ادوات اعدادى هندسة

[hamo2011]

لو سمحتم يا جماعة يا ريت حد يقولنا ايه هى الادوات المطلوبة فى اعدادى هندسة و اسعارها و ايه افضل مكان اجيبها منه فى الاسكندرية

[To Be Is To Do]

المشاركة الأصلية كتبت بواسطة hamo2011

لو سمحتم يا جماعة يا ريت حد يقولنا ايه هى الادوات المطلوبة فى اعدادى هندسة و اسعارها و ايه افضل مكان اجيبها منه فى الاسكندرية

بص بالنسبه لاحسن مكان وارخص مكان ف هو " كمال سعد " فى المنشيه

الأدوات :_

1/ أدوات الرسم :___ مسطره T 80 سم ( روترنج أو سمير وعلى S&A ) + مثلث ثلاثينى ستينى , مثلت 45 & مثلث أرسطو + قلم سنون 0.5 وسنونه HB + فرينش كيرف + برجل عادى جدا بسنون زى بتاع إبتدائي ( موبيد ) + جومه فيبر كاسل سوده ومتجبهاش فحم هات العاديه +
بورد 60 × 80 سم عشان ترسم عليه ولو عندك مكتب أو ترابيزه مستويه مش لازم تجيبها بس هى مريحه أكتر من المكتب + رول ( بتحط فيه اللوح اللى بتسلمها فى الكليه ) _ وده عايز تجيبه ماشى مش عايز برده براحتك دى حاجه ترجعلك + برجل بطواله وده مش حتحتاجه الا ف لوحه واحده بس وانا مجبتهوش واخدته من صاحبى ساعتها + شويه لوح بيضا فى الاول 50 × 70 سم حوالى 10 كده لان بعد كده حتجيب اللوحه مطبوعه من الكليه + لزق لوح

2/ أدوات الكيميا العملى :___ ودى حتحتاجها فى التيرم التانى وانا جبتها من الكليه عباره عن شنطه فيها الانابيب والفوطه والماسك والفرشه جيبها من الكليه أحسن + جونتيات عايز تجيب قبل كل سيكشن ماشى بيتباع فى الكليه ،، عايز تجيب علبه كامله تمام

3/ أدوات الفيزيا العملى :__ مجرد stopwatch + مسطره 30 سم

4/ البالطو وده حتحتاجه فى ماده الانتاج التيرم الأول وحتحتاجه فى ماده الكيميا العملى التيرم التانى
البالطو وعلبه الجونتيات جيبهم من شارع كليه الطب من اى مكتبه هناك زى الشروق مثلا

5/ لوح إسقاط دى بقى مش زى اللوح العاديه دى لوح متقسمه اربع اجزاء ومن تحت مطبوع خانه الاسم والسيكشن والتاريخ وكده ودى بتجيبها من قدام الكليه من مكتبه اسمها " الخضرى " أو " الطبيب والمهندس "
عايز تجيب قبل كل سيكشن واحده ماشى .. عايز تجيب حوالى 10 او 20 على بعض جمله يعنى برده ماشى اللى يريحك

بص بقى حتلاقى ناس جايبه طقم براجل ب 160 جنيه تمام عادى متتخضش مش حتحتاجه دى بتبقى ناس رايقه كده ومزاجها عالى وبرده حاجه ترجعلك بس اللى انا قولتهولك ده هو اللى حتستخدمه بس
برده فيه ناس بتجيب فوطه عشان تمسح اللوحه قبل ما تسلمها برده حاجه ترجعلك وبرده فيه ناس بتجيب لوح كانسون عادى برده حاجه ترجعلك

أحسن نوع للادوات بتاعه الرسم هى روترنج بس فيه نوع تانى ارخص منه وشغال برده

[hassan201022]

شكرا يا باشا

[To Be Is To Do]

المشاركة الأصلية كتبت بواسطة hassan201022

شكرا يا باشا

عفوا ربنا يوفقك

[عبد البديع]

ربناااااااااا يكرررررررررررمك يا معلم

[Mmsh Ahlawy]

تخطيط عمرانى ولا هندسة ؟


التخطيط العمرانى مجالها ايه بعد الدراسة يعنى ليها شغل ولا هنقعد فى البيت ؟

والهندسة : ايه الفرق بين المعمارى والمدنى وايه القسم الافضل فى الوقت الحالى فى مجال العمل ؟

[saeed elsayed]

الف شكرا يا باشا

[2 moon sun]

اولا الف مبروك على الهندسة
ثانيا ممكن حد يقولى ايه الاوراق المطلوبة فى التقديم لكلية الهندسة الاسكندرية
وكمان الصور المطلوبة كام صورة وهى 4 فى 6 والا 6 فى 9
ياريت حد يرد عليا بسرعة علشان اروح اقدم ورقى
سلالالالالالالالالالام
وشكراااااااااااا