استعدوا يا رجال الجودة للاختبار التنشيطى

[هشام المراكبى]

استعدوا يا رجال الجودة للاختبار التنشيطى

[مستر فرج]

نستعد ايه بس
هو فيه حد عارف ايمتا ولا ليه ولا ايه العك ده ؟
حسبي الله ونعم الوكيل

[منير يوسف فوزى]

استعدو يارجاله عشان تخققوا المركز 149 في جوده التعليم
على فكره الدول المشتركه في تقييم جودة التعليم فيها هى 148 دوله فقط و اخر مره كان ترتيب مصر 148/148 يعنى الاخيره بتفوق و جداره
استعدو يارجاله عشان نحقق المركز 149

[منير يوسف فوزى]

المشاركة الأصلية كتبت بواسطة مستر فرج

نستعد ايه بس
هو فيه حد عارف ايمتا ولا ليه ولا ايه العك ده ؟
حسبي الله ونعم الوكيل

حضرتك نزل الملف المرفق هتلاقى فيه كل حاجه
فعلا ملف معبر عن الجوده تماما لانه بجد ملف هبل طحن
كلام فارغ في كلام فارغ و سبوبه لشوية حراميه
المهم الرجاله يستعدو للتنشيط و انت عارف على راى الاستاذ محمود عبدالعزيز في فيلم الكيف ان الفتح قبل التسليك لكن في الجوده التسليك قبل الفتح يعنى تسليك القرسين بيكون قبل فتح باب التدريب و الامتحان التنشيطى
على فكره الجوده زى الكيف بالظبط وهم فارغ

[هشام المراكبى]

الاخ الفاضل والمحترم الاستاذ منير ليه النظرة المظلمة دى هل فعلا حضرتك محتك بأحد رجال الجودة فى ادارتك ولا حضرتك فين بالضبط اتمنى تغيير هذه النظرة الجودة كمنظومة جديدة تعمل على عدد محدد من المدارس التى ينطبق عليها بعض الشروط الحاكمة فى ادارتى مثلا منذ اربع سنوات نعمل مع حوالى عشرة مدارس فقط من اجمالى 220 مدرسة تم اعتمادها 4 مدارس هذا العام وكلها مدارس كويسة ولو حضرتك عندك وقت ممكن تشرفنا فى ادارة ابوكبير شرقية ونقضى يوم مع بعضنا لترى هذة المدارس الجميلة المعتمدة حتى تغير رأيك
وانا شخصيا اخى الفاضل اعمل فى هذا الميدان واحبه ولى بصمتى فى ادارتى ولا اتقاضى سوى مرتبى فقط والحمد لله لكن حضرتك عممت الشتيمة على الكل فإن كان لديك ادلة للرشاوى أو السرقات انشرها واعلنها على الجميع دى امانه عليك وان سعيد عموما بيك حتى ولو لم تقتنع وشكرا

[منير يوسف فوزى]

المشاركة الأصلية كتبت بواسطة هشام المراكبى

الاخ الفاضل والمحترم الاستاذ منير ليه النظرة المظلمة دى هل فعلا حضرتك محتك بأحد رجال الجودة فى ادارتك ولا حضرتك فين بالضبط اتمنى تغيير هذه النظرة الجودة كمنظومة جديدة تعمل على عدد محدد من المدارس التى ينطبق عليها بعض الشروط الحاكمة فى ادارتى مثلا منذ اربع سنوات نعمل مع حوالى عشرة مدارس فقط من اجمالى 220 مدرسة تم اعتمادها 4 مدارس هذا العام وكلها مدارس كويسة ولو حضرتك عندك وقت ممكن تشرفنا فى ادارة ابوكبير شرقية ونقضى يوم مع بعضنا لترى هذة المدارس الجميلة المعتمدة حتى تغير رأيك
وانا شخصيا اخى الفاضل اعمل فى هذا الميدان واحبه ولى بصمتى فى ادارتى ولا اتقاضى سوى مرتبى فقط والحمد لله لكن حضرتك عممت الشتيمة على الكل فإن كان لديك ادلة للرشاوى أو السرقات انشرها واعلنها على الجميع دى امانه عليك وان سعيد عموما بيك حتى ولو لم تقتنع وشكرا

شكرا لردك و اهتمامك
لكن قد يكون لى تعقيب بسيط
اولا : مصر ترتيبها الاخير في جودة التعليم 148/148 وهذا موجود على الانتر نت وتستطيع الحصول عليه من البحث عن "مركز مصر في جودة التعليم " او اى عباره مشابهه
يعنى محصلة الجودة هى صفر اكبر من عين الشمش لو اعتبرنا عين الشمش هى صفر و بالتالى فكل ما ينفق عليها هو اهدار مال عام
ثانيا : بالنسبه لانه مال عام مهدر فهذا واضح تماما في رايى اما انه مسروق فهذا اوضح فالمال العام المهدر لا يلقى في الارض او المجارى و لكن يذهب لجيوب من لا يستحقه بطرق قد يكون بعضها قانونيا عن طريق "تستيف اوراق الصرف" زى الجوده فالوزارة تصرف على هذه المنظومة المزعومه و المحصله صفر اذن لماذا تصرف على منظومه محصلتها صفر؟؟؟؟؟؟ اليس هذا اهدار مال عام ؟؟؟؟؟ اليس هذا سرقة مال عام
ثالثا: استاذى الفاضل انا لا اتهم احدا بانه لص و لكن القطط السمان المسئولين عن هذه المنظومه الاكذوبه هم كبار اللصوص وليس العاملين في الجوده في الادارات و المديريات لانهم مجرد ستار ليحصل القطط السمان على المال المهدر و المسروق فانت تؤدى عملك بجد و امانه لكن هناك من يستفيد من جهدك و يسرق على حس شغلك وهنا المصيبه ان البعض يعمل و لا ياخذ و البعض يسرق ولا يعمل او بمعنى ادق عمله هو السرقه تحت مسميات وهميه تدريب جوده امتحان جوده منح جوده ........... اى حاجه جوده المهم يبقى فيه كلمة جوده والسلام ( كلمة جوده وليس جوده )
رابعا :- الترتيب الاخير في الجوده بعد كل هذه المصروفات و التدريبات و المذكرات و هيئة ضمان الجوده و....و ...... و ....... الخ هذه المصروفات هى اهدار علنى للمال العام و سرقه علنيه لفلوس البلد دون عائد فبالتاكيد يوجد في الوزارة قسم للجوده ومستشار الوزير للجوده و لجنة متابعة اعمال الجوده الخ الخ الخ و محصلة كل ذلك 148/148 بذمتك مش مصيبه ؟؟؟؟؟؟
تقبل شكرى و تحياتى لشخصك الكريم برجاء ان تعيد النظر في رايك في منظومة الجوده لتكتشف انها اكذوبه ووسيلة لاهدار المال العام و سرقته بواسطه بعض القطط السمان من محترفى تستسف الاوراق وما اكثرهم في مصر و ماكثرهم جدا في الوزارة المنكوبة المسماه التربية و التعليم و التى لا فيها تربيه و لا تعليم
سؤال بسيط كام طالب في الصف الثالث الثانوى بيروح المدرسة على مستوى مصر بحالها
الاجابة صفر وكم طالب مسجل في الصف الثالث الثانوى ؟؟؟ على الاقل 200000 طالب
يعنى البلد بتتحمل مصروفات لتعليم 200000 طالب هم اساسا غير متواجدين بالمدارس ولكن الدوله تتحمل اجور مدرسين و حصص مرتبه فى الجداول المدرسية فقط لا اكثر و انصبة وهميه تضاف للمدرسين و مبانى و اثاث ومعامل بالمليارات لخدمة 2000000 طالب غير موجودين غير في اوراق الوزارة اما في الواقع فانهم ( هواء)
سيدى انها منظومة فساد وسرقه اكثر منها منظومة تعليم وجوده
ارجو ان تكون وجهه نظرى قد وصلتك بوضوح وفى النهايه ارجو ان تتقبل رايى و اعتذارى عما قد تعتبره مسيئا لاحد دون قصد فانا لا اقصد الا القطط السمان و محترفى التهليب وتستيف الاوراق حتى يصلو بالناس الى درجة جعلهم يصدقون الاكذوبه من اجل ان يصلو الى هدفهم و مرادهم من السرقة و التهليب