ساعدونى

[amal alamir]

انا مش عارفه اعمل ايه مش مخلصه اى ماده وحاسه انى بضيع بجد ربنا يستر صعب جدا اتحمل نتيجه اللى انا بعمله دا مش متوقعه اللى بيحصلى دا خالص بجد انا كنت بذاكرفى 1 2 ثانوى اكتر من كدا بكتير

[حسام ادم]

ربنا معاكي وربنا يعديها علي خير

[منعم عصام]

انتى مش عارفة اى حاجه خالص

[Henry2009]

في ناس كتييييير زيك ، بس اهم حاجة يكون عندك ارادة حضرتك يعني تقسمي وقت مذاكر وتنامي 5 ساعات بس في اليوم احضري مراجعات اعادة الشرح المكثفة بتاعت المدرسين وذاكري معاهم اول بأول حلي امتحانات ثانوية عامة سابقة و اكيد حتواجهك حاجات متعريفهاش ، انقليها من المذكرة بتركيز عادي مفيش مشكلة اهم حاجة هدوء الاعصاب في الوقت ده وكله علي الله

[amal alamir]

دائماً يخطر ببالى متى ساحقق احلامى
متى سانجح فى حياتى
اود دائما ان اكون متفوقه
ارى من حولى الناجحين وهم سعداء
لا يهمنى ما انا عليه الان
ولكن ماذا بعد
هل ساحقق احلامى ام لا
لا استطيع مجرد التفكير فى الفشل
يزعجنى كثيراً
ان يضيع الوقت منى
لكن
ماذا سافعل ؟
هل ساستسلم
ام ساحاول من جديد
ما اصعب ان ترى حلمك ولا تستطيع مصافحته
لانه لم يصبح لك
فقط انت لم تسعى لتحقيقه
لم تضحى باى شئ لتحصل عليه
الندم اكثر شئ مؤلم فى حياتنا
اندم كثيرا ولكن ماذا بعد؟
لن استسلم لاى صعوبه تواجهنى فى طريقى
انا طالبه ثانويه عامله
حلمى ان اسعد والدى فقط
هم تعبوا كثيراً من اجلى
هم يستحقوا ان اجعلهم فخورين بى
ساحاول من جديد
لن ايأس ابدا
فانا اعبد رباً من اسمائه الوهاب [بسم الله الرحمن الرحيم ]
{يابنى انها ان تكُ مثقال حبة من خردل فتكن فى صخرة او فى السماوات او فى الارض يات بها الله ان الله لطيف خبير}

[Omar Mohamed2015]

انا واحد م الناس في ثانويه عامه تحديدا ادبي ناس كتير بتحبطني و خصوصا كلام الناس اللي في علمي واللي شايفين ان ادبي سهله وممكن تتلم في شهر واحد قبل الامتحانات و ده شئ بيخليني بقصر في مذاكرتي مع اني في العادي ممكن اذاكر اكتر من بتوع علمي بكتير
بس كل ما بكسل شويه عن المذاكره سواء بالنوم ( ده اكبر مشكله ) او النت بحط قدامي مستقبلي و احلامي اللي بحاول اوصلها و ده كفيل انه يخليني اقوم اذاكر و اسهر و احط كل وقتي في المذاكره علشان ربنا مش هيضيع مجهود حد و ده اللي بيطمني
انت كمان حطي مستقبلك و اهدافك قدامك و ماتخليش حاجة تتحكم فيكي لان ده مش وقته مابقاش فاضل كتير بعدين استريحي واعملي اللي انت عايزاه بعد الثانويه
ذاكري كتير بلاش تمسكي ماده واحده طول اليوم لان ده هيخليكي تزهقي ومش تستوعبي اي حاجة كثفي المذاكره في العربي و الانجلش و مواد الشعبه بتاعتك خليها حاجة تطلعي بيها من خنقه العربي والانجليزي و تابعي مع المدرسين بتوعك و حلي كتير حتي لو هتشووفي الاجابه من الملزمه او الكتاب لان لما السؤال هيتكرر مره تانيه مش هتحتاجي تفتحي الكتاب علشان تشوفيه تاني و هتحفظيه و هكذا و حافظي ع صلاتك و ربنا هيوفقك و ( ان الله لايضيع اجر من احسن عملا )

[amal alamir]

المشاركة الأصلية كتبت بواسطة omar mohamed2015

انا واحد م الناس في ثانويه عامه تحديدا ادبي ناس كتير بتحبطني و خصوصا كلام الناس اللي في علمي واللي شايفين ان ادبي سهله وممكن تتلم في شهر واحد قبل الامتحانات و ده شئ بيخليني بقصر في مذاكرتي مع اني في العادي ممكن اذاكر اكتر من بتوع علمي بكتير
بس كل ما بكسل شويه عن المذاكره سواء بالنوم ( ده اكبر مشكله ) او النت بحط قدامي مستقبلي و احلامي اللي بحاول اوصلها و ده كفيل انه يخليني اقوم اذاكر و اسهر و احط كل وقتي في المذاكره علشان ربنا مش هيضيع مجهود حد و ده اللي بيطمني
انت كمان حطي مستقبلك و اهدافك قدامك و ماتخليش حاجة تتحكم فيكي لان ده مش وقته مابقاش فاضل كتير بعدين استريحي واعملي اللي انت عايزاه بعد الثانويه
ذاكري كتير بلاش تمسكي ماده واحده طول اليوم لان ده هيخليكي تزهقي ومش تستوعبي اي حاجة كثفي المذاكره في العربي و الانجلش و مواد الشعبه بتاعتك خليها حاجة تطلعي بيها من خنقه العربي والانجليزي و تابعي مع المدرسين بتوعك و حلي كتير حتي لو هتشووفي الاجابه من الملزمه او الكتاب لان لما السؤال هيتكرر مره تانيه مش هتحتاجي تفتحي الكتاب علشان تشوفيه تاني و هتحفظيه و هكذا و حافظي ع صلاتك و ربنا هيوفقك و ( ان الله لايضيع اجر من احسن عملا )

شكراً
لا يوجد شئ سهل ولا شئ صعب فى هذه الحياه
الثقه فى الله وحسن الظن به سبحانه و العمل والاجتهاد والالتزام يحقق اى حلم حتى اذا كان صعب ولكن لا شئ مستحيل
ربنا يحقق احلامنا كلنا