وزير التعليم يأمر كل مدرسة باستغلال أسوارها في الإعلانات الهادفة لتنمية دخلها

[مستر محمد خليفة]

أصدر الدكتور محمود أبو النصر وزير التربية و التعليم قراراً يوصي بالاستفادة من أسوار المدارس.

حيث أوضح الوزير في قراره أنه لابد من الاستفادة من أسوار كل مدرسة، كمنافذ لبيع منتجاتها، وكإعلانات هادفة مما يساعد في تنمية دخل المدرسة، وجعلها قادرة على توفير خدمات أكثر للطالب كشراء التابلت، أو ملابس رياضية للطلاب، أو تخفيض أسعار المجموعات المدرسية أو جعلها بالمجان مؤكدًا أن الهدف من ذلك هو رفع العبء عن كاهل الأسرة المصرية.
http://el-balad.com/621047#.UjnNgNLwlJE

[potta]

احلى حاجه ان الوزراء وبخاصة بتوع التربية و التعليم عندهم خيال جامح الى اقصى الحدود اسوار ايه اللى احنا حنستغلها ده طيب شاطر استغل انت سور الوزارة وبيع امامة ذرا مشوى وترمس وممكن تعمل كشك شاى للموظفين ده انتم بتطلعوا عين اللى بيحاول يسوى سلفة بـ 100 جنية وعاوزين تسجنوة علشان 75 قرش لو احنا زرعنا شجرة وطلعت مثمرة تبقى كارثة ووديت فين الانتاج بتاع الشجرة وعملت ليه مزاد علنى ولا لا ..... عقول عفنة

[mezo_no10]

أنا عايز أوصل رسالة لسيادة الوزير الرحمة شوية على المدرس
إحنا قادرين على اللى جوة السور لما نقدر على اللى برة السور
هو المدرس ده إيه بالظبط ( مرة اهتموا بالحمامات - ومرة تمريض علشان الأنفلونزا - ودلوقتى نقاشين على السور )
إرحمونا تعبنا تعبنا

[ابوسمرة88]

كلام جميل ومدارس الارياف تعرض اية على الاسوار جبنة وسمنة وفوووووووووووووووووووووووووووووول

[waelfarouk]

احنا الحمد لله البلطجيه مستحوزين علي الاسور كلها بيبيعوا كبده وصور اطفال ولاعبين كوره:av4056bb7 jp3: وكنافه في رمضان يعني هندخل دخل جااااااااااااااامد جدا للوزراه

[tefany2]

كلام ذى الفل طيب انا عندى فكرة احلى من كدة نشيل السور ونعمل مكانه محلات وبالذات المدارس اللى على الشوارع الرئيسة والمدرسة تأخذ محل وتعمل فيه المقصف والوحدة المنتجة

سؤال يفرض نفسة على كل معلم ومعلمة علوم بالمرحلة الأبتدائية لماذا لايوجد أمين معمل بالمرحلة الأبتدائية الرجاء الرد من افراد متخصصين ............................
لماذا معلم علوم المرحلة الأبتدائية يعمل أمين معمل ومعلم علوم فى نفس الوقت .......فى حين ان باقى الأنشطة لها معلمون متخصصين ( أمين مكتبة - فنى وسائل - مجال زراعى - أقتصاد منزلى -مجال صناعى - ومعلم العلوم هو المسؤول عن المعمل والحصص فى نفس الوقت مع أن شهادة التخرج مكتوب بها معلم وليس أمين معمل

[ايمن69]

انا حبيع سد الحنك ...ينفع .. هههههههههههههههههههههههههه

[ليث مصر]

حكومة الانقلاب لن تفعل شيئا للشعب
سوى مزيدا من الفقر والقهر
يسقط يسقط حكم العسكر
ولا عزاء لعبيد البيادة

[ابونرمين]

عاوزين ننمى اللى داخل السور الأوُّل ،وبعدين نطلع بره!!!!