كل الاستفسارت بخصوص كلية السياحة و الفنادق جامعة حلوان

[محمد طارق 1]

السلام عليكم

اي استفسار بخصوص كلية السياحة جامعة حلوان هيتم الاجابة عليه هنا ف اسرع وقت ان شاء الله .. الانترفيو هيبدا غدا يوم 7/7 و التقديم

في انتظار استفسارتكم

[yasmin ashraf]

طيب انا دلوقتى حرفى فى الاخر يوم 17 و عايزة اعرف هى الاختبارات دى عباره عن ايه و كليه السياحه و الفنادق بتاخد من كام و هل اليوم الى هيختبرونى فيه الى هو يوم 17 هو ده الى هسحب منو الاستماره بتاعت الاختبار و لا ده فى يوم و ده فى يوم

[محمد طارق 1]

المشاركة الأصلية كتبت بواسطة yasmin ashraf

طيب انا دلوقتى حرفى فى الاخر يوم 17 و عايزة اعرف هى الاختبارات دى عباره عن ايه و كليه السياحه و الفنادق بتاخد من كام و هل اليوم الى هيختبرونى فيه الى هو يوم 17 هو ده الى هسحب منو الاستماره بتاعت الاختبار و لا ده فى يوم و ده فى يوم

انتي ممكن تروحي اي يوم مش لازم تروحي ف الحرف بتاعك علي فكرة
بس روحي ف اليوم اللي متحددلك الحرف بتاعك مفيش مشاكل

الانترفيو بيبقي لو انتي قسم انجلش هيبقي بالانجلش دكاترة من الكلية هيسالوكي اسئلة و معلومات عامة و عرف نفسك و ليه دخلت الكلية و عملات و عواصم و محافظات مصرية و تاريخية

لو فسم عربي نفس الاسئلة بس بالعربي و كمان لازم مظهرك يبقي حلو و لغتك حلوة لان عليهم درجات كتير تقريبا 70 درجة من الانترفيو

الكلية المفروض مجموعها ما بين 89 و 91 بس عشان دلوقتي محدش بيقدم فيها ف بقي بياخدوا كل اللي بيقدموا لان مفيش عدد

سحب الاستمارة ده من جامعة القاهرة و يوم ما بتروحي الكلية بيبقي فيه طلبات تاني لسة نازلة النهردة علي صفحة الكلية
150 جنيه و صورة شخصية و صورة البطاقة و صورتين من رقم الجلوس و الورق اللي جبتيه من جامعة القاهرة

[yasmin ashraf]

طيب لو انا نجحت فى الاختبارات دى و النتيجه طلعت و مجبتش مجموع الكليه يبقا كده مش هخشها و لا ايه

[محمد طارق 1]

المشاركة الأصلية كتبت بواسطة yasmin ashraf

طيب لو انا نجحت فى الاختبارات دى و النتيجه طلعت و مجبتش مجموع الكليه يبقا كده مش هخشها و لا ايه

لا مش هتدخلي بس ان شاء الله مجموعك يجيبها لان مجموعها قل الفترة دي

[yasmin ashraf]

يارب اخشها

[محمد سليمان موسى]

انا عايز اسال حضرتك عن كليه سياحة وفنادق تعليم تبادلى

1- بالنسبه للكليه بتعلم اية فى المطاعم والشغل بتاعها متعب ولا سهل ولا اية
2- بعد لم اخلاص هشتغل اية والكليه بتوفر شغل للطلاب بعد التخرج ولا لا
3- ميعاد الانترفيو امته وهو عباره عن اية يعنى بتسال فيه اية وايه اهم حاجة فيه وكدة
4- بتشتغل كام يوم فى الاسبوع وكام ساعة
5- مجموع الكلية هيبقى فى حدود كام كدة
6- انت بالنسبه ليك الكليه ديه حلوة ولا واحشة

[ايمان الهادى]

بالنسبة للتعليم التبادلى فهو نوع من انواع التعليم المفتوح وذلك بالتعاون بين مجموعة امريكانا وكلية السياحة والفنادق جامعة حلوان ولا يشترط المجموع وفيها انت تدرس برنامج ادارةو تشغيل المطاعم وتعمل فى نفس الوقت الدراسة يوم واحد فى الاسبوع وده يوم اجازتك من العمل انت بتشتغل عادى وتحضر محاضراتك كلها فى يوم واحد والدراسة سهلة جدا وانت بتذاكر كتب لا يزيد الواحد منها عن 60 صفحة والدكاترة كلهم محترمين وبيراعوا ظروف شغلكم وده مش بس للحاصلين على الثانوية العامة لكن ايضا لحملة الدبلومات والشركة هى اللى بتدفعلك المصروفات