هل كليه علوم صعبه ؟

[basma magdy]

انا علمى علوم و جبت 95.24 و محتاره جداا ادخل علوم ولا لا انا كان نفسى فى صيدله او طب لكن قدر الله و ما شاء فعل و انا اسمع ان علوم كمياء بيشتغلوا زى الصيادله ما عدا انهم مايفتحوش صيدليه بس كل الى حواليه بيقولوا علوم صعبه و خشى اى كليه سهله او مش فيها صغط ممكن رائيكم؟

[mohamed-mohsen]

علوم كيمياء المفروض مش بيشتغلوا صيدله ..... هم يشتغلوا فى اى شركة فى الدنيا ليها علاقة بالكيمياء اسمدة واغذية و احيانا بيبقوا فى معامل تحاليل .... اما فى علوم القاهرة فى قسم اسمه بيو تكنوبوجى ده ممكن تشتغلى منه فى معامل التحاليل بس مش بيبقى باسمك وفى مستشفيات كتطوير علاج للأمراض الوراثية او فى اى مجال فى تطبيق للبيوتكنولوجى وده قسم خاص مش موجود غير فى القاهرة....
موضوع صعوبة علوم هى صعبة عشان عايزة مزاكرة من الاول بس مش أكتر .... وتوكلى على الله وادخليها وهتلاقى 100 الف شخص بيساعد

[basma magdy]

المشاركة الأصلية كتبت بواسطة mohamed-mohsen

علوم كيمياء المفروض مش بيشتغلوا صيدله ..... هم يشتغلوا فى اى شركة فى الدنيا ليها علاقة بالكيمياء اسمدة واغذية و احيانا بيبقوا فى معامل تحاليل .... اما فى علوم القاهرة فى قسم اسمه بيو تكنوبوجى ده ممكن تشتغلى منه فى معامل التحاليل بس مش بيبقى باسمك وفى مستشفيات كتطوير علاج للأمراض الوراثية او فى اى مجال فى تطبيق للبيوتكنولوجى وده قسم خاص مش موجود غير فى القاهرة....
موضوع صعوبة علوم هى صعبة عشان عايزة مزاكرة من الاول بس مش أكتر .... وتوكلى على الله وادخليها وهتلاقى 100 الف شخص بيساعد

ldvsn []ميرسى جداا على ردك و فى رايك فى العموم كليه علوم عين شمس احسن ولا علوم حلوان ولا القاهره

[كيميائي طبي2011]

اقسام الكيميا المزدوجه مع البيولوجى هى الافضل

[mohamed-mohsen]

بصى انا درست فى القاهرة ومش عارف حاجة عن حلوان وكل اللى اعرفه عن عين شمس ان الدراسة فيها بالعربى .... ومتهيألى ان دراسة العلوم باللغة الانجليزية افضل كتير من العربى

[basma magdy]

المشاركة الأصلية كتبت بواسطة mohamed-mohsen

بصى انا درست فى القاهرة ومش عارف حاجة عن حلوان وكل اللى اعرفه عن عين شمس ان الدراسة فيها بالعربى .... ومتهيألى ان دراسة العلوم باللغة الانجليزية افضل كتير من العربى

انا بعت لحضرتك رساله يا ريت تفدنى و ميرسى جداا

[منار على]

طب وليه متدخليش طب بيطرى مستقبلها كويس كمان من ناحيه تانيه واحده زميلتى كانت دخلت بيطرى وكلنا كنا قولنا بيطرى ايه دى للولاد ومالهاش مستقبل طلع العكس ابسط حاجه هى اتخرجت عملت سنه دراسات وفتحت معمل تحاليل زيها زى علوم دا لو ملقتيش فرصه شغل كويسه مثلا وعلى فكره حطى فى اعتبارك ان محل اقامتك ممكن يفرق كتير فى الموضوع دا يعنى انتى لو عايشه فى مدينه زى القاهره او اسكندريه مثلا ممكن تلاقى فرصه شغل افضل واكتر كتير من الارياف او المحافظات المحدوده بمعنى شوفى ايه شغال عندك فى بلدك وممكن تشتغلى بسرعه لو دخلتى علوم ولا بيطرى ولا اى كليه تانيه
وايه الافضل من حيث فرص الشغل والعائد المادى ومين محتاجينه اكتر فى الشغل فى المكان اللى انتى عايشه فيه وحددى بناءا على كدا لان فيه ناس ممكن تاخد طب وتفضل بيها سنين من غير شغل وان اشتغلت يبقى بدخل محدود وفيه ناس ممكن تاخد تجاره وتطلع تشتغل بسرعه فى اى شركه ودخلها يبقى كبير كمان الموضوع يفرق كتير بين ولد وبنت لان البنت ممكن تاخد كليه قمه زى واحده زميلتنا واخده هندسه غزل ونسيج لكن فى المحافظه هنا المجال مش مفتوح لشغلها بمؤهلها فهى بتشتغل فى مدرسه ثانوى فنى عشان مش لاقيه فرصه هنا لكن لو شاب ممكن يروح يشتغل فى السادات او العاشر او اى مدينه جديده بدخل كويس عشان كدا فكرى فى بعدين وربنا يوفقك وبالنسبه لكليه علوم نفسها من حيث الصعوبه او السهوله فهى كليه محتاجه شغل ومجهود لكن مش صعبه كمان خلى بالك ان ممكن اللى يكون صعب بالنسبه لغيرك يكون سهل بالنسبالك انتى وممكن يكون اللى بتساليه دا مقصر مثلا بمعنى ان مفيش كليه صعبه الا ان كانت اكبر من قدراتك ومجموعك بيقول انك قدها

[user22]

قسم كيمياء من أكتر الأقسام اللي ليها شغل فعلا , لكن من ناحية الدراسة فبتختلتف من كلية لتانية , علوم اسكندرية مثلا أقدر أقول الدراسة فيها صعبة بجد ومش أي حد يجيب فيها تقدير بسهولة! مش عارف بخصوص عين شمس وحلوان ممكن الموضوع أسهل ..

[harry_potter]

المشاركة الأصلية كتبت بواسطة mohamed-mohsen

بصى انا درست فى القاهرة ومش عارف حاجة عن حلوان وكل اللى اعرفه عن عين شمس ان الدراسة فيها بالعربى .... ومتهيألى ان دراسة العلوم باللغة الانجليزية افضل كتير من العربى

مين قال الدراسة في علوم عين شمس بالعربي , دي سنة اولي بس وبتبقي مواد معينة مش كل المواد

انما كيمياء وفيزياء مستحيل تبقي بالعربي

[mohamed-mohsen]

المشاركة الأصلية كتبت بواسطة harry_potter

مين قال الدراسة في علوم عين شمس بالعربي , دي سنة اولي بس وبتبقي مواد معينة مش كل المواد

انما كيمياء وفيزياء مستحيل تبقي بالعربي

والله انا معلوماتى عنها سطحية يعنى ..... بس اعرف واحد صاحبى بيدرس جيولوجيا بالعربى xD بس دى جميع معلوماتى