كلمتين وبس

[مريم السباعى.]

السلام عليكم
بصو يا حبابيى يا كل من فى الثانوية يا كل من فى الوقت دة بيشد فى شعره زى مكنا بنشد فى شعرنا لكل من بانى قصور خيال وعايش فيها ويجى يبص على الواقع فينزل على جذور رقبته
هقلكم حاجه عارفه 99 فى الميه ممكن يسمعها من هنا ويطلعها من هنا زى معملت كتير موضيع قبل كدة بس يكفينى لو واحد فى الميه بس سمعها وعمل حتى بنصها

بص يا بابا بص يا اختى الفكرة لا فكرة ثانوية ولا بتاع دة فكرة مبدا وقانين هتشمى عليها طووووووووووووول حياتك فلا تتعود تقتنع بيها وتسمع الكلام لا هتفضل كدة طول عمرك بشكل دة وكل متكبر بيبقى صعوبة تغيرك العن من يوم الى قبله

_لو متعبتش النتيجه هتساوى صفر لان مفيش شئ زرعتها عشان تجنى وبتطبيق على المذاكرة فلو مذكرتش مش هتجيب المجموع الى انت عايزو
_ ولو مجنتش شئ مش هتلاقى حاجه تقدمها للمرحله الجايه فى حياتك وهتطلع سلمة عمرك الى جاية فاضى او طالع بالعافيه يعنى لو مجبتش مجموع مش هتخش الكليه الى انت عايزها
_ ولو مطلعتطش اه هتزعل ان ناس كتير سبقوك بس مش هتنتحر لانك هتتعود انك عادى تشوف ناس فى نفس امكانيتك واقلل وبقو اعلى منك بتطبيق عليك فلو مدخلتش الكليه الى انت عايزه الا مش هتنتحر انت هتزعل كام يوم اه بس بعد كدة هتعتاد
_ومرة فى مرة هتلاقى نفسك بقيت انسان بارد اكتر بتستلم لدنيا اكتر, اهدافك بقت عادى قوى انها متتحقش (كلمة هموت عشان اجيب مجموع )وانت مبتذكرش يبقى نتيجتها انك مش هتجيبو بس برضه مش هتموت جسديا ولا تنتحر هتموت موت العن وهو موت نفسك وكرمتك قدامك وانت عايش

صدقنى انا مجبتش سيرة ناس خالص دلوقتى ولا تعبك اهلك ولا الكلام دة انا بقولك انت
عايز العب ؟ العب برحتك واقعد على النت كيف كيفك بس كن متوقع نتيجة سقوطك مستعجبش وتيجى هنا تولول
عايز كليه بمجموع عالى ؟ اطحن نفسك واتمرمط فى المذاكرة
ببساطة اعمل الى انت عايزو وانت عارف ومتاكد مسبقا نتيجته ومبسوط بيها وتمام
لكن متعملش شئ وتتخيل لحظه انه هيتحقق غيره عشان متعيش فى وهم اكتر من كدة

طبعا كلامى دة هتظنو مخيب لامل صدقونى مش كدة اطلاقا لو انت عايز تلعب هتضيع روحك حتى لو عندك قدرات تذاكر المحيط وتجيب 100 فى الميه ولو عايز تذاكر بجد وعايز حلم هتطحن نفسك لاخر دققيه وتصدق الله وممكن تجيب الكليه الى عايزها او الاقل مجموع قريب منها وترضى ضميرك حتى لو ذكائك محدود ومعندكش لا قدرات ولا اى شئ الى عايز شئ بيعمله بس الاول شوف انت عايز ايه وسيبك من الى حوليك حبه وركز فى نفسك
ركز لان فى حاجات مينفعش تتعوض ولا ترجع كن راجل وفكر بتفكير حد عدى المرحله دى بسنين وبيبص على نفسه من بعيد
مفيش شئ باقى لا عمرك ولا شبابك ولا الفترة دى هترجع تانى عشان تعوض فيها
وانهاردة الى بيعدى مش راجع
ودموع الندم من غير رغبه حقيقه فى التغير مش بتجنى منها غير عذاب قلبك وبس
بطل تتفرج على نفسك وتضحك على برودك
والنهايه دول كلمتين (طبعا هما اكتر من كلمتين )
اتمنى تقروهم بعقولكم مش بعنيكم وياريت تلحقو نفسكم وربنا معاكم ومعانا

[دّقْـــةُ قْـــلِـــبّـ]

بجد يا مريومه مشاء الله عليكي ربنا يحفظك ويحميكي يارب

وكلامك طبعا جه في وقته جدا جدا

ربنا يوفنا جميعا يارب ونحقق احلمنا

جزاكي الله خيرا علي الكلمتين الحوين دول

[مريم السباعى.]

المشاركة الأصلية كتبت بواسطة دّقْـــةُ قْـــلِـــبّـ

بجد يا مريومه مشاء الله عليكي ربنا يحفظك ويحميكي يارب

وكلامك طبعا جه في وقته جدا جدا

ربنا يوفنا جميعا يارب ونحقق احلمنا

جزاكي الله خيرا علي الكلمتين الحوين دول

تسلمى يا جميل ربنا يخليكى يقويكم جميعا يارب