين بدوي , و حبيبكم مين بدوي)

[Mr_HalEeM]

بسم الله الرحمن الرحيم
انا اول مرة ااخد بالى من الموضوع ده رغم دخولى يوميا الظاهر الواحد نظرة ضعف شوية
المهم انا مستغرب من قلة ردود المدرسين لازم نشارك باعطاء اصواتنا
انا من اول ما دخلت المنتدى وانا شايف ان مستر بدوي فيه سمات الاشراف ودايما باقول انه مع مستر طارق بيعملوا دويتو جميل اوى
وده ميمنعش ان مستر حمزة برضه شغله عشرة على عشرة
بس اما ارشح مستر بدوي للاشراف

[دكتور محمود فتحي]

بعيدا عن اى تحيز او مشاعر شخصية ارى ان برنامج مستر بدوي الدجوي برنامج متكامل ويحمل وجهة نظر وهدف رائع كذلك فانه يغطى نقاط عديدة وسلبيات موجودة بالفعل يعنى بصدق الراجل وضع صورة شبه متكاملة رغم انى عارف ان لسه عنده وفى مخزونه المزيد من نقاط الابداع الادارية اللى اطلعنى عليها شخصيا واللى باعتبرها ستحدث تغيير جذرى ومثمر فى المنتدى . بجد يا جماعة الراجل دة بيحب المنتدى دة اوى وشغله الشاغل هو رفعة المنتدى دة ووضعه فى ابهى صوره امام الجميع . الانسان اللى بيحب المنتدى بالطريقة دى بالفعل انا افضله عن نفسي كمان واديه صوتى وارشحه ان شاء للاشراف على معشوقته الثانية وحبيبة قلبه بوابة الثانوية العامة. وياريت لا يحدث اى غضب لان اختياري ليس فيه اى تحيز ولكن فيه الصالح العام . بارك الله فيك يا ابو ملك ووفقك ان شاء الله لتحقيق جميع اهدافك القيمة والتى ان شاء الله سيكون لها بصمة واضحة .

[Essam Wahba]

مع تقديري و احترامي للجميع بهذا المنتدي العظيم
وشهادة للحق فانني تعلمت من الجميع
ولكنني أرشح الأستاذ بدوي لأنني أعتقد أن برنامجه في حال تنفيذه سوف يعود بالنفع الجزيل علي هذا المنتدي الرائع
وتحياتي و تقديري للجميع مرة أخري

[مستر زكريا أحمد]

اولا كل سنه وانتوا طيبين وانا ارشح استاذ حمزة لانه بحق من انشط المدرسين ولانه بصراحه رغم الاشراف لم تنقطع مشاركته بالماده العلمية مثا بعض المشرفين الاخرين ( مع احترامي للجميع ) كما ان برنامج مستر حمزة فعلا هداف وواقعي يعني سهل تنفيذه واعتقد هيكون مثمر جدا ( رنا معاك يا مستر حمزة )

[مستر محمد الشاذلي]

ههههههههههههههههههههههههههههه
انت رايح فين يا مستر ذكريا دا الموضوع ده خلص من زمان و مستر حمزه و مستر بدوي اصبحوا مشرفين بالفعل و عقبالك يا باشا