عاجل لكل واحد عايز يعرف الاجراءات و الفلوس و كل حاجه لازمه لقدرات عماره جامعه حلوان

[Asa7be Wawa]

مبدأيا انا حطيط الموضوع ده فى قسم القدرات بس نقلته هنا للافاده و الله مش أكتر

بسم الله الرحمن الرحيم

انا حقولكم على كل حاجه انا عملتها و المعلومات اللى عرفتها على مدار الثلاث الايام اللى فاتت

أولا انت بتاخد كورس فى الجامعه ده ب300 جنيه ثلالث حصص فيه كورس حيبدأ يوم 4-7 و ده أخر واحد ده بالنسبه للكورس ممكن طبعا تاخده بره بس الجامعه مش مسئوله عن اللى انت خدته و اللى حيجيلك.. بالمناسبه الكورس و دفع الكلام ده فى جامعة اللى فى الزمالك فنون جميله

بالنسبه للتقديم للأمتحان حتروح جامعة القاهرة مكتب التنسيق حتاخد من هناك الاستماره بتاعة الطلب ديه بتدفع فيها 35 جنيه بس و الحاجات المطلوبه :

2 صورة لرقم الجلوس + لازم تجيب الأصلى معاك

1 صوره شخصيه ليك فقط ! مش أكتر ...بس علشان الأطمئنان ممكن تجيب 4 ليطلبوا منك و لا حاجه

بعد لما تدفع 35 جنيه و تقدم الورق المطلوب حيديك1- أستمارة زرقاء عليها صورتك و مختومه + 2-كتيب أصفر ملوش أى لزمه

بعدين حتروح الكليه اللى فى الزمالك فنون جميله و تقدم :

الأستماره الزرقاء ديه + 250 جنيه مصاريف الامتحان + 30 جنيه لكتاب الارشادات فى الرسم و فيه الجزء النظرى (مهم جدا )

و تقدم صوره برضو لرقم الجلوس الاصلى

بعدها حتحدد ميعاد امتحانك , الامتحانات من يوم 7-7 من الساعه 9 الى 3 أو من 3 الى 6

و حيديك وصل أحمر ده اللى حندخل بيه الأمتحان ان شاء الله

و أى استفسار انا موجود لقسم عماره

ملحوظه انا فى تالته زيكم و مقدم زيكم بلاش أستفسارات صعبه

ملحوظه أهم : التقديم للامتحان مستمر لغايه ليله الامتحان ان شاء الله

[Lumiii]

شكرا جدا ربنا يخليك يا ر

[jazzsonic]

شكرا جدا ليك . هل ينفع اروح اقدم بكره ولا من يوم الاحد
وانا بردوا هاخش امتحان عمار بجانب الفنون فهل كتاب الارشادات ده هو باخده لما بدفع الفلوس من الكليه نفسها ولا بشتريه لوحده وهل فيه شرح لكل حاجه زي التظليل و المنظور الهندسي و المشروع المعماري ؟؟

[Asa7be Wawa]

المشاركة الأصلية كتبت بواسطة jazzsonic

شكرا جدا ليك . هل ينفع اروح اقدم بكره ولا من يوم الاحد
وانا بردوا هاخش امتحان عمار بجانب الفنون فهل كتاب الارشادات ده هو باخده لما بدفع الفلوس من الكليه نفسها ولا بشتريه لوحده وهل فيه شرح لكل حاجه زي التظليل و المنظور الهندسي و المشروع المعماري ؟؟

هو التقديم المفروض مفتوح بس مش متأكد فى ظل الظروف ديه لو رحت جامعة القاهره حتلاقيها فاتحه و لا لأ اما لو قصدك تقديم الكورسات ألحق بكره روح أخر فرصه للتقديم و الكورس حيبدأ بكره , اما بقى كتاب الارشادات بتاخده من الكليه نفسها فى الزمالك لما تدفع فلوس الامتحان و تكون خلصت كل الاجراءات , هو مفيهوش شرح عباره عن نماذج بسيطه للمناظير الهندسيه و نفس الكلام فى كتاب الفنون و شوية نظرى و خلى بالك لو حتقدم فى فنون و عماره أضرب كل المصاريف و الورق بتاع رقم الجلوس اللى حيتصور و صور شخصيه فى 2 يعنى حتدفع تقريبا 500 فى الكليه اللى فى الزمالك و 70 فى جامعه القاهره مكتب التنسيق

[Asa7be Wawa]

خلوا بالكم يا جماعه ان التقديم حيقفل 6-7 يوم السبت الجاى !

[jazzsonic]

المشاركة الأصلية كتبت بواسطة asa7be wawa

هو التقديم المفروض مفتوح بس مش متأكد فى ظل الظروف ديه لو رحت جامعة القاهره حتلاقيها فاتحه و لا لأ اما لو قصدك تقديم الكورسات ألحق بكره روح أخر فرصه للتقديم و الكورس حيبدأ بكره , اما بقى كتاب الارشادات بتاخده من الكليه نفسها فى الزمالك لما تدفع فلوس الامتحان و تكون خلصت كل الاجراءات , هو مفيهوش شرح عباره عن نماذج بسيطه للمناظير الهندسيه و نفس الكلام فى كتاب الفنون و شوية نظرى و خلى بالك لو حتقدم فى فنون و عماره أضرب كل المصاريف و الورق بتاع رقم الجلوس اللى حيتصور و صور شخصيه فى 2 يعنى حتدفع تقريبا 500 فى الكليه اللى فى الزمالك و 70 فى جامعه القاهره مكتب التنسيق

هيا امبارح كانت قافله و ماظنش انها اتبقي فاتحه الظروف دي وانا خلاص اخدت الكورس 3 حصص بس مش في الجامعه في مكان بره و خايف من تظليل تمثال الابيض او الاسود لانهم محتاجين تركيز جامد ودقه . وانت قصدك ان اصور رقم الجلوس اربع صور و صورتين شخصيه و اسحب الملف مرتين و كده يعني كل ورق بيبقي دوبل . وازاي التقديم اخره يوم السبت ولسا ناس ماقدمتش بسبب محاصره الجامعه

[Asa7be Wawa]

المشاركة الأصلية كتبت بواسطة jazzsonic

هيا امبارح كانت قافله و ماظنش انها اتبقي فاتحه الظروف دي وانا خلاص اخدت الكورس 3 حصص بس مش في الجامعه في مكان بره و خايف من تظليل تمثال الابيض او الاسود لانهم محتاجين تركيز جامد ودقه . وانت قصدك ان اصور رقم الجلوس اربع صور و صورتين شخصيه و اسحب الملف مرتين و كده يعني كل ورق بيبقي دوبل . وازاي التقديم اخره يوم السبت ولسا ناس ماقدمتش بسبب محاصره الجامعه

بص انا مش عايز أفتى بس انا لما قدمت قالوا حيبفضل مفتوح لغاية ما الأمتحانات تبدأ و كان قبل الأحداث , ممكن يكونوا غيروا نظامهم مش عارف , و صور اه رقم الجلوس 4 مرات و هات صورتين شخصية و حتسحب ملفين فى جامعه القاهره واحد لفنون و واحد لعماره و المصاريف برضو كل حاجه فى اتنين

[jazzsonic]

المشاركة الأصلية كتبت بواسطة asa7be wawa

بص انا مش عايز أفتى بس انا لما قدمت قالوا حيبفضل مفتوح لغاية ما الأمتحانات تبدأ و كان قبل الأحداث , ممكن يكونوا غيروا نظامهم مش عارف , و صور اه رقم الجلوس 4 مرات و هات صورتين شخصية و حتسحب ملفين فى جامعه القاهره واحد لفنون و واحد لعماره و المصاريف برضو كل حاجه فى اتنين

ابختك انت قدمت خلاص انا مش عارف اقدم خالص بسبب ان الجامعه قافله و علي فكره التقديم مش هاينتهي يوم الامتحان لان التقديم مستمر لحد17/7 في جدول مواعيد الي نزل في الجمهوريه و الامتحانات مواعيدها متفاوته مش لازم 7/7 ممكن واحد ياجل امتحانه لو شايف نفسه محتاج فرصه كام يوم او ان عنده امتحان تطبيقيه في يوم تاني و انا واحد مثلا هاقدم يوم 8 بحسب الحروف الابجديه يقولي امتحانك يوم كذا وكده

[faresel7oob_823]

لو سمحت أنا كنت عاوز اقدم فى كلية فنون جميلة قسم عمارة بس الواحد كان مشغول الأيام اللى فاتت بأحوال البلد و معملتش اى حاجة لا كورسات أو سحت استمارات ياريت تقولولى ايه الحل لو سمحتم
ارجو الحل سريعا لأن مفيش وقت

[mai f]

اللى معرفش ياخد الكورس اللى اخر معاد له كان 4-7 ....... يعمل ايه ؟؟

[Asa7be Wawa]

المشاركة الأصلية كتبت بواسطة faresel7oob_823

لو سمحت أنا كنت عاوز اقدم فى كلية فنون جميلة قسم عمارة بس الواحد كان مشغول الأيام اللى فاتت بأحوال البلد و معملتش اى حاجة لا كورسات أو سحت استمارات ياريت تقولولى ايه الحل لو سمحتم
ارجو الحل سريعا لأن مفيش وقت

ظبط نفسك يوم السبت تسحب الاستمارات و تقدم و فى نفس الوقت لما تقدم الورق فى الكليه اللى فى الزمالك أسأل لو حيعملوا كورسات تانيه و لا لا .. و لو مفيش دور على كورس بره بقى سواء فى البيت او فى سنتر دروس

[Asa7be Wawa]

المشاركة الأصلية كتبت بواسطة mai f

اللى معرفش ياخد الكورس اللى اخر معاد له كان 4-7 ....... يعمل ايه ؟؟

نفس النظام للأخ اللى فوق لما تقدمى فى الكليه أسألى عن كورسات جديده حتبدأ قريب فى الكليه و لو خلاص مفيش دورى فى سناتر الدروس بيقدموا الكورسات ديه و كمان فى ناس بتقدمها فى البيت و كده صرفى نفسك مفيش داعى للقلق

[Asa7be Wawa]

المشاركة الأصلية كتبت بواسطة jazzsonic

ابختك انت قدمت خلاص انا مش عارف اقدم خالص بسبب ان الجامعه قافله و علي فكره التقديم مش هاينتهي يوم الامتحان لان التقديم مستمر لحد17/7 في جدول مواعيد الي نزل في الجمهوريه و الامتحانات مواعيدها متفاوته مش لازم 7/7 ممكن واحد ياجل امتحانه لو شايف نفسه محتاج فرصه كام يوم او ان عنده امتحان تطبيقيه في يوم تاني و انا واحد مثلا هاقدم يوم 8 بحسب الحروف الابجديه يقولي امتحانك يوم كذا وكده

و الله يا جماعه انا قلت اللى عرفته مش متأكد من ميعاد التقديم حيخلص امتى انا قلت اللى أتقالى فى الكلية

[Asa7be Wawa]

خبر عاجل جداااااااااااا
تأجيل مواعيد سحب الاستمارات والامتحانات

وزارة التعليم العالي
مكتب تنسيق القبول بالجامعات والمعاهد
عام 2013
عن مواعيد وأماكن الاختبارات للكليات التي يشترط
للقبول بها النجاح في اختبارات القدرات
نظراً للظروف الراهنة التي تمربها البلاد وحرصاً على مصلحة ابناؤنا الطلاب وأمنهم ، فقد تقرر تأجيل استخراج بطاقات اختبارات القدرات لطلاب الثانوية العامة المصرية التي كان من المقرر لها أيام (الأربعاء الموافق 3/7/2013 ، الخميس الموافق 4/7/2013، الجمعة الموافق 5/7/2013) ومد فترة استخراج بطاقات القدرات حتي يوم السبت الموافق 20/7/2013 بالمكتب الرئيسي وفروعه.
على الطلاب (طلبة وطالبات) من جميع الشعب العلمية والشعبة الأدبية الراغبين في استخراج بطاقة الاختبارات التوجه إلي أماكن استخراجها الموضحة بالجدول التالي وطبقاً للحروف الأبجدية التي تبدأ بها أسماؤهم وفقا لما يلي :-

اليوم التاريخ البيان
السبت 6/7/2013 ا،ب،ت،ث
الأحد 7/7/2013
الاثنين 8/7/2013 ج،ح،خ،د
الثلاثاء 9/7/2013
الأربعاء 10/7/2013 ذ،ر،ز،س
الخميس 11/7/2013
الجمعة 12/7/2013 ش،ص،ض،ط
السبت 13/7/2013
الأحد 14/7/2013 ظ،ع،غ،ف
الاثنين 15/7/2013
الثلاثاء 16/7/2013 ق،ك،ل،م
الأربعاء 17/7/2013
الخميس 18/7/2013 ن،هـ،و،ى
الجمعة 19/7/2013
السبت 20/7/2013 للطلاب الذين لم يتقدموا طبقاً للحروف الأبجدية في المواعيد المحددة لهم

[noor :)]

انا فرحت جدا بموضوع تاجيل المواعيد
شكرا بجد عالموضع وفادنى جدا )))))))))
بس عندى استفسار اصحابى هيقدموا لامتحان قدرات فنون تطبيقية لما هيسحبوا الاستمارات من جامعة القاهرة زى هيروحو يقدموها فى جامعة ايه ... مكان جامعة الفنون التطبيقية؟؟؟
وبجد شكرا جدااااا