يا بنات أريد الافاده

[زمرده]

انا اريد ان أتخذ آرائكم فى موضوع يخصنى ولكنها ليست مشكله انما اريد نصائحكم هناك شخص يحبنى جدا ونحن زملاء فى المدرسه وهذا الحب من ابتدائى الى ان دخلت الثانويه العامه وكان يريد ان يفعل المستحيل ليتكلم معى وكان ينظر الى ولا يريد ان يرفع عينه ولكنى لم أعطيه اى اهتمام لأنى لا اعتبر ان الحب يجى بالشكل ده ولكن صديقه لى قالتلى انه يحبك جدا وانه محترم بس انا مش عايزه يكون لى علاقه مع اى حد لأنى بخاف من مثل هذه العلاقات افيدونى يا بنات وما رأيكم هل اتمسك به ام ابعد عنه وأكيد وجعت دماغكم

[لمى 2016]

بصراحة انا مقدرش اردعليكى فى حاجة زى دى
بصى انتى ممكن تصلى صلاة استخارة و ربنا ييسر الحال
لكن هل الشخص دة هيقضيها حب و كلام فاضى و مش ناوى يعنى على ارتباط
يبق متزعليش منى ميستاهلكيش
ربنا ييسر لك الحال ان شاء الله

[زمرده]

شكرا على رأيك بس هو فى نفس سنى ازاى هو هيرتبط دلوقتى ميرسى ليكى

[angel_girl]

لو عايزة نصيحتي

فبجد انا متاكدة من حاجة واحدة بس ان الولد لما يحب بنت بيحبها دائما علشان شخصيتها يعني محترمة وذكية ومتفوقة ف دراستها و تقيلة

انتي لو ابديتي له اي نوع من الاعجاب او القبول هتفقدي اهم شرط وهو تقيلة واللي هيخليكي تفقدي باقي الشروط من نظره وتبقي بالنسبة له سهلة

انما انتي لو فضلتي تقيلة فاوكد لك انه هيحبك اكتر لحد ما تنتهي من الثانوية وبجد تيجي الفرصة انه يصارحك ويتقدم لك
وعلي فكرة انا كلامي ده من تجارب شخصية لناس اعرفهم

بعد اما كان مش بينام الليل واتذل علشان يكلمها قالها ف الاخر انا كنت بحبك علشان كنتي تقيلة لكن دلوقتي عادي يعني زي اي واحدة كلمتها

و اوعي تكلميه او تبدي له اعجاب .... ده رايي

[طمعانة فى رضاك يا رحمن]

وبعد الحب؟. الحب الحقيقي اللي قدام اهلك مش من وراهم
يعني هو محترم وبعدين
انا في راي الولد اللي يقول لبنت كلام حب من ورا اهلها يبقي هو مش بيحترم اهلي واللي مش يحترم اهلي مش يلزمني .

هو لو نصيبك حيكون بس مش بالشكل ده هو لسه اكيد مش حاهز يعني حتقدوها حب لحد ميبقي حاهز طيب والاهل حيكونوا فين بعد كل ده .

لو اهلك يعرفوا يبقي كده قدام ربنا وقدام الاهل عشان لا تغضبي ربنا ولا تخوني ثقه الاهل

[زمرده]

اولا يا بناذت انا خلصت مرحلة الثانويه والحمد لله مش متعلقه بيه والحمد لله بخاف ربنا وعمرى ما بعمل حاجه تغضبه وشكرا على ردودكم وانا ان شاء الله هاعمل بيها

[Sharp Nails]

بصى يازمردة ياالى مش رديتى عليا
ماشى مفيش مشاكل
بصى ياستى
اولا انتى لسة صغيرة عالجواز والذى منه
وبجد خليكى كدة ومش تكلميه
لان بجد الحاجات دية بيجى من وراها مشاكل مش بتخلص
خليكى كدة وهو لو متمسك بيكى وبيحبك بجد
اكيد فى يوم هتلاقيه جاى يخطبك
وسورى يعنى دة انا مستبعداه
قوليلى لية ؟
اولا هو صغير وماظنش انه بيفكر فى جواز
واكيد لما هيدخل الجامعة يشوف اشكال والوان
وانتى هتكونى بعيد عنه


انا من رأيى تحفظى على نفسك
وربنا يرزقك بالى يكون خير ليكى

[prof.wessam]

انا مش هقدر أقولك
غير ان
كل شئ قسمة و نصيب

[maryooma ahmed]

بصى يا زمرده بقولك ايييييييييييييييييه انا شايفه ان الحب اللى فى نفس السن ده بيبقى صعب يكمل ومشاااكله بتبقى كتير بتهيقلى تستنى لمااااااا تدخلى الجامعه واكيد هتلاقى اللى يرتبط بيكى بسس الحب فى الثانوى شىء والارتباط شىء تانى ده راى مش اكتر وربنا يارب يوفقك واللى فيه الخير ربنا يعمله

[until death]

انا من رايىى ان انت تستنى كمان سنة

لو هو متمسك بيك هيفضل بيحبك ومتمسك بيك

لان فترة المراهقة هتكون فاتت .ويكون كمان هو دخل الجامعة وشاف ناس تانيين

[زمرده]

اولا انا اسفه يا ملك والله كان عندى ظروف وثانيا انا بس كنت عايزه اعرف ردودكم وكمان انا عارفه ان ده حب مراهقه وانا مش عبيطه علشان ادخل فى علاقه انا مش ضمناها وبعدين لو انا كنت بحبه مكنتش عرضت المشكله وشكرا على ردودكم لأنها هتفدنى

[pureheart]

انا شايفة ان مفهاش حاجة لو فى زمالة محترمة فى اطار الدراسة
لكن لو الموضوع دخل فيه كلام حب وكدة يبقى لازم توقفيه عند حدة
ولازم تعرفى ان فى فرق بين الزمالة و الصداقة
بعدان فيها اية لو اتكلمتوا مع بعض انا فهمة من كلامك انكوا فى مدرسة مشتركة يعنى مش واحد انتى متعرفهوش