برنامج للمساعدة على مذاكرة منهج Everybody up

[teacherhg]

السلام عليكم
منهج Everybody up مقرر على بعض المدارس الخاصة و الأزهر التجريبى
المنهج قوى جداً على أولاد فى السن ده
حاولت أعمل لابنى حاجة تسهل له المذاكرة شويه و قلت أنشرها يمكن تستفيدوا منها
هتلاقوا تجميع لكل الكلمات الموجودة بالكتاب مع نطقها من السى دى الخاصة بالكتاب
مقسمة حسب الدروس و مكتوب رقم الصفحة الموجودة بها بالكتاب
البرنامج بيشتغل مباشرة من الانترنت
بيحتاج فلاش بلاير و غالبا بيكون موجود على أى جهاز بيدخل الانترنت
لو ما اشتغلش غير المتصفح اللى بتشتغل بيه أو نزل الفلاش بلاير
ربنا معاكم و يعينكم على المنهج ده

الرابط هنا



Capture.jpg

[ibrahimtamenat]

مجهود ممتاز ونتمنى مذكرات او اسئلة عن منهج Everybody up

[omyossr]

ممكن تفيديني من فضلك
عايزة أدخل بنتي ابتدائي نموذجي .. إيه اللي المفروض تكون عارفاه في الانجليزي عشان تكون مؤهلة ومتتأخرش عن المستوى الجيد
هي بتعرف كل الحروف قراءة وكتابة وبتعرف أسماء بعض الأشياء شفهي فقط يعني متعرفش تقرأها ولا تكتبها وحاولت معاها بطريقة التكرار وجدتها بتزهق وتمل .
رداء النصح والافادة

[romany nasif]

شكرا جزيييييييييييييييييييييييييييييييييلا

[romany nasif]

جزاكم الله كل خير

[ababa49]

thanks for you

[alnahhal]

المشاركة الأصلية كتبت بواسطة omyossr

ممكن تفيديني من فضلك
عايزة أدخل بنتي ابتدائي نموذجي .. إيه اللي المفروض تكون عارفاه في الانجليزي عشان تكون مؤهلة ومتتأخرش عن المستوى الجيد
هي بتعرف كل الحروف قراءة وكتابة وبتعرف أسماء بعض الأشياء شفهي فقط يعني متعرفش تقرأها ولا تكتبها وحاولت معاها بطريقة التكرار وجدتها بتزهق وتمل .
رداء النصح والافادة

المهم تكون عارفة الضمائر he she it كدة يعني و فيرب تو بي
الالوان ,اسمك ايه , ما لون ,كلمات الاستفهام
بس حاولي تخليهم كاغنية او في رتم اغنية لان عن تجربة دي بتثبت اكتر
و الكلمات لو عملتيلها فلاش كارد (كروت) مرسومة و تحتيها الكلمة اللي المفروض تعرفها هي مكن نفسها هتحفظ التهجي بتاعها و من وقت للتاني تلعب لعبة الحرف الناقص بس من غير الصورة بعد ما تكون حفظتها المهم يكون في مخها انها لعبة مش مذاكرة عشان ما تزهقش منك و علميها اصوات الحروف اقصد مثلا ال Bتدينا صوت ال ببببببببببب , ال c صوت ال ككككك وال سسس و بعدين تقري الكلمة صوت صوت مش حرف حرف يعني مثلا cat هتبقى أك,ءا , ءت , كات و دوري علي المواقع التعليمية دي كتير
انا اخترعت لبنتي اغنية تحفظها v to be و الضمائر و ازاي تقدر تحلها من نفسها جربيها معاها بس لما تيجي تحل لازم تساليها عن سبب الاختيار او الحل عشان تتاكدي انها مش بتحل كدة و خلاص
عموما جربي تحفظيها الاغنية دي شوية قبل ما تحلي معاها و لو نفعت اقولك على حاجة تانية


ال am بتحب ال i
و ال i بتحب ال am


يعني الاتنين ميجوش غير مع بعض ميحبوش حد تاني و ميسبوش بعض



ال are بتحبك انت و انت يعني you
y,o, u
ال are بتحب اللمة واللمة احنا وهمٌا
احنا يعني we هم يعني they

يعني ال are دايما بتحب الحاجة الكتير و تيجي مع الكتير و بتحب ال you
اي حاجة كتير هناخد ميين
هناخد are (هي المفروض ترد)
والكتير دول يعني مش واحد يعني لو انت و ماما نبقى لمة انا و بودي مثلا لمة بودي و ماما و بابا لمة
يعني كتير




ال is بتحب الضحك he,he,he
ال is بتحب ال أتأتة it , it, it
ال is بتحب الحصان sheee يا حصان



و تغنيها معاها he يعني هوٌ she يعني هيٌ
و ال it دي للي مش بني ادم


انا مش مدرسة والله بس ان ذاكرت منهج english world لاكتر من طفل بالطريقة دي لسنة اولى و المنهج العادي جابت نتيجة جربي بس الاغنية دي على بعض كام يوم لحد ما تحفظها و بعدين حلي معاها زي ما قلتلك و ردي عليا
بس متنسنيش من دعواتك

[azzagh]

عمل رائع ربنا يجزيك خير

[Yasmin Ezzat]

جزاكم الله خيرا

[Mr. Bayoumy Ghreeb]

جهد مشكور و افكار مبتكرة : الله يكرمك