فنون جميلة عمارة و لا هندسة ولو هندسة عين شمس ولا حلوان

[DarkPrince]

السلام عليكم
يا جماعة حد يقول لي ايه الاحسن فنون عمارة ولا هندسة عمارة عشان انا خايف ادخل هندسة و مجيبش تقدير يدخلني عمارة فحد يقول لي الموضوع يستاهل ان انا اجازف و ادخل هندسة ولا فنون عمارة احسن

ولو هندسة ادخل هندسة عين شمس و لا حلوان

[DarkPrince]

محدش بيرد ليه يا جماعة 16 مشاهدة

[Asa7be Wawa]

صلى أستخارة و ان شاء الله ربنا اللى حيرشدك للأحسن كده كده الأتنين مهندسين و تبع النقابة

[moh.b]

هو اولا واخير الموضوع يرجع ليك بس انا بشارك بس علشان اقولك حلوان مفيهاش عمارة انا قولت اقولك بس علشان شكلك مش عايز الا عمارة

[DarkPrince]

شكراً ليك بس انا فعلاً عارف ان حلوان مفيهاش عمارة بس انا لما كتبت حلوان ف اول الموضوع اقصد بيها المطرية في النهاية المطرية حلوان برضو حتى لو انا ف حلوان اقدر ادخل اي قسم ف المطرية عادي الاتنين كلية واحدة

[safty12]

لالالالالالالا انت كدا غلط انت لو ف حلوان تقدر تدخل المطريه بشروط شبه تعجيزيه لازم تجيب مجموع عالى ودا مش سهل ومتفتكرش نفس جبت ال96 % وبقيت برنس هتجيب زيهم ف الكليه انسي !
لو دخلت حلوان تحويل المطريه صعب لكن لو دخلت مطريه تحويل لحلوان سهل متقوليش ليه هوا كدا لو نفسك ف مدنى عماره ميكانيكا باور او سيارات خش مطريه
لكن لو نفسك ف اتصالات كهرباء باور او طبيه او ميكانيكا ( انتاج - صناعيه - ميكاترونيكس) ادخل حلوان لكن التحويل دا متحطوش ف دماغك احنا عملنا مظاهرات واعتصامات عشان نزود عدد الى بيحولو من حلوان للمطريه ومكنش فيه استجابه غير ان نسبه الى هيحولو بدل مكانت 10 % بقت 15 % (عدد لا يذكر ) خلى بالك كويس حلوان و المطريه جامعه واحده بالاسم فقط وبعض المواد لكن تحويل من حلوان للمطريه مش سهل لكن من المطريه لحلوان سهل
اما لو بتسأل عن فنون جميله ولا هندسه
بص لو عايز عماره ادخل عين شمس بس دراستها فحت وردم !
لو انت بتفكر شويه تخطيط عمرانى جامده جداًً جدا
لو عايز تدخل كهرباء باور او ميكانيكا او طبيه يبقى حلوان لو اتصالات ابعد عن حلوان
يارب تكون استفدت من الكلام