لرفع تظلم واعاده تصحيح .. رجاء نظره

[Mr.7oOP]

السلام عليكم

يا جماعه انا عاوز ارفع تظلم في ماده معينه

وعرفت اني هروح الاداره وادفع 100 جنيه واحدد الماده

بس عاوز استفسر بقي الباب التظلم بيتفتح امتي

والرد بتاعهم بيكون في خلال اد ايه

واللي بيعمل اعاده تصحيح بيجمع الدرجات بس ولا ايه الوضع

ياريت حد يديني معلومات مفصله

[amothman123]

على حسب ما سمعت من المدرسين يعنى لو روحت كشفت على الورق بيشوف لو في حاجة أنت كاتبها و ماتصححتش مثلاً أو مجموع غلط فى الدرجات أو حاجة زى كدة
إنما حاجة اتحط عليها القلم الأحمر و اتصححت رسمى صعب جداً جداً إنها تتغير بعد كدة إلا بقى لو روحت رفعت قضية على المصحح و جيبت محامى على حد كلام مدرس علم النفس !!

[Mr.7oOP]

ما علينا المهم انا عاوز الاجراءات

[Mr.7oOP]

؟؟؟؟؟؟؟؟؟؟؟

[HeMa-SaMa]

هو غالباا بيفتح بعد النتيجة بيوم يعنى بعد بكره علشان هى بكره لسه فى المدارس .. بتدفع فلوس فى البنك وبتاخد وصل وتروح المدرسة تعمل ورقة وهما هيقولواك تعمل ايه .. وبيتحدد لك معاد حوالى اسبوع او اتنين بالكتير
بس نصيحة لو هتعمل تظلم ارفع قضية على طول علشان كان ليا درجة فى الكيمياء السنة الى فاتت ومجتش غير بالقضية امال التظلم بس ملهوش لزمة

[asfaroat]

المشاركة الأصلية كتبت بواسطة hema-sama

هو غالباا بيفتح بعد النتيجة بيوم يعنى بعد بكره علشان هى بكره لسه فى المدارس .. بتدفع فلوس فى البنك وبتاخد وصل وتروح المدرسة تعمل ورقة وهما هيقولواك تعمل ايه .. وبيتحدد لك معاد حوالى اسبوع او اتنين بالكتير
بس نصيحة لو هتعمل تظلم ارفع قضية على طول علشان كان ليا درجة فى الكيمياء السنة الى فاتت ومجتش غير بالقضية امال التظلم بس ملهوش لزمة

طيب رفع القضية بيكون ازاي .. و امتى بيطلع الحكم فيها ... و تكلفة رفع القضية كام ..و شكرا

[ميدو4]

محدش يعرف خط ساخن للتربية والتعليم نسئل فيه عن موضوع التظلمات ده ياجماعة

[وحدة دروة]

منصحكش تعمل تظلم مش هتاخد حاجة

[To Be Is To Do]

التظلم بعد النتيجه فى المدارس بحوالى يوم او يومين

التظلم .. بتروح البنك تدفع 100 حتاخد وصل تعرف المدرسه اللى فيها التظلمات تروح تديهم الوصل ده وتملى استماره باسمك ورقم جلوسك والماده والمدرسه وكده ويدوك معاد غالبا بعدها باسبوعين

اللى بيحصل بيصورولك ورقه الاجابه بتاعتك انت بتروح تشوفها ويدوك ورقه تكتب فيها ملاحظاتك نصيحه اول ما تاخدها بص على المرايه الاول وقارن بين الدرجات اللى ف المرايه والدرجات اللى جوا ف الاسئله ساعات مثلا بتبقى واخد 5 فى السؤال من جوا ويحطهالك 3 فى المرايه بيبقى سهوا يعنى .. المهم .. حتطلب نموذج الاجابه الرسمى منهم حيدهولك تمام حتقارن بين اجابتك واجابته وتكتب ملاحظاتك ف الورقه دى وتسلمها يقولولك تعالى مثلا بعد اسبوعين تعرف النتيجه اذا كنت زدت او فضلت زى منت

اللى بيحصل فى التظلم بقى : حاله من 4 بتاخد درجات من غير كلام :_ الاولى ان الدرجه جوا الورقه غير اللى ف المرايه ، التانيه :_ يكون فى جزء مش متصحح فى الورقه ، التالته :_ انك تكون كاتب الاجابه زى النموذج بالظبط وعاملك عليها غلط ، الرابعه :_ غلط فى التجميع الكلى .. ساعتها حتاخد درجات اكيد ان شاء الله

طيب غير كده ممكن يكون انت كاتب اجابه غير اللى ف النموذج بس تؤدى نفس المعنى ساعتها يقولك دى ترجع للمصحح وو معجبتهوش اجابتك مثلا

انا روحت اعمل تظلم فى انجلش 2 لقيتهم منقصنى درجه ونص براجراف ومفيش ولا غلطه ودرجه قطعه عشان مكتبتش الاجابه زىة النموذج بالظبط وانما حاجه تؤدى نفس المعنى

من الاخر لو مظلوم فى سؤال مقالى بيبقى صعب تاخد درجات ساعتها يقولك المدرس اللى صححلك معجبتهوش اجابتك عشان مش زى النموذج رغم انها تؤدى نفس المعنى

خير ان شاء الله

[To Be Is To Do]

المشاركة الأصلية كتبت بواسطة asfaroat

طيب رفع القضية بيكون ازاي .. و امتى بيطلع الحكم فيها ... و تكلفة رفع القضية كام ..و شكرا

ان اللى اعرفه ان القضيه الحكم فيها وانت مثلا بتبقى فى 2 او 3 كليه يعنى ملهاش لازمه

انا واحد زميل اخويا اتظلم فى الدرجات عمل تظلم ومخدش حاجه والدرجات اللى اتظلمها دخلته صيدله بدل طب ورفع قضيه واتحكم فيها بانه اخد درجات وهو فى 2 صيدله والدرجات اللى اخدها كانت تدخله طب

[asfaroat]

طيب انا عايز اسم محامي شاطر يرفعلي قضية اعادة تصحيح في اسكندرية حد يعرف

[godfather2]

عاطف غالي في المنشية رفعها اكثر من مرة

[a16h16]

المشاركة الأصلية كتبت بواسطة godfather2

عاطف غالي في المنشية رفعها اكثر من مرة

معلش بعد اذن حضرتك ممكن رقم هاتف المحامى؟
وحد يعرف ما هو اخر ميعاد لرفع القضية